14 రోజుల బ్యాటరీ లైఫ్‌, స్విమ్మింగ్‌, హెల్త్‌ ట్రాకర్‌లతో స్మార్ట్‌ బ్యాండ్ .. జూన్‌ 10 వరకు స్పెషల్‌ సేల్!

హువావే బ్యాండ్ 10 భారత్ మార్కెట్‌లో విడుదల అయింది. ఈ స్మార్ట్‌ బ్యాండ్ ఈ సంవత్సరం ఫిబ్రవరిలోనే గ్లోబల్ మార్కెట్ విడుదల కాగా.. తాజాగా భారత్‌లో అందుబాటులోకి వచ్చింది. ఈ స్మార్ట్‌ బ్యాండ్‌ను ఒక్కసారి ఛార్జింగ్ చేసి 14 రోజుల వరకు ఉపయోగించుకోవచ్చు. ఈ స్మార్ట్‌బ్యాండ్‌లో అనేక సెన్సార్లు, హెల్త్‌ ట్రాకర్‌లు ఉన్నాయి. స్విమ్మింగ్‌ చేసే వారికి 95 శాతం కచ్చితమైన వివరాలను అందిస్తుందని సంస్థ చెబుతోంది.

హువావే బ్యాండ్‌ 10 స్పెసిఫికేషన్‌లు, ఫీచర్‌లు :
హువావే బ్యాండ్‌ 10 స్మార్ట్‌ బ్యాండ్‌ (Huawei Band 10) 1.47 అంగుళాల అమోలెడ్‌ డిస్‌ప్లేను కలిగి ఉంది. ఈ డిస్‌ప్లే 194 x 368 పిక్సల్‌ రిజల్యూషన్‌, 282 ppi పిక్సల్‌ డెన్సిటీని కలిగి ఉంది. ఈ డిస్‌ప్లే Always On Display ఫీచర్‌ను సపోర్టు చేస్తుంది.

హువావే బ్యాండ్ 10 ఆండ్రాయిడ్, iOS డివైజ్‌లను సపోర్టు చేస్తుంది. నేవిగేషన్‌ కోసం ప్రత్యేకంగా సైడ్‌ బటన్‌ను కలిగి ఉంటుంది. మరియు 5 ATM రేటింగ్‌తో వాటర్ రెసిస్టెంట్‌గా ఉంటుంది. ఈ బ్యాండ్‌ కేవలం 14 గ్రాముల బరువును కలిగి ఉంటుంది.

95 శాతం కచ్చితమైన వివరాలు :
ఈ హువావే బ్యాండ్‌ 10 ఈ స్మార్ట్‌ బ్యాండ్‌ స్విమ్మింగ్‌ చేసే వారికి మంచి ఆప్షన్‌గా ఉంటుందని సంస్థ చెబుతోంది. 9 యాక్సెస్‌ సెన్సార్‌, AI ఆధారిత స్ట్రోక్‌ రికగ్నైజేషన్ ఫీచర్‌లతో 95 శాతం కచ్చితమైన స్విమ్‌ స్ట్రోక్‌, ల్యాప్‌ డిటెక్షన్‌ వివరాలను అందిస్తుందని చెబుతోంది.

100 వర్కౌట్‌ మోడ్స్‌ :
ఈ స్మార్ట్‌ బ్యాండ్‌ స్విమ్మింగ్‌, రన్నింగ్‌, సైక్లింగ్‌, యోగా వంటి 100 వర్కౌట్‌ మోడ్స్‌ను సపోర్టు చేస్తుంది. ఈ హువావే స్మార్ట్‌ బ్యాండ్‌ యాక్సెలిరోమీటర్‌, మాగ్నటోమీటర్‌, గైరోస్కోప్‌ వంటి సెన్సార్‌లను కలిగి ఉంది. ఈ స్మార్ట్‌ బ్యాండ్‌ వెల్‌ బీయింగ్ అసిస్టెంట్ ద్వారా టిప్స్‌ ను అందిస్తుంది.

ఈ హువావే బ్యాండ్‌ 10 అనేక హెల్త్‌ ట్రాకర్‌లను కూడా కలిగి ఉంది. ఆప్టికల్‌ హార్ట్‌ రేట్‌ సెన్సార్‌, బ్లడ్‌ ఆక్సీజన్‌ మానిటర్‌ను కూడా కలిగి ఉంది. నిద్ర నాణ్యత, నిద్ర - హార్ట్‌ రేట్‌లో మార్పులను కూడా గుర్తిస్తుంది. మరియు ఒత్తిడి స్థాయిని కూడా పర్యవేక్షిస్తుంది.

14 రోజుల బ్యాటరీ లైఫ్‌ :
హువావే బ్యాండ్ 10 ను ఒకసారి పూర్తిగా ఛార్జింగ్‌ చేసి గరిష్ఠంగా 14 రోజుల వరకు ఉపయోగించుకోవచ్చు. అయితే ఫుల్‌ ఛార్జింగ్ చేసేందుకు 45 నిమిషాల సమయం తీసుకుంటుంది. మరియు కేవలం 5 నిమిషాల క్విక్‌ ఛార్జింగ్‌తో రెండు రోజుల వరకు ఉపయోగించుకోవచ్చు.

హువావే బ్యాండ్‌ 10 ధర, సేల్ వివరాలు :
హువావే బ్యాండ్ 10 (పాలిమర్‌ కేస్‌) ధర రూ.6499 గా ఉంది. అదే అల్యూమినియం బాడీ వేరియంట్ ధర రూ.6999 గా ఉంది. ప్రత్యేక ఆఫర్‌లో భాగంగా రూ.3699, రూ.4199 కే సొంతం చేసుకోవచ్చు. జూన్ 10 తేదీ వరకు మాత్రమే ఈ ఆఫర్‌ అందుబాటులో ఉంటుంది.

ఈ హువావే బ్యాండ్‌ 10 స్మార్ట్‌బ్యాండ్‌ను అమెజాన్‌ ద్వారా కొనుగోలు చేయవచ్చు. పాలిమర్ కేస్‌ బ్యాండ్‌ బ్లాక్, పింక్‌ రంగుల్లో మాత్రమే లభిస్తుంది. అదే అల్యూమినియం కేస్‌ బ్యాండ్‌ బ్లూ, గ్రీన్‌, మ్యాటీ బ్లాక్‌, పర్పుల్‌, వైట్‌ రంగుల్లో లభిస్తుంది.