Marshall బ్రాండ్ నుండి కొత్త ఇయర్‌బడ్‌లు, ధర రూ.11999 ! ప్రత్యేకత ఏంటి?

ప్రముఖ ఆడియో బ్రాండ్ అయిన మార్షల్ తన సరికొత్త ఉత్పత్తి అయిన మైనర్ IV ట్రూ వైర్‌లెస్ ఇయర్‌బడ్‌లను లాంచ్ చేసింది. ఇది సంస్థ నుంచి వచ్చిన ఎంట్రీ-లెవల్ ట్రూ వైర్‌లెస్ ఇయర్‌బడ్ వర్గాన్ని అప్డేట్ చేస్తాయని సంస్థ తెలిపింది. రూ. 11,999 ధరతో, ఈ ఇయర్‌బడ్‌లు జూన్ 15 నుండి Marshall.com లో ప్రపంచవ్యాప్తంగా అందుబాటులో ఉంటాయి.

ఈ మైనర్ IV ఇయర్‌బడ్‌లు శక్తివంతమైన సౌండ్‌తో కాంపాక్ట్ పరిమాణాపు డిజైన్ కలిగి ఉండేలా రూపొందించబడ్డాయి. ఇవి మార్షల్ సిగ్నేచర్ ఆడియో క్వాలిటీని కోరుకునే సంగీత ప్రియులకు ఇది సరైనది. అవి ధ్వని పనితీరును మెరుగుపరిచి, రోజంతా ధరించడానికి సౌకర్యవంతంగా ఉంటాయి. ఈ ఇయర్‌బడ్‌లను మార్షల్ యాప్ ద్వారా కనెక్ట్ అయి కంట్రోల్ చేయవచ్చు.

మార్షల్ మైనర్ IV ఇయర్‌బడ్‌ల యొక్క ముఖ్యమైన ఫీచర్లు
* మార్షల్ సిగ్నేచర్ సౌండ్ తో వినియోగదారులను ఆకర్షించే నైపుణ్యంతో సమతుల్య ధ్వనిని అందిస్తుంది.
* 30 గంటల కంటే ఎక్కువ సమయం వైర్‌లెస్ ప్లేటైమ్ ను అందిస్తాయి. ఈ ఇయర్‌బడ్‌లతో ఒకే ఛార్జింగ్‌పై 7 గంటల వరకు ఉండే పొడిగించిన మ్యూజిక్ సెషన్‌లను మరియు ఛార్జింగ్ కేస్‌ను ఉపయోగిస్తున్నప్పుడు మొత్తం 30 గంటల వరకు పనిచేస్తాయి.
*ఈ ఇయర్‌బడ్‌లు ఎర్గోనామిక్‌గా అద్భుతంగా రీడిజైన్ చేయబడ్డాయి. ఎక్కువ కాలం ఉపయోగించడం కోసం సౌకర్యవంతంగా ఉంటాయి. అవి నీటికి నిరోధకతను కలిగి ఉంటాయి. వివిధ పరిస్థితులలో వీటి మన్నికను నిర్ధారిస్తాయి.
* ఇందులోని బ్లూటూత్ మల్టీపాయింట్ కనెక్టివిటీ, బహుళ పరికరాలకు ఒకే సమయంలో కనెక్షన్‌ని అనుమతిస్తుంది. మరియు వినియోగదారులకు సౌకర్యవంతంగా ఉంటుంది.
* మార్షల్ యాప్ ద్వారా ప్లేబ్యాక్, కాల్‌లు మరియు సంగీత ప్రాధాన్యతలను సులభంగా కంట్రోల్ చేయవచ్చు.
* వినియోగదారులు యాప్‌ ద్వారా బ్యాటరీ సంరక్షణ ఫీచర్‌లు మరియు ఓవర్-ది-ఎయిర్ (OTA) అప్‌డేట్‌లతో ఇయర్‌బడ్‌ల జీవితకాలాన్ని పొడిగించవచ్చు.
* అదనంగా, మైనర్ IV భవిష్యత్తులో-ప్రూఫ్ బ్లూటూత్ LE ఆడియో టెక్నాలజీని కలిగి ఉంది, ఇది అధిక ఆడియో నాణ్యతను మరియు మెరుగైన వీడియో సింక్ కోసం మెరుగైన కనెక్టివిటీని అందిస్తుంది.

మార్షల్ మైనర్ IV యొక్క స్పెసిఫికేషన్లు గమనిస్తే, 12 mm డైనమిక్ డ్రైవర్లు, 20 Hz - 20 kHz ఫ్రీక్వెన్సీ ప్రతిస్పందన పరిధిని కలిగి ఉంటాయి. ఈ ఇయర్‌బడ్‌ల బరువు ఒక్కొక్కటి 7.39 గ్రా, ఛార్జింగ్ కేస్ బరువు 39.41 గ్రా. అవి USB-C ఛార్జింగ్‌కు మద్దతు ఇస్తాయి. ఈ ఇయర్‌బడ్‌లు పూర్తిగా రీఛార్జ్ చేయడానికి దాదాపు 1గంట పడుతుంది మరియు కేస్‌ కోసం 2 గంటల సమయం పడుతుంది.

మార్షల్ యొక్క ఈ మైనర్ IV ట్రూ వైర్‌లెస్ ఇయర్‌బడ్‌లు కాంపాక్ట్ డిజైన్‌లో అధిక-పనితీరు గల ఆడియో కోసం వెతుకుతున్న సంగీత ఔత్సాహికులకు బెస్ట్ ఎంపిక అవుతాయి. అసాధారణమైన ధ్వని నాణ్యతతో, మైనర్ IV నిజమైన వైర్‌లెస్ ఇయర్‌బడ్ మార్కెట్‌లో గేమ్-ఛేంజర్‌గా ఉంటుంది.

గిజ్‌బాట్‌ తెలుగు వెబ్‌సైట్ గాడ్జెట్లు సహా ఇతర టెక్‌ న్యూస్‌కు సంబంధించిన ఆసక్తికరమైన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా వార్తల కోసం సోషల్‌ మీడియా ఖాతాలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలాగే మీ తోటి స్నేహితులతో ఈ వార్తను పంచుకోగలరు.