45 గంటల బ్యాటరీ లైఫ్‌, AI కాల్ నాయిస్‌ క్యాన్సిలేషన్‌తో వన్‌ప్లస్‌ బడ్స్ 4.. స్పెసిఫికేషన్‌లు, ఫీచర్‌ల వివరాలు

వన్‌ప్లస్‌ నుంచి భారత్‌ మార్కెట్‌లో జులై 8 వ తేదీన వన్‌ప్లస్‌ నార్డ్ 5 సిరీస్‌, వన్‌ప్లస్‌ బడ్స్‌ 4 విడుదల కానున్నాయి. ఇప్పటికే వన్‌ప్లస్‌ నార్డ్ 5, వన్‌ప్లస్‌ నార్డ్ CE 5 ఫోన్‌లకు సంబంధించిన అనేక వివరాలు వెల్లడయ్యాయి. తాజాగా వన్‌ప్లస్‌ బడ్స్‌ 4 TWS ఇయర్‌బడ్స్‌ స్పెసిఫికేషన్‌లు, ఫీచర్‌ల వివరాలను వన్‌ప్లస్‌ సంస్థ వెల్లడించింది. 2024 తొలి రోజుల్లో వన్‌ప్లస్ బడ్స్ 3 విడుదల కాగా.. వచ్చేవారం బడ్స్ 4 విడుదల కానున్నాయి.

నాయిస్‌ క్యాన్సిలేషన్‌ :
ఇప్పటికే ఈ బడ్స్‌ నాయిస్‌ క్యాన్సిలేషన్‌ వివరాలు సహా ఇతర ఫీచర్ల సమాచారం వెల్లడయింది. అయితే తాజాగా అమెజాన్ మైక్రోసైట్ వివరాల ఆధారంగా వన్‌ప్లస్‌ బడ్స్ 4.. 11mm వూఫర్స్‌ మరియు 6mm ట్వీకర్స్, డ్యూయల్‌ DAC యూనిట్స్‌ను కలిగి ఉంటాయి.

ANC సపోర్టు :
ఈ వన్‌ప్లస్‌ TWS బడ్స్‌ LHDC 5.0 ఆడియో కోడిక్‌ మరియు 3D స్పేషియల్ ఆడియో అనుభూతిని అందిస్తుంది. దీంతోపాటు ఈ ఇయర్‌బడ్స్‌ Hi-Res ఆడియో సర్టిఫికేషన్‌లను ను కలిగి ఉంటుంది. ఇప్పటికే విడుదల అయిన వివరాల ఆధారంగా త్వరలో విడుదల కానున్న వన్‌ప్లస్‌ ఇయర్‌బడ్స్‌ 55dB అడాప్టివ్‌ ANC ను సపోర్టు చేస్తుంది.

రియల్‌టైం AI ట్రాన్స్‌లేషన్ :
దీంతోపాటు ఈ బడ్స్‌ 3-మైక్‌ సిస్టమ్‌ను కలిగి ఉంటుంది. మరియు ఆర్టిఫిషియల్ ఇంటెలిజెన్స్‌ (AI) ఆధారిత కాల్‌ నాయిస్‌ క్యాన్సిలేషన్‌ సపోర్టును కలిగి ఉంటుంది. గేమింగ్‌ మోడ్‌లో 47ms అల్ట్రా లో లేటెన్సీని కలిగి ఉంటుంది. ఈ బడ్స్‌ రియల్‌టైం AI ట్రాన్స్‌లేషన్ ను సపోర్టు చేస్తుందని తెలుస్తోంది.

45 గంటల బ్యాటరీ లైఫ్ :
వన్‌ప్లస్‌ బడ్స్ 4 TWS బడ్స్‌ను ఒక్కసారి ఛార్జింగ్ చేసి గరిష్ఠంగా 45 గంటల వరకు బ్యాటరీ లైఫ్‌ను అందిస్తుంది. కేవలం బడ్స్‌ మాత్రమే 11 గంటల ప్లేబ్యాక్‌ టైంను అందిస్తాయి. ఈ వన్‌ప్లస్‌ బడ్స్ బ్లూటూత్‌ 5.4, డ్యూయల్ డివైస్‌ కనెక్టివిటీ, స్టిడీ కనెక్ట్ టెక్నాలజీ వంటి ఫీచర్‌లను కలిగి ఉంటుంది.

వన్‌ప్లస్ బడ్స్‌ 4 విడుదల అనంతరం వన్‌ప్లస్ ఇండియా ఇ-స్టోర్‌తోపాటు అమెజాన్ ద్వారా కొనుగోలు చేయవచ్చు. ఈ బడ్స్‌ స్ట్రోమ్‌ గ్రే, జెన్‌ గ్రీన్‌ రెండు కలర్‌ వేరియంట్స్‌లో అందుబాటులోకి వస్తుంది. వన్‌ప్లస్‌ నార్డ్‌ 5, వన్‌ప్లస్‌ నార్డ్‌ CE 5 ఫోన్ వివరాలు కూడా విడుదల అయ్యాయి. ఇటీవలే నార్డ్ CE 5 వివరాలను సంస్థ వెల్లడించింది.

వన్‌ప్లస్‌ నార్డ్‌ CE 5 స్మార్ట్‌ఫోన్ :
వన్‌ప్లస్‌ ఇటీవల విడుదల చేసిన వివరాల ఆధారంగా వన్‌ప్లస్‌ నార్డ్‌ CE 5 స్మార్ట్‌ఫోన్ 80W SuperVOOC ఛార్జింగ్ సపోర్టుతో 7100mAh భారీ బ్యాటరీతో లాంచ్ కానుంది. కేవలం 59 నిమిషాల్లోనే 1-100 శాతం ఛార్జింగ్‌ను పూర్తిచేయవచ్చని వన్‌ప్లస్‌ తెలిపింది.

కేవలం 10 నిమిషాల ఛార్జింగ్‌తో 6 గంటల వరకు యూట్యూబ్‌ను ఉపయోగించుకోవచ్చు. బైపాస్‌ ఛార్జింగ్‌ సపోర్ట్ చేస్తుంది. 4nm ఆక్టా కోర్‌ మీడియాటెక్‌ డైమెన్సిటీ 8350 అపెక్స్‌ చిప్‌సెట్‌ ను కలిగి ఉంటుంది. మరియు Mali G615 GPU ను కూడా కలిగి ఉంటుంది. ఈ చిప్‌సెట్‌ LPDDR5X ర్యామ్‌తో జతచేసి ఉంటుంది.

కెమెరా విభాగం పరంగా ఆప్టికల్‌ ఇమేజ్‌ స్టెబిలైజేషన్ సపోర్టుతో 50MP 1/1.95 అంగుళాల సోనీ LYT 600 ప్రైమరీ కెమెరాను కలిగి ఉంటుంది. 60fps వద్ద 4K వీడియో రికార్డింగ్‌ను సపోర్టు చేస్తుంది. RAW HDR, రియల్‌ టోన్‌ టెక్నాలజీ, అల్ట్రా HDR వంటి ఫీచర్‌లను సపోర్టు చేస్తుంది.