ఈ దుస్తులు ధరిస్తే మీలో ఊహించని మార్పులు వస్తాయి !

వినూత్నమైన వస్త్రం

యూనివర్సిటీ ఆఫ్‌ మేరీల్యాండ్‌ శాస్త్రవేత్తలు ఓ వినూత్నమైన వస్త్రాన్ని అభివృద్ధి చేశారు. ఎండాకాలంలో చల్లగానూ.. చలికాలంలో వెచ్చగానూ మారిపోయేలా ఈ వస్త్రం ఉంటుంది. మీ శరీరం వెచ్చగా ఉంటూ చెమట పడుతూ ఉంటే వెంటనే దాన్ని ఈ వస్త్రం దాన్ని గుర్తిస్తుంది.

శరీరం మొత్తం

గుర్తించిన వెంటనే పరారుణ కాంతి బయటి నుంచి లోపలికి ప్రసరించేలా చేస్తుంది.. శరీరం మొత్తం పొడిగా ఉన్నప్పుడు బయటకు వెళ్లే వేడిని అడ్డుకోవడం ద్వారా ఒళ్లు వెచ్చగా ఉండేలా చేస్తుందని వివరించారు. తద్వారా చెమటను తరిమేస్తుంది.

వదిలించుకునే లక్షణాలు

నీటిని శోషించుకునే , వదిలించుకునే లక్షణాలున్న రెండు రకాల పోగులతో ఈ వస్త్రం తయారవుతుందని వీటికి కార్బన్‌ నానోట్యూబుల పూత పూయడం ద్వారా అవి ప్రత్యేక లక్షణాలను కనబరుస్తాయని యూహాంగ్‌ వాంగ్‌ అనే శాస్త్రవేత్త వివరించారు.

వాణిజ్య స్థాయిలో ఉత్పత్తి

ఒక రకమైన పోగు పరారుణ కాంతిని అడ్డుకుంటే, ఇంకోటి బయటకు పంపేలా వ్యవహరిస్తుందని ఆయన తెలిపారు. ఈ వస్త్రాన్ని వాణిజ్య స్థాయిలో ఉత్పత్తి చేసేందుకు ప్రస్తుతం ప్రయత్నాలు జరుగుతున్నాయని రంగులద్దే సమయంలో కార్బన్‌ నానో ట్యూబులను జత చేయడం ద్వారా సులువుగా తయారు చేయవచ్చునని ఆయన అన్నారు.