ప్రపంచానికి ఊహించని షాకిచ్చిన LG, మడతపెట్టే టీవితో సంచలనం

రిమోట్‌ కంట్రోల్‌ సాయంతో..

రిమోట్‌ కంట్రోల్‌ సాయంతోనే స్క్రీన్‌ను ఎలా కావాలంటే అలా వంపుకునే అవకాశం ఉండటం ఈ సరికొత్త ఎల్‌జీ ఓలెడ్‌ టీవీ ప్రత్యేకత. ఒక్కసారి ఫొటోలను చూస్తే ఈ టీవీ ఎలా ఉంటుందో తెలిసిపోతుంది.

65 అంగుళాల వెడల్పుతో..

దాదాపు 65 అంగుళాల వెడల్పుతో ఈ టివి అక్కడ కనివిందు చేసింది. ఎల్‌జీ అని రాసి ఉన్న డబ్బాలో ఉండ చుట్టుకుని ఉండే ఈ టెలివిజన్‌ అవసరమైనప్పుడు పైకి వచ్చేస్తుంది.

మనకు అవసరమైనంత మేరకే ..

ఇంకో ఆసక్తికర అంశం ఏంటంటే మనకు అవసరమైనంత మేరకే ఈ టివిని వాడుకోవచ్చు. అంటే టివిలో కొంత భాగం మాత్రమే పనిచేసేలా దాన్ని ఆపరేట్ చేసుకోవచ్చు.

 

ఐపీఎస్ టెక్నాలజీని..

65 అంగుళాల తెరకు ప్రస్తుతం ఉన్న ఐపీఎస్ టెక్నాలజీని కూడా అభివృద్ధి చేసి ఐపీఎస్ నానో కలర్, యూ ఐపీఎస్‌లను అమలు చేయనున్నట్లు ఎల్‌జీకి చెందిన డిస్‌ప్లే డివిజన్ ప్రకటించింది.

ఆర్ట్ గ్లాస్ డిస్‌ప్లేలను..

వీటితో పాటు టీవీలకు 65 అంగుళాల ఆర్ట్ గ్లాస్ డిస్‌ప్లే, మానిటర్లకు 14 అంగుళాలు, 31.5 అంగుళాల ఆర్ట్ గ్లాస్ డిస్‌ప్లేలను సీఈఎస్‌లో భాగంగా ఆవిష్కరించింది.

88 అంగుళాల 8కే ఓఎల్‌ఈడీ టీవీని..

దీంతో పాటు 88 అంగుళాల 8కే ఓఎల్‌ఈడీ టీవీని కూడా ఇదే షోలో ఎల్‌జీ లాంచ్ చేసింది. కాగా ప్రపంచంలో ఇదే తొలి 88 అంగుళాల 8కే రిజల్యూషన్ టీవీ.

శాంసంగ్‌కు చెందిన 146 అంగుళాల 4కే టీవీ

ఇక ఇతర కంపెనీల విషయానికి వస్తే శాంసంగ్‌కు చెందిన 146 అంగుళాల 4కే టీవీ ప్రత్యేక ఆకర్షణగా నిలిచింది. దీనికి ద వాల్ అన్న పేరు పెట్టారు.

వినియోగదారులకు అందించే ఆలోచన..

అయితే ఎల్‌జీ ఆవిష్కరించిన టీవిని వినియోగదారులకు అందించే ఆలోచన ఇంకా చేయలేదని కంపెనీ చెబుతోంది. ఈ విషయంలో యూజర్లు కొంచెం నిరాశ పడాల్సిందే.