కేవలం రూ.99 కే ఇయర్‌బడ్స్‌.. 99 నిమిషాల వరకే అవకాశం..!

నథింగ్ సంస్థ భారత్‌లో ఆఫ్‌లైన్‌ రిటైల్‌ స్టోర్‌ను ప్రారంభించనుంది. తొలి స్టోర్‌ ఫిబ్రవరి 14 వ తేదీన బెంగళూరులో (Bengaluru Nothing Store) ప్రారంభం కానుంది. ప్రారంభ ఆఫర్‌లో భాగంగా CMF బడ్స్ 2 ఇయర్‌బడ్స్‌ను (Nothing Phone 2 Earbuds) కేవలం రూ.99 ధరకే అందిస్తామని తెలిపింది. లిమిటెడ్‌ పిరియడ్‌ ఆఫర్‌లో భాగంగా ఈ ధరకు అందిస్తామని వెల్లడించింది.

రూ.99 ధరకే ఇయర్‌బడ్స్‌ :
సీఎంఎఫ్‌ బడ్స్‌ 2 ఇయర్‌బడ్స్‌ను బెంగళూరు రిటైల్‌ స్టోర్‌ ప్రారంభించిన తొలి 99 నిమిషాల వరకు రూ.99 ధరకు అందిస్తామని ప్రకటించింది. ఆఫర్‌ సమయం ముగిసిపోయాక రూ.2299 ధరకు కొనుగోలు చేయాల్సి ఉంటుందని తెలిపింది. ఈ ఆఫర్‌ కేవలం బెంగళూరు రిటైల్‌ స్టోర్‌కే పరిమితమని స్పష్టం చేసింది. ఆన్‌లైన్‌ సహా ఇతర రిటైల్‌ స్టోర్‌లలో సాధారణ ధరకే కొనుగోలు చేయాల్సి ఉంటుందని తెలిపింది.

ఇతర ప్రత్యేక ఆఫర్లు :
బెంగళూరులో నథింగ్‌ రిటైల్‌ స్టోర్‌ ప్రారంభం సందర్భంగా CMF బడ్స్‌ 2 ఇయర్‌బడ్స్‌తోపాటు నథింగ్‌ ఫోన్‌ల కొనుగోలుపైనా ప్రత్యేక ఆఫర్లను అందిస్తామని తెలిపింది. నథింగ్ ఫోన్‌ 3 కొనుగోలుపై రూ.5999 విలువైన నథింగ్‌ Ear (a) బడ్స్‌ను ఉచితంగా పొందవచ్చు.

నథింగ్‌ ఫోన్ 3a, నథింగ్ ఫోన్‌ 3a ప్రో మోడల్స్‌ పై CMF బడ్స్ 2 ఇయర్‌బడ్స్‌ను ఉచితంగా అందిస్తామని తెలిపింది. నథింగ్ ఫోన్ 3a లైట్‌, CMF ఫోన్‌ 2 ప్రో స్మార్ట్‌ఫోన్‌ల కొనుగోలుపైనా ఈ బడ్స్‌ను ఉచితంగా పొందవచ్చు. దీంతోపాటు బెంగళూరు రిటైల్‌ స్టోర్‌లో తొలి రోజు కొనుగోలు చేసిన అన్ని ఉత్పత్తులపై 3 నెలలపాటు అదనపు వారంటీని అందిస్తామని తెలిపింది.

రిటైల్‌ స్టోర్ ఎక్కడ ప్రారంభం కానుందంటే :
భారత్‌లో నథింగ్‌ తొలి రిటైల్‌ స్టోర్ బెంగళూరులో 660/1, 100 ఫీట్‌ రోడ్‌, స్టేజ్‌ 1, ఇందిరానగర్‌ లో ఫిబ్రవరి 14న ప్రారంభం కానుంది. పైన తెలిపిన అన్ని ఆఫర్లు బెంగళూరు రిటైల్‌ స్టోర్‌కే పరిమితమని నథింగ్‌ స్పష్టం చేసింది.

* CMF బడ్స్‌ 2 ఇయర్‌బడ్స్‌ Dirac Opteo ట్యూనింగ్‌, N52 మ్యాగ్నట్స్‌తో 11mm PMI డ్రైవర్లను కలిగి ఉంది. 48dB హైబ్రిడ్‌ యాక్టివ్‌ నాయిస్ క్యాన్సిలేషన్‌ (ANC) సపోర్టును కలిగి ఉంది. ఈ బడ్స్ IP55 రేటింగ్‌తో డస్ట్‌, స్ల్పాష్‌ రెసిస్టెంట్‌గా ఉంది.

ఈ ఇయర్‌బడ్స్‌ బ్లూటూత్ 5.4, డ్యూయల్‌ డివైజ్‌ కనెక్టివిటీని సపోర్టు చేస్తుంది. గేమింగ్‌ కోసం 110ms Low Latecy Rate ను కలిగి ఉంది. స్పేషియల్‌ ఆడియో, విండ్‌ నాయిస్‌ రిడక్షన్ 3.0, క్లియర్‌ వాయిస్‌ టెక్నాలజీ 3.0 కూడిన 6 HD మైక్రోఫోన్‌లను కలిగి ఉంది.

CMF బడ్స్‌ 2 ఇయర్‌బడ్స్‌ 460mAh బ్యాటరీని కలిగి ఉంది. ఒక్కసారి పూర్తిగా ఛార్జింగ్‌ చేసి 55 గంటల (ANC Off) బ్యాటరీ లైఫ్‌ను అందిస్తుంది. కేవలం 10 నిమిషాల ఛార్జింగ్‌తో 7.5 గంటల ప్లేబ్యాక్‌ టైంను పొందవచ్చు.