14 రోజుల బ్యాటరీ లైఫ్‌, బ్లూటూత్‌ ఇంటర్‌కామ్‌ సపోర్టు, IP68 రేటింగ్‌తో స్మార్ట్‌వాచ్‌..!

రియల్‌మి నుంచి త్వరలో వాచ్‌ 5 విడుదల అయ్యే (Realme Watch 5) అవకాశం ఉంది. 2022 సంవత్సరంలో లాంచ్ అయిన వాచ్‌ 3 సిరీస్‌ కు తర్వాత వెర్షన్‌గా రానుందని తెలుస్తోంది. రియల్‌మి వాచ్ 5 కీలక వివరాలు లీక్‌ అయ్యాయి. డిజైన్ సహా కొన్ని కీలక స్పెసిఫికేషన్‌ ల వివరాలు ఉన్నాయి. ఈ వాచ్‌ పూర్తి వివరాలు.

డిస్‌ప్లే అంచనా వివరాలు :
ప్రస్తుతం లీక్‌ అయిన వివరాల ఆధారంగా రియల్‌మి వాచ్ 5 స్మార్ట్‌వాచ్‌ 1.97 అంగుళాల స్వేర్‌ అమోలెడ్‌ వాచ్‌ను కలిగి ఉంటుంది. ఈ డిస్‌ప్లే 390 x 450 పిక్సల్స్‌ రిజల్యూషన్‌ ను కలిగి ఉంటుందని తెలుస్తోంది. మరియు 600 నిట్స్‌ పీక్‌ బ్రైట్‌నెస్‌ తో అందుబాటులోకి వచ్చే అవకాశం ఉంది.

IP68 రేటింగ్‌తో! :
రియల్‌మి వాచ్ 5 స్మార్ట్‌వాచ్‌ 300 పైగా వాచ్ ఫేసేస్‌ ను కలిగి ఉంటుందని తెలుస్తోంది. Xpertpick రిపోర్టు ఆధారంగా ఈ వివరాలు వెల్లడయ్యాయి. ఈ వాచ్‌ IP68 రేటింగ్‌ తో డస్ట్‌ మరియు వాటర్‌ రెసిస్టెంట్‌ గా ఉంటుందని అంచనా వేస్తున్నారు.

హై క్వాలిటీ బ్లూటూత్‌ కాలింగ్‌! :
ఈ రిపోర్టు ఆధారంగా ఈ స్మార్ట్‌వాచ్‌ హై క్వాలిటీ బ్లూటూత్‌ కాలింగ్‌ సదుపాయాన్ని కలిగి ఉంటుందని తెలుస్తోంది. దీంతోపాటు GPS, GNSS సిస్టమ్‌, NFC వంటి ఫీచర్‌లు కూడా ఉండనున్నాయి. ఈ స్మార్ట్‌వాచ్‌ ప్రత్యేకమైన గేమింగ్‌ మోడ్‌ను కూడా సపోర్టు చేస్తుందని తెలుస్తోంది. దీని ద్వారా గేమింగ్‌ టూల్స్ సహా రియల్‌టైం మానిటరింగ్‌ చేయవచ్చు.

నేరుగా వాచ్ నుంచే కాల్స్‌ :
ఈ వాచ్‌ మరో ఆసక్తికర ఫీచర్‌ ను కూడా కలిగి ఉంటుందని తెలుస్తోంది. ఈ రియల్‌మి వాచ్‌ 5 స్మార్ట్‌వాచ్‌ బ్లూటూత్‌ ఇంటర్‌కామ్‌ సపోర్టును కూడా కలిగి ఉంటుందని తెలుస్తోంది. ఈ ఫీచర్‌ ద్వారా నేరుగా స్మార్ట్‌వాచ్‌ నుంచే కాల్స్‌ చేసుకొనేందుకు అవకాశం ఉంటుంది.

14 రోజుల బ్యాటరీ లైఫ్‌ :
ఈ రియల్‌మి వాచ్‌ 5 స్మార్ట్‌వాచ్‌ 460mAh బ్యాటరీతో లాంచ్‌ కానుందని అంచనా వేస్తున్నారు. ఈ వాచ్‌ను ఒకసారి పూర్తిగా ఛార్జింగ్ చేసి 14 రోజుల వరకు ఉపయోగించుకోవచ్చని తెలుస్తోంది. లైట్‌ స్మార్ట్‌ మోడ్‌ లో 20 రోజుల బ్యాటరీ లైఫ్‌ అందిస్తోందని తెలుస్తోంది.

ఐదు సంవత్సరాల గ్యారెంటీ! :
ఈ వాచ్‌ ఐదు సంవత్సరాల బ్యాటరీ గ్యారెంటీతో వస్తుందని తెలుస్తోంది. లీక్‌ అయిన ఫోటోల ఆధారంగా ఈ స్మార్ట్‌వాచ్‌ రెండు కలర్‌ వేరియంట్స్‌లో లభిస్తుందని భావిస్తున్నారు. బ్లాక్‌ స్ట్రాప్‌తో కూడిన బ్లాక్‌ కేస్‌, సిల్వర్ స్ట్రాప్‌తో కూడిన సిల్వర్‌ కేస్‌ను కలిగి ఉంటుందని తెలుస్తోంది.

ప్రస్తుతం ఉన్న వివరాల ఆధారంగా రియల్‌మి వాచ్‌ 5 గ్లోబల్‌ మార్కెట్లో త్వరలో అందుబాటులోకి వచ్చే అవకాశం ఉంది. అయితే భారత్‌లో విడుదల కానుందా లేదా అనే వివరాలపై ప్రస్తుతానికి స్పష్టత లేదు. ఎంత ధరలో అందుబాటులోకి వస్తుందనే వివరాలు కూడా వెల్లడి కాలేదు.