16GB స్టోరేజీ తో  రెడ్‌మి 43 అంగుళాల స్మార్ట్ టీవీ! లాంచ్ రేపే...వివరాలు 

రెడ్‌మీ సంస్థ ఇప్పటికే 32-అంగుళాల రెడ్‌మి స్మార్ట్ ఫైర్ టీవీ లను భారతదేశంలో విడుదల చేయగా, ఇప్పుడు 43-అంగుళాల రెడ్‌మి స్మార్ట్ ఫైర్ టీవీ మోడల్‌ను కూడా విడుదల చేయబోతోంది. అంటే 43 అంగుళాల రెడ్‌మి స్మార్ట్ ఫైర్ టీవీ సెప్టెంబర్ 15 న అంటే రేపు భారతదేశంలో విడుదల కానుంది.

ఈ 43 అంగుళాల రెడ్‌మి స్మార్ట్ ఫైర్ టీవీని ప్రీమియం ధరతో భారతదేశంలో విడుదల చేయనున్నట్లు నివేదికలు తెలియచేస్తున్నాయి. 43 అంగుళాల స్మార్ట్ టీవీతో పాటు 50 అంగుళాల మరియు 55 అంగుళాల స్మార్ట్ టీవీలను కూడా విడుదల చేసే అవకాశం ఎక్కువగా ఉంది. ఇప్పుడు ఆన్‌లైన్‌లో లీక్ అయిన 43 అంగుళాల రెడ్‌మి స్మార్ట్ ఫైర్ టీవీ మోడల్ యొక్క స్పెసిఫికేషన్‌ల వివరాలను చూద్దాం.

ఈ 43 అంగుళాల Redmi Smart Fire TV, 4K డిస్ప్లేతో లాంచ్ అవుతుంది. అలాగే, ఈ అద్భుతమైన రెడ్‌మి స్మార్ట్ టీవీ డాల్బీ ఆడియో, TDS-HD, TDS-Virtual వంటి వివిధ ఆడియో ఫీచర్లతో వస్తుంది. ఈ టీవీ డిజైన్‌పై కంపెనీ ప్రత్యేక దృష్టిని సారించింది.

ఈ అద్భుతమైన 43 అంగుళాల రెడ్‌మి స్మార్ట్ ఫైర్ టీవీ, మీడియా టెక్ MT9020 ప్రాసెసర్‌తో పనిచేస్తుంది. మరియు మాలి G52 MP2 GPUకి మద్దతు ఇస్తుంది. ఈ స్మార్ట్ టీవీని ప్రత్యేకంగా గేమింగ్ కోసం రూపొందించారు. అలాగే ఈ టీవీకి అందించిన ప్రాసెసర్ మెరుగైన పనితీరును అందిస్తుంది.

ఈ టీవీ భారతదేశంలో 2GB RAM మరియు 16GB స్టోరేజ్ మద్దతుతో లాంచ్ చేయబడుతుంది. అలాగే ఈ టీవీలో వై-ఫై, HDMI పోర్ట్, USB పోర్ట్ వంటి అనేక ప్రత్యేక ఫీచర్లు కూడా ఉన్నాయి. ముఖ్యంగా ఈ 43 అంగుళాల టీవీ, తక్కువ ధరతో రానుండటంతో ఇది భారీ అంచనాలను సృష్టించింది.

అయితే, కంపెనీ ఇప్పటికే లాంచ్ చేసిన 32 అంగుళాల రెడ్‌మి స్మార్ట్ ఫైర్ టీవీ ఫీచర్లను ఇప్పుడు చూద్దాం.
రెడ్‌మి స్మార్ట్ ఫైర్ టీవీ 32-అంగుళాల టీవీ (1366×768 పిక్సెల్‌లు) HD డిస్‌ప్లేను కలిగి ఉంది. ఈ డిస్ప్లే 178-డిగ్రీల వీక్షణ కోణం, వివిడ్ పిక్చర్ ఇంజిన్, ఆటో తక్కువ లేటెన్సీ మోడ్, 6.5ms ప్రతిస్పందన సమయం మరియు 96.9 శాతం స్క్రీన్-టు-బాడీ రేషియో కలిగి ఉంది.

ఇది మెటల్ బెజెల్ తక్కువ ఉన్న స్క్రీన్ కలిగిన టీవీ. ఈ టీవీ Fire OS 7తో Quad Core Cortex A35 చిప్‌సెట్‌తో వస్తుంది. ఇది మాలి G31 MP2 GPU గ్రాఫిక్స్ కార్డ్‌ను కూడా కలిగి ఉంది. ఇది 1 GB RAM + 8 GB ఇంటర్నల్ స్టోరేజీ ని కలిగి ఉంది. రెడ్‌మి వాయిస్ రిమోట్ కూడా వస్తోంది. ఈ రిమోట్‌లో అమెజాన్ ప్రైమ్ వీడియో, నెట్‌ఫ్లిక్స్, అమెజాన్ ప్రైమ్ మ్యూజిక్ కోసం అలెక్సా, ప్లే బ్యాక్ కంట్రోల్స్, ఛానెల్ అప్/డౌన్, మ్యూట్ మరియు షార్ట్‌కట్ బటన్‌లు ఉన్నాయి.

ఈ టీవీ కి 10W యొక్క 2 స్పీకర్లు అందించబడ్డాయి. ఇది డాల్బీ ఆడియో, DTS-HD, DTS వర్చువల్ Xకి మద్దతు ఇస్తుంది. అలాగే, AirPlay, Miracast, Bluetooth 5.0, Wi-Fi 802.11 AC వంటి కనెక్టివిటీ ఫీచర్లు కూడా ఉన్నాయి. ఇది HDMI పోర్ట్, 3 USB పోర్ట్‌లు, 3.5mm ఆడియో జాక్, ఈథర్‌నెట్ మరియు యాంటెన్నా కలిగి ఉంటుంది.

అలాగే, ఈ 32-అంగుళాల స్మార్ట్ టీవీ కంటే అధునాతన ఫీచర్లతో ఇప్పుడు రాబోయే 43-అంగుళాల స్మార్ట్ టీవీ భారతదేశంలో అధిక అంచనాలను సృష్టించింది.