ఈ గూగుల్ జాకెట్‌తో మీ ఫోన్ మీ చెంతనే ఉంటుంది

Jacquard jacket

గూగుల్, లెవీ సంస్థలు సంయుక్తంగా ఈ స్మార్ట్ జాకెట్ ని తయారుచేశాయి. Jacquard jacket పేరుతో వచ్చిన ఈ జాకెట్ మీరు తొడుక్కుంటే మీరు ఫోన్ మరచిపోరు. ఒకవేళ పోన్ మరచిపోయినా వెంటనే మిమ్మల్ని అలర్ట్ చేస్తుంది.

ప్రత్యేక అమరిక ద్వారా

మీరు ఈ జాకెట్ ని శరీరానికి ధరించినప్పుడు మీ ఫోన్ మీ దగ్గర లేని సమయంలో వెంటనే అలర్ట్ చేస్తుంది. దీనిలో అమర్చిన కొన్ని ప్రత్యేక సదుపాయాల ద్వారా మీ ఫోన్ మీ దగ్గర లేదనే విషయాన్ని తెలియజేస్తుంది.

ధర

ఈ స్మార్ట్ జాకెట్ ధరను కంపెనీ రూ. 25 వేలుగా నిర్ణయించింది. ఈ స్మార్ట్ జాకెట్ మీద అమర్చిన స్నాప్ ట్యాగ్ లో వైబ్రేషన్ సదుపాయం ఉంది. తద్వారా మీరు మరచిపోయిన ఫోన్ ని గుర్తు చేసేందుకు చిన్న జర్క్ లాంటిది మీకు ఇస్తుంది.

ఇతర పనులు

ఈ స్మార్ట్ జాకెట్ ఇంకా అనేక రకాలైన ఇతర పనులను కూడా చేస్తుంది. మీకు బోర్ కోట్టినప్పుడు నేరుగా మ్యూజిక్ వినిపిస్తుంది. అలాగే మీ ఫోన్ కి వచ్చే కాల్స్ ను రిసీవ్ చేసుకుంటుంది. మెసేజ్ అలర్ట్ అందిస్తుంది. ఇతర నోటిఫికేషన్లను గుర్తు చేస్తుంది.

వాడకం

అయితే ఈ స్మార్ట్ జాకెట్ కొంచెం రిస్కుతో కూడుకున్నదే అని చెప్పాలి. కంపెనీ తెలిపిన వివరాల ప్రకారం 10 సార్లు మాత్రమే ఉతకాలట. అంత ఖర్చు పెట్టే వ్యక్తులు చాలా తక్కువ మందే ఉంటారని నిపుణులు చెబుతున్నారు. మరి మార్కెట్లో ఇది ఎలా దూసుకువెళుతుందో చూడాలి.