10mm డైనమిక్ డ్రైవర్లు, 50 గంటల ప్లేటైమ్‌తో అదరగొట్టే Noise Buds VS601 వచ్చేసాయ్..!

Noise VS601 earbuds: ప్రముఖ ఆడియో బ్రాండ్ నాయిస్ (Noise) ఇండియాలో తమ సరికొత్త ట్రూలీ వైర్‌లెస్ ఇయర్‌బడ్స్‌ను విడుదల చేసింది. వీటి పేరు నాయిస్ బడ్స్ VS601 (Noise Buds VS601). వీటిని ఒక్కసారి ఛార్జ్ చేస్తే మొత్తం 50 గంటల వరకు పాటలు వినొచ్చు లేదా కాల్స్ మాట్లాడుకోవచ్చు. ఎక్కువ బ్యాటరీ లైఫ్ కోరుకునే వారికి ఇవి బెస్ట్ ఛాయిస్.

* సూపర్ సౌండ్, క్లియర్ కాల్స్..
చూడటానికి ఇవి చాలా స్టైలిష్‌గా ఉన్నాయి. సగం కనిపించే (సెమీ-ట్రాన్స్‌పరెంట్) కేస్ మూత, మెటాలిక్ ఫినిష్‌తో లుక్స్ పరంగా, ఫీచర్ల పరంగా ఇవి ప్రత్యేకంగా నిలుస్తాయి. ఈ నాయిస్ బడ్స్ VS601లో 10mm డైనమిక్ డ్రైవర్లు ఉన్నాయి. వీటిని సోనిక్‌బ్లెండ్ టెక్నాలజీ (SonicBlend Technology) ఉపయోగించి ట్యూన్ చేశారు.

దీనివల్ల పాటలు వింటున్నా, సినిమాలు చూస్తున్నా, పాడ్‌కాస్ట్‌లు వింటున్నా సౌండ్ క్వాలిటీ అద్భుతంగా ఉంటుంది. మంచి పవర్‌ఫుల్ బాస్‌తో పాటు ఆడియో చాలా స్పష్టంగా వినిపిస్తుంది. కాల్స్ విషయానికొస్తే, ఇందులో క్వాడ్ మైక్ ENC (నాలుగు మైకుల ఎన్విరాన్‌మెంటల్ నాయిస్ క్యాన్సిలేషన్) ఫీచర్ ఉంది.

అంటే, నాలుగు మైక్రోఫోన్‌లు మీ చుట్టూ ఉన్న అనవసర శబ్దాలను తగ్గించి, మీరు మాట్లాడే మాట అవతలి వారికి స్పష్టంగా వినిపించేలా చేస్తాయి. గోలగోలగా ఉండే ప్రదేశాల్లో కూడా మీ కాల్స్ డిస్టర్బ్ కావు. ఎక్కువగా శబ్ద కాలుష్యం ఉన్నచోట వీటిని వాడుకోవచ్చు. ఫ్యాక్టరీ పనులు చేసేవారి కూడా ఇవే ఉత్తమంగా నిలుస్తాయి.

* ఒకేసారి రెండు డివైజ్‌లకు కనెక్ట్..
మల్టీటాస్కింగ్ చేసేవారికి ఇందులో ఒక మంచి ఫీచర్ ఉంది. అదే డ్యూయల్-డివైస్ పెయిరింగ్. దీనితో మీరు ఒకే సమయంలో మీ ఫోన్, ల్యాప్‌టాప్ వంటి రెండు డివైజ్‌లకు ఈ బడ్స్‌ను కనెక్ట్ చేసి ఉంచుకోవచ్చు. ఒక డివైజ్ నుంచి మరొకదానికి సులభంగా మారవచ్చు.

కనెక్షన్ కోసం ఇందులో లేటెస్ట్ బ్లూటూత్ v5.3 టెక్నాలజీని ఉపయోగించారు. అంతేకాదు, హైపర్‌సింక్ టెక్నాలజీ (HyperSync Technology) ఉండటం వల్ల, మీరు కేస్ మూత తెరిచిన వెంటనే ఇవి మీ డివైజ్‌కు వేగంగా, స్థిరంగా కనెక్ట్ అయిపోతాయి. దీనివల్ల చాలా శ్రమ, సమయం ఆదా అవుతాయి.

* గేమింగ్, వీడియోలకు పర్ఫెక్ట్..
ఈ బడ్స్ VS601లో లో-లేటెన్సీ మోడ్ ఉంది. ఇది ముఖ్యంగా మొబైల్ గేమ్స్ ఆడేవారికి, వీడియోలు చూసేవారికి చాలా ఉపయోగపడుతుంది. ఈ మోడ్ ఆన్ చేస్తే, ఆడియోకు, వీడియోకు మధ్య ఎలాంటి ఆలస్యం (delay) ఉండదు. అంటే, తెరపై జరిగేదానికి, వినిపించే సౌండ్‌కు మధ్య సింక్ పర్ఫెక్ట్‌గా ఉంటుంది, గేమింగ్ అనుభవం మరింత బాగుంటుంది.

* ఫాస్ట్ ఛార్జింగ్, వాటర్ రెసిస్టెన్స్..
బ్యాటరీ విషయానికొస్తే వీటిని ఒక్కసారి ఫుల్ ఛార్జ్ చేస్తే మొత్తం 50 గంటల ప్లేటైమ్ వస్తుంది. ఒకవేళ ఛార్జింగ్ అయిపోయినా కంగారు పడక్కర్లేదు. ఇన్‌స్టాఛార్జ్ టెక్నాలజీ (Instacharge Technology)తో కేవలం 10 నిమిషాలు ఛార్జ్ చేస్తే చాలు, 150 నిమిషాల (2.5 గంటల) పాటు వాడుకోవచ్చు.

* రంగులు, ధర, ఎక్కడ కొనాలి..?
అంతేకాకుండా, వీటికి IPX5 వాటర్ రెసిస్టెన్స్ రేటింగ్ ఉంది. కాబట్టి, వర్కౌట్లు చేస్తున్నప్పుడు, జాగింగ్‌కు వెళ్లినప్పుడు వచ్చే చెమటను, లేదా చిన్నపాటి వాన తుంపర్లను ఇవి తట్టుకోగలవు. ఈ నాయిస్ బడ్స్ VS601 మొత్తం ఐదు ఆకర్షణీయమైన రంగుల్లో లభిస్తున్నాయి. అవి గ్రాఫైట్ బ్లాక్, కోబాల్ట్ బ్లూ, కాపర్ బ్రౌన్, ఎమరాల్డ్ గ్రీన్, సిల్వర్ గ్రే. వీటి ధర కేవలం రూ.1,199 మాత్రమే.

వీటిని నాయిస్ అధికారిక వెబ్‌సైట్ (gonoise.com), Amazon.in లలో కొనుగోలు చేయవచ్చు. కొన్నవారికి 1 సంవత్సరం వారంటీ కూడా లభిస్తుంది. ఈ ధరకు ఇన్ని ఫీచర్లు ఉండటం నిజంగా మంచి విషయం.