శాంసంగ్ కొత్త ల్యాప్ టాప్ ప్రీ- ఆర్డర్ లు మొదలు! ధర, ఆఫర్లు!

శాంసంగ్ తన గెలాక్సీ బ్రాండెడ్ ల్యాప్‌టాప్‌ల మోడళ్ళు అయిన గెలాక్సీ బుక్3 ప్రో, గెలాక్సీ బుక్3 ప్రో 360 మరియు గెలాక్సీ బుక్3 అల్ట్రా ని ఫిబ్రవరి 1, 2023న గెలాక్సీ అన్‌ప్యాక్డ్ ఈవెంట్‌లో లాంచ్ చేసింది. వీటిలో, గెలాక్సీ బుక్3 అల్ట్రా వీటిలో మొదటిది. ఈ ల్యాప్‌టాప్ "అల్ట్రా" మోనికర్‌ను కలిగి ఉంది మరియు ఇది శాంసంగ్ యొక్క ల్యాప్‌టాప్ లైనప్‌లో ప్రధాన పరికరం. ఇప్పుడు, కంపెనీ తన ప్రీమియం ల్యాప్‌టాప్ కోసం ప్రీ-ఆర్డర్‌లను తీసుకోవడం ప్రారంభించింది. మీరు ఈరోజు, ఫిబ్రవరి 14, 2023 నుండి వీటి కోసం ప్రీ ఆర్డర్లను రిజర్వు చేసుకోవచ్చు.

శాంసంగ్ గెలాక్సీ బుక్3 అల్ట్రా: ధర,స్పెసిఫికేషన్లు

శాంసంగ్ గెలాక్సీ బుక్3 అల్ట్రా లాప్ టాప్ 16 అంగుళాల, 120Hz, 3K (2880x1800) డైనమిక్ అమోలెడ్ 2X డిస్‌ప్లే, ఒక ఇంటెల్ కోర్ i9 13900H ప్రాసెసర్, ఒక Nvidia GeForce RTX GPU 1TB SSD స్టోరేజీ కలిగి ఉంటుంది. ఈ పరికరం విండోస్ 11 హోమ్ అవుట్ ఆఫ్ ది బాక్స్‌ OS తో వస్తుంది. ఈ ల్యాప్‌టాప్ ధర రూ. 2,81,990 ఎలాంటి ఎక్స్ఛేంజ్ బోనస్ లేదా ఆఫర్‌లు లేకుండా ఈ ధర నిర్ణయించారు.

శాంసంగ్ గెలాక్సీ బుక్3 అల్ట్రా ప్రీబుకింగ్ ఆఫర్‌లు

శాంసంగ్ అధికారిక వెబ్‌సైట్ నుండి గెలాక్సీ బుక్3 అల్ట్రా ని కొనుగోలు చేసే కస్టమర్‌లు గరిష్టంగా రూ. 60,000 వరకు బెనిఫిట్లు పొందుతారు. అవి ఏంటో చూడండి.
* రూ. 50,000 విలువైన ఒక M8 మానిటర్ ను కేవలం రూ. 1,999 కు పొందవచ్చు.
* రూ.10,000 విలువైన బ్యాంక్ క్యాష్‌బ్యాక్ లేదా అప్‌గ్రేడ్ ఆఫర్లు.
* అదనంగా రూ.2,000 శాంసంగ్ షాప్ యాప్‌లో స్వాగత వోచర్‌తో తగ్గింపు.
* శాంసంగ్ అధికారిక వెబ్‌సైట్‌లో తదుపరి కొనుగోలు కోసం లాయల్టీ పాయింట్‌లలో అదనంగా 2% ఆఫర్.
* మైక్రోసాఫ్ట్ ఆఫీస్ హోమ్ మరియు స్టూడెంట్ 2021 ముందే ఇన్‌స్టాల్ చేయబడి ఉంటుంది.

ఇవి కాక, అప్‌గ్రేడ్ బోనస్‌తో ల్యాప్‌టాప్ కోసం ఎక్స్‌ఛేంజ్ ఆఫర్‌లు కూడా ఉన్నాయి. వీటి విలువ మొత్తం రూ.6,000 వరకు ఉంటుంది.

శాంసంగ్ గెలాక్సీ బుక్3 అల్ట్రా లో కొత్త ఫీచర్లు

శాంసంగ్ గెలాక్సీ బుక్3 అల్ట్రా అనేది 'అల్ట్రా ' మోనికర్‌ను కలిగి ఉన్న కంపెనీ యొక్క మొదటి ల్యాప్‌టాప్. ఈ పరికరం శాంసంగ్ యొక్క ల్యాప్‌టాప్ లైనప్ ని సూచిస్తుంది. ఇప్పటికే పేర్కొన్న ముఖ్యమైన స్పెసిఫికేషన్‌లను పక్కన పెడితే, ఈ ల్యాప్‌టాప్ అల్యూమినియం ఫ్రేమ్‌లో 1.79 కిలోల బరువు మరియు 16.5 మిమీ మందంతో ఉంటుంది.

ఫీచర్ల పరంగా, శాంసంగ్ గెలాక్సీ బుక్3 అల్ట్రా ల్యాప్ టాప్ మల్టీ కంట్రోల్‌ని కలిగి ఉంది. వినియోగదారులు వారి శాంసంగ్ టాబ్లెట్‌లు మరియు స్మార్ట్‌ఫోన్‌లను ల్యాప్‌టాప్ కీబోర్డ్ మరియు ట్రాక్‌ప్యాడ్ ఉపయోగించి నియంత్రించడానికి అవకాశం ఉంటుంది. ఇందులో స్టూడియో మోడ్ కూడా ఉంది. ఇది AI నాయిస్ క్యాన్సిలేషన్, ఆటో ఫ్రేమింగ్ మరియు రియల్ టైమ్ బ్యాక్‌గ్రౌండ్ ఎఫెక్ట్‌లను లాంచ్ చేయడం ద్వారా వీడియో కాలింగ్ అనుభవాన్ని మెరుగుపర్చడానికి సహాయపడుతుంది. ఫోన్ లింక్ ఫీచర్ ద్వారా, వినియోగదారులు తమ ఫోన్‌లను తమ ల్యాప్‌టాప్‌ల తో కనెక్ట్ చేయవచ్చు, వెబ్ పేజీలను వీక్షించడం లేదా ఫోన్ కాల్స్ చేయడం కొనసాగించవచ్చు.

మీరు శాంసంగ్ గెలాక్సీ బుక్3 అల్ట్రా గురించి మరింత తెలుసుకోవాలనుకుంటే, మేము ప్రత్యేక కథనంలో ఈ ల్యాప్‌టాప్‌ యొక్క రివ్యూ ను పూర్తిగా అందిస్తాము.