తగ్గింపు ఆఫర్లతో మొదలైన హువాయి బ్యాండ్ 4 సేల్స్

మీరు ఆరోగ్యపరమైన రోజువారీ దినచర్యలను ట్రాక్ చేసే ఉద్దేశ్యంతో సరసమైన ఫిట్‌నెస్ బ్యాండ్ కోసం చూస్తున్నట్లయితే హువాయి యొక్క కొత్త హువాయి బ్యాండ్ 4 ను కొనుగోలు చేయడం చాలా విలువైనదిగా ఉంటుంది. హువాయి సంస్థ ఇప్పుడు తన స్మార్ట్ డివైస్ పోర్ట్‌ఫోలియోలో కొత్త ఫిట్‌నెస్ బ్యాండ్‌ను జోడించింది.

ధరల వివరాలు

హువాయి బ్యాండ్ 4 ప్రస్తుతం పరిమిత కాలానికి కేవలం 1,999 రూపాయలకు లభిస్తుంది అని కంపెనీ ఒక పత్రికా ప్రకటనలో తెలిపింది. ఈ పరిమిత కాలం ముగిసిన తరువాత దీని యొక్క ధర రూ.2,099 గా ఉంటుంది. ఇది కేవలం గ్రాఫైట్ బ్లాక్ కలర్‌లో మాత్రమే లభిస్తుంది.

సేల్స్ ఆఫర్స్

ఆన్‌లైన్ సేల్స్ లో భాగంగా నేటి నుంచి ఫ్లిప్‌కార్ట్‌లో హువాయి బ్యాండ్ 4 సేల్స్ మొదలయినాయి. దీనిని ఫ్లిప్‌కార్ట్‌లో HSBC,ఫెడరల్ బ్యాంక్,యాక్సిస్ బ్యాంక్ క్రెడిట్ మరియు డెబిట్ కార్డు మీద కొనుగోలు చేసిన వారికి 10% క్యాష్ బ్యాక్ లభిస్తుంది.

స్పెసిఫికేషన్స్

హువాయి బ్యాండ్ 4 ప్రో స్మార్ట్ డివైస్ హృదయ స్పందన సెన్సార్‌తో పాటు బ్లడ్ ఆక్సిజన్ సాచురేషన్ స్థాయిలను కొలిచే SpO2 సెన్సార్‌ ను కూడా కలిగి ఉంది. హువాయి బ్యాండ్ 4 0.95-అంగుళాల అమోలెడ్ డిస్‌ప్లేను కలిగి ఉంది. కాంటాక్ట్‌లెస్ పెమెంట్స్ చేయడానికి NFC మద్దతును కూడా అందిస్తుంది.

ఫీచర్స్

2.5D గుండ్రని గ్లాస్ మరియు ఒలియోఫోబిక్ కోటింగ్ తో కలర్ టచ్‌స్క్రీన్ డిస్ప్లేతో ప్రీలోడ్ చేయబడిన హువాయి బ్యాండ్ 4 EMUI ద్వారా రన్ అవుతుంది. నావిగేషన్‌ను అనుమతించడానికి చిన్ వద్ద దీర్ఘచతురస్రాకార బటన్ ను కలిగి ఉంటుంది. ఈ ఫిట్నెస్ బ్యాండ్ 91mAh బ్యాటరీతో ప్యాక్ చేయబడి వస్తుంది. ఇది ఒక ఛార్జీ మీద తొమ్మిది రోజుల వరకు పనిచేస్తుంది. ఇది ఎటువంటి USB-A పోర్టును సపోర్ట్ చేసే USB ప్లగ్ ద్వారా ఛార్జ్ చేయడానికి వీలుగా ఉంటుంది.

మానిటర్స్

ఫిట్‌నెస్ బ్యాండ్‌లోని ఆరోగ్య సంబంధిత ఫీచర్లలో హృదయ స్పందన మానిటర్ మరియు స్లీప్ మోడ్ డిటెక్టర్ ఉన్నాయి. ఇవి 6 సాధారణ నిద్ర సంబంధిత సమస్యలను గుర్తించగలవు. హువాయి యొక్క యాప్ ఈ సమస్యలకు 200 సంభావ్య పరిష్కారాలను అందించగలదు మరియు మీరు బాగా నిద్రపోవడానికి ఇది సహాయపడుతుందని పేర్కొంది. ఫిట్‌నెస్ బ్యాండ్‌లో అవుట్డోర్ రన్, ఇండోర్ రన్, సైక్లింగ్, ఫ్రీ ట్రైనింగ్, రోయింగ్ మరియు ప్రీసెట్ వర్కౌట్ మోడ్‌లుగా అందుబాటులో ఉన్నాయి.