Infinix నుంచి తక్కువ ధరలో శక్తివంతమైన Laptop లు! సేల్ మొదలైంది

By Maheswara

Published: Friday, June 9, 2023, 16:35 [IST]

Infinix సంస్థ భారతదేశంలో తన తాజా బడ్జెట్ ల్యాప్‌టాప్ లను గత వారం విడుదల చేసింది. ఈ ఇన్ఫినిక్స్ INBook X2 స్లిమ్‌ ల్యాప్ టాప్ ను భారత మార్కెట్లో లాంచ్ చేసింది. ఇది మొత్తం 6 వేరియంట్లలో వస్తుంది. గత వారం విడుదలైన ఈ ల్యాప్‌టాప్ కోసం భారత మార్కెట్లో ఈరోజు (జూన్ 9) అమ్మకాలు ప్రారంభమయ్యాయి.

Infinix Inbook X2 స్లిమ్ ల్యాప్‌టాప్ 1TB వరకు స్టోరేజీ, 16GB వరకు ర్యామ్, అల్యూమినియం అల్లాయ్ ఫినిషింగ్ మరియు బ్యాక్‌లిట్ కీబోర్డ్‌తో వస్తుంది. ఇది మొత్తం 6 వేరియంట్‌లలో ప్రస్తుతం ఫ్లిప్‌కార్ట్ ద్వారా అమ్మకానికి అందుబాటులో ఉంది.

Infinix INBook X2 Slim Laptop With Intel Core i5, i6 And i7 Processors Available For Sale In India. Price And Specifications

ఇన్ఫినిక్స్ ఇన్ బుక్ X2 స్లిమ్ ల్యాప్‌టాప్ యొక్క ముఖ్యమైన ఫీచర్లు: ఇన్ఫినిక్స్ నుండి వచ్చిన ఈ తాజా ల్యాప్‌టాప్ 1080 x 1920 పిక్సెల్‌ల రిజల్యూషన్‌తో 14 అంగుళాల పూర్తి HD డిస్ప్లే (14inch FHD డిస్ప్లే)ని కలిగి ఉంది. ఈ డిస్ప్లే 300 నిట్‌ల గరిష్ట ప్రకాశాన్ని కూడా అందిస్తుంది.

ముందే చెప్పుకున్నట్టు ఈ ల్యాప్ టాప్ మొత్తం 6 వేరియంట్లలో విడుదలైంది. అవి 11వ తరం ఇంటెల్ కోర్ i3, ఇంటెల్ కోర్ i5 మరియు ఇంటెల్ కోర్ i7 చిప్‌సెట్‌లతో విభిన్న RAM + స్టోరేజీ ఆప్షన్లలో వస్తాయి.

ఇక ఈ ల్యాప్‌టాప్ యొక్క RAM మరియు స్టోరేజీ విషయానికొస్తే, ఇది రెండు RAM ఎంపికలు (8GB, 16GB) మరియు 3 స్టోరేజీ ఎంపికలు (256GB, 512GB మరియు 1TB)లలో వస్తుంది. అలాగే Infinix Inbook X2 స్లిమ్ ల్యాప్‌టాప్ విండోస్ 11 హోమ్ ఆపరేటింగ్ సిస్టమ్‌ తో పనిచేస్తుంది.

ఆసక్తికరమైన విషయం ఏమిటంటే, బడ్జెట్ ధర కలిగిన ఈ ల్యాప్‌టాప్ అందుబాటు ధరలోనే లభిస్తుంది.ఇంకా, వీడియో కాలింగ్ కోసం డ్యూయల్-స్టార్ LED ఫిల్ లైట్లతో HD వెబ్‌క్యామ్ కూడా ఉంది. ఇది స్టీరియో స్పీకర్లు మరియు DTS ఆడియో ప్రాసెసింగ్‌తో కూడిన 2 డిజిటల్ మైక్రోఫోన్‌లను కూడా కలిగి ఉంది.

బ్యాటరీ మరియు ఛార్జింగ్ వివరాలు గమనిస్తే, ఈ ల్యాప్‌టాప్ 65W PD 3.0 టైప్-సి ఫాస్ట్ ఛార్జింగ్ సపోర్ట్‌తో 50Wh బ్యాటరీని ప్యాక్ చేస్తుంది. Infinix Inbook X2 స్లిమ్ ల్యాప్‌టాప్ రెడ్, గ్రీన్, సిల్వర్ మరియు బ్లూ అనే 4 కలర్ ఆప్షన్‌లలో లభిస్తుంది.

Infinix Inbook X2 స్లిమ్ ల్యాప్‌టాప్ ధరల వివరాలు: i3 ప్రాసెసర్‌తో కూడిన 8GB RAM + 256GB వేరియంట్ ధర రూ. 29,990. అదే i3 ప్రాసెసర్ మరియు 8GB RAM + 512GB స్టోరేజ్ కలిగిన వేరియంట్ ధర రూ.31,990 గా ఉంది

అలాగే, i5 ప్రాసెసర్‌తో 16GB RAM + 512GB వేరియంట్ ధర రూ. 38,990. అదే i5 ప్రాసెసర్ మరియు 16GB RAM + 1TB స్టోరేజ్‌తో Infinix Inbook X2 స్లిమ్ ల్యాప్‌టాప్ ధర రూ. 40,990 గా ఉంది.

చివరగా, i7 ప్రాసెసర్‌తో కూడిన 16GB RAM + 512GB వేరియంట్ ధర రూ. 48,990. అదే i7 ప్రాసెసర్ మరియు 16GB RAM + 1TB స్టోరేజ్‌తో Infinix Inbook X2 స్లిమ్ ల్యాప్‌టాప్ ధర రూ. 50,990 గా ఉంది.