ఇక కంటి గ్లాసెస్‌తో మీరు ఫోన్ కాల్స్ మాట్లాడవచ్చు

మైక్రోఫోన్, స్పీకర్స్

బాస్ తన సన్ గ్లాసెస్ ఫ్రేమ్స్ లో ఇప్పుడు మైక్రోఫోన్లను, స్పీకర్లను అమర్చి మార్కెట్లోకి తీసుకువస్తోంది. ఈ స్పీకర్స్ ద్వారా ఇకపై అందరూ ఫోన్ కాల్స్ మాట్లాడుకోవచ్చు. క్లుప్తంగా చెప్పాలంటే ఏఆర్ బేస్‌డ్ సన్ గ్లాసెస్ ను కంపెనీ మార్కెట్లోకి తీసుకొస్తోంది.

ధర

ఇప్పటికీ ఈ గ్లాసెస్ మీద ఫ్రీ ఆర్డర్లు మొదలయ్యాయి. కాగా ఇవి కేవలం ఇప్పుడు యుఎస్ మార్కెట్లో మాత్రమే దొరుకుతున్నాయి. కంపెనీ అక్కడ మాత్రమే వాటిని విడుదల చేసింది. వీటి ధర సుమారు 199 డాలర్లుగా ఉంది. మన ఇండియన్ కరెన్సీలో సుమారుగా రూ. 15 వేలు ఉండే అవకాశం ఉంది.

ఎలా పనిచేస్తాయి

CNET రిపోర్ట్ చేసిన దాని ప్రకారం ఈ అద్దాలు ఎలా పని చేస్తాయంటే.. ఈ ఫ్రేమ్ లు మ్యూజిక్ ని స్ట్రీమ్ చేసి కాల్స్ రిసీవ్ చేసుకుని మాట్లాడుతాయి. అలాగే కాల్స్ కూడా పంపే వీలు ఉంటుంది. Alexa, Siri and Google Assistant లు ఎలా పనిచేస్తాయో అలాగే ఇది కూడా వాయిస్ కమాండ్ ఆధారంగా పనిచేస్తుంది.

ఎలా ఉంటాయి

ఈ అద్దాలు చూడటానికి సాధారణ కంటి అద్దాలు ఉన్నట్లుగానే ఉంటాయి. వీటి బరువు 45 గ్రాములు. రెండు ఆకారాలు wayfarer and slightly roundish frameలతో మార్కెట్లోకి వచ్చాయి.

బ్యాటరీ

ఇందులో పొందపరిచిన బ్యాటరీ దాదాపు 12 గంటల పాటు నిరంతరాయంగా పనిచేస్తుందట. కాగా ఈ ఫ్రేములను బోస్ కంపెనీ తొలిసారిగా ఈ ఏడాది మార్చిలో బహిర్గతం చేసింది. CNET రిపోర్ట్ ప్రకారం బోబోస్ కంపెనీ AR appsని కూడా వచ్చే ఏడాది మార్కెట్లోకి తీసుకురానుంది. ఈ అద్దాలు 2019లో మార్కెట్లో అందుబాటులో ఉంటాయి.