హువాయి బ్యాండ్ 4 ప్రో రిలీజ్... దీని ఫీచర్స్ ఎలా ఉన్నాయో చూడండి

ఇది 11 రకాల వ్యాయామాలను ట్రాక్ చేయగలదు. అలాగే ఏదైనా కార్యాచరణ కోసం హెచ్చరికను తెలిపే ఫీచర్ ను కలిగి ఉంది. ఇది సుదీర్ఘ నిశ్చల సెషన్లను గుర్తించడంలో వినియోగదారులకు సహాయ పడుతుంది. హువాయి బ్యాండ్ 4 ప్రోలో నావిగేషన్ కోసం అంతర్నిర్మిత GPS ఫీచర్ ఉంటుంది. అదనంగా హువాయి ఎంజాయ్ 10s ఫోన్ యొక్క కొత్త వేరియంట్‌ను కంపెనీ ఆవిష్కరించింది.

ధర మరియు లభ్యత

హువాయి బ్యాండ్ 4 ప్రో యొక్క ధర CNY 399 అంటే ఇండియా యొక్క కరెన్సీ ప్రకారం దీని ధర సుమారు రూ.4,000. ఇది బ్లాక్, పింక్ మరియు రెడ్ అనే మూడు కలర్ల ఎంపికలో లభిస్తుంది. ఇది ఇప్పుడు చైనాలో ప్రీ-ఆర్డర్‌ల కోసం సిద్ధంగా ఉంది. డిసెంబర్ 12 నుండి దీనిని వినియోగదారులకు అందుబాటులో ఉంటుంది. హువాయి బ్యాండ్ 4 ప్రో ను ఇండియాలో ఎప్పుడు రిలీజ్ చేస్తారు అన్న దాని మీద ఎటువంటి సమాచారం లేదు.

స్పెసిఫికేషన్స్

హువాయి బ్యాండ్ 4 ప్రో 0.65-అంగుళాల AMOLED డిస్ప్లేను కలిగి ఉంటుంది. ఇది 240x120 పిక్సెల్‌ల రిజల్యూషన్‌తో వస్తుంది. దీని డిస్ప్లేలో ఒకేసారి 40 చైనీస్ అక్షరాలను చూపించగలదు. వినియోగదారులు 100 ప్రీలోడ్ చేసిన వాచ్ ఫేస్‌లను అన్ లాక్ కోసం ఎంచుకోవచ్చు. ఫీచర్స్ విషయానికి వస్తే హువాయి బ్యాండ్ 4 ప్రోలో నావిగేషన్ కోసం అంతర్నిర్మిత GPS ఫీచర్ అందుబాటులో ఉంది. అలాగే కాంటాక్ట్‌లెస్ చెల్లింపులను అనుమతించడానికి NFC మద్దతును కలిగి ఉంది.

హువాయి బ్యాండ్ 4 ప్రో హృదయ స్పందన ట్రాకర్‌తో పాటు రక్తంలో ఆక్సిజన్ యొక్క సాంద్రతను కొలవగల SpO2 మానిటర్‌ను కలిగి ఉంటుంది. దీనిని సాధారణంగా బ్లడ్ ఆక్సిజన్ సాచురేషన్ స్థాయి అని పిలుస్తారు. ఇది ప్రాథమికంగా హువాయి బ్యాండ్ 4 యొక్క సూప్-అప్ వెర్షన్, స్లీప్ ట్రాకింగ్ కోసం అంతర్గత హువాయి ట్రూస్లీప్ 2.0 టెక్నాలజీతో వస్తుంది. ఇది కొన్ని రకాల రన్నింగ్, స్విమ్మింగ్ మరియు సైక్లింగ్ వంటి 11 రకాల వ్యాయామాలను కూడా ట్రాక్ చేస్తుంది.