మార్కెట్లోకి Huawei కొత్త స్మార్ట్‌వాచ్

స్మార్ట్‌ఫోన్‌ల విభాగంలో నమ్మకమైన బ్రాండ్‌గా అవతరించిన Huawei ఇటు వేరబుల్ టెక్నాలజీ విభాగంలోనూ తన అదృష్టాన్ని పరీక్షించుకునే ప్రయత్నం చేస్తోంది. తాజాగా ఈ కంపెనీ Huawei Watch 2 Pro పేరుతో సరికొత్త స్మార్ట్‌వాచ్‌ను మార్కెట్లో లాంచ్ చేసింది. ఈ వాచ్‌కు eSIM సపోర్ట్ ప్రధాన హైలైట్‌గా నిలుస్తుంది.

4G/3G/2G నెట్‌వర్క్‌లను వాచ్ సపోర్ట్ చేస్తుంది. Android Wear 2.0 ఆపరేటింగ్ సిస్టం పై రన్ అయ్యే ఈ డివైస్‌.. ఆండ్రాయిడ్ 4.4, ఐఓఎస్ 9.0 ఆపై వర్షన్ ఆపరేటింగ్ సిస్టంతో రన్ అయ్యే స్మార్ట్‌ఫొన్‌లను సపోర్ట్ చేస్తుంది.

బ్లుటూత్ (2.4GHz BT4.1 BLE + BR / EDR), వై-ఫై (2.4GHz 802.11 b / g / n), జీపీఎస్, ఎన్‌ఎఫ్‌సీ వంటి కనెక్టువిటీ సదుపాయాలను ఈ వాచ్‌లో హువావే నిక్షిప్తం చేసింది. Huawei Pay, Alipay, Wechat Pay వంటి పేమెంట్స్ యాప్స్ వాచ్‌లో అందుబాటులో ఉంటాయి. ఐపీ68 రేటింగ్‌తో వస్తోన్న ఈ వాచ్ వాటర్ ఇంకా డస్ట్ రెసిస్టెన్స్ సామర్థ్యాలను కలిగి ఉంటుంది.

1.2 ఇంచ్ అమోల్డ్ రౌండ్ స్ర్కీన్ (రిసల్యూషన్ కెపాసిటీ 390 × 390 పిక్సల్స్), 326 పీపీఐ, కార్నింగ్ గొరిల్లా గ్లాస్ ప్రొటెక్షన్, Android Wear 2.0 ఆపరేటింగ్ సిస్టం, క్వాల్కమ్ స్నాప్‌డ్రాగన్ 2100 4 కోర్ ప్రాససర్, 768ఎంబి ర్యామ్, 4జీబి ఇంటర్నల్ స్టోరేజ్, 420mAh బ్యాటరీ, 3 - యాక్సిస్ గ్రావిటీ యాక్సిలరేషన్ సెన్సార్, 3 - యాక్సిస్ గైరోస్కోప్ సెన్సార్, 3 - యాక్సిస్ జియోమాగ్నటిక్ సెన్సార్, హార్ట్ రేట్ సెన్సార్, ప్రెజర్ సెన్సార్, కెపాసిటివ్ సెన్సార్, యాంబియంట్ లైట్ సెన్సార్.

హువావే వాచ్ 2 ప్రో స్మార్ట్‌వాచ్‌ను, చైనా మార్కెట్లో JD.com ఎక్స్‌క్లూజివ్‌గా విక్రయిస్తోంది. ధర ¥2588 (మన కరెన్సీలో సుమారుగా రూ.25,343). ఇండియాలో ఈ వాచ్ అందుబాటుకు సంబంధించి పూర్తి వివరాలు వెల్లడి కావల్సి ఉంది.