టెక్ ప్రపంచంలో మెల్లిగా దూసుకువెళుతున్న వాయిస్ అసిస్టెంట్ ఫీచర్ రానున్న కాలంలో అత్యంత పాపులర్ కానుంది. అందులో భాగంగా గూగుల్ సరికొత్త వ్యూహాలతో ముందుకు దూసుకోస్తోంది. దానికి తగ్గట్లుగా సరికొత్త టెక్నాలజీని అందుబాటులోకి తీసుకువస్తోంది. గూగుల్ వాయిస్ అసిస్టెంట్ ఫీచర్ తో పాటు పాటలు, అలాగే ఆన్ లైన్ స్ట్రీమ్స్ సర్వీసులను అందించే విధంగా గాడ్జెట్లను రెడీ చేస్తోంది. అమెజాన్ ఈకో ఇప్పటికే మార్కెట్లో ఇలాంటి ఫీచర్లను అందిస్తున్న నేపథ్యంలో గూగుల్ కూడా సరికొత్త గాడ్జెట్లతో ముందుకొచ్చింది. హోమ్ బేస్డ్ స్మార్ట్ స్పీకర్లను గూగుల్ ఈ రోజు దేశీయ మార్కెట్లోకి విడుదల చేసింది.
గూగుల్ హోమ్ పేరుతో ఉన్న స్పీకర్ ధర రూ.9,999. గూగుల్ మినీ ధర రూ.4,499. గూగుల్ హోమ్ బరువు 477 గ్రాములు. పవర్ అడాప్టర్ తో పాటు వస్తుంది. 142.8 ఎంఎం పొడవు, 96.4 ఎంఎం వ్యాసార్థంతో ఉండే స్పీకర్ ఆండ్రాయిడ్, ఐవోఎస్ పరికరాలకు అనువుగా ఉంటుంది. గూగుల్ అసిస్టెంట్ సాయంతో వాయిస్ ఆధారితంగా పనిచేస్తుంది.
స్మార్ట్‌పోన్ వాడేవారు షాకయ్యే న్యూస్ ఏంటో తెలుసా ?
'హే గూగుల్' లేదా 'ఓకే గూగుల్' అని చెబితే చాలు పనిచేస్తుంది. వైఫై ద్వారా ఈ స్పీకర్ ను కనెక్ట్ చేసుకోవచ్చు. పవర్ అడాప్టర్ సాయంతో ప్లగ్ కు అనుసంధానం చేసి మాత్రమే వాడుకోగలరు. అంతేకాదు దీంతో ఇంటిని స్మార్ట్ గా మార్చుకోవచ్చు. స్మార్ట్ లైట్లు ఉంటే 'ఓకే గూగుల్.. స్విచ్ ఆన్ లైట్స్' అని చెబితే చాలు లైట్లు ఆన్ అవుతాయి. గూగుల్ హోమ్ యాప్ ద్వారా ఇంట్లోని స్మార్ట్ పరికరాలను కనెక్ట్ చేసుకోవాల్సి ఉంటుంది.
ఈ స్పీకర్లకి లైట్లతో కూడిన ఇండికేషన్స్ ఉంటాయి. వాయిస్ కంట్రోల్ చేసుకునే సమయంలో ఈ లైట్లు సహకర్తిస్తాయి. గ్రే అండ్ వైట్ కలర్స్లో ఇవి యూజర్లకు అందుబాటులో ఉంటాయి. ఈ
స్పీకర్లకి మ్యూట్ ఆప్సన్ అలాగే ఇతర ఫీచర్ల కూడా ఉన్నాయి. గూగుల్ అలారం కూడా సెట్ చేసుకోవచ్చు. మీ దైనందిన కార్యకలాపాలకు ఈ స్పీకర్ లో ఉండే అలారం బాగా ఉపకరిస్తుందని గూగుల్ చెబుతోంది. కాగా గూగుల్ హోమ్ యాప్ ని అతి త్వరలోనే ఇండియాలో గూగుల్ లాంచ్ చేయనుంది.
