‘Mi Air Purifier 2’ పై రూ.1000 తగ్గింపు

దట్టమైన పొగమంచు కారణంగా స్వచ్చమైన గాలిని ఆస్వాదించలేకపోతోన్న ఢిల్లీ వాసులకు కొంతలో కొంత ఊరటనిచ్చే వార్త ఇది. దేశ రాజధాని ఢిల్లీని వాయు కాలుష్యం అతలాకుతలం చేస్తోన్న నేపథ్యంలో షావోమి తన Mi Air Purifier 2 పై రూ.1000 తగ్గింపును ప్రకటించింది.

లాంచ్ సమయంలో ఎంఐ ఎయిర్ ప్యూరిఫయిర్ 2 ధర రూ.9,999గా ఉంది. తాజా ధర తగ్గింపు నేపథ్యంలో రూ.8,999కే ఈ ప్రొడక్ట్‌ను విక్రయిస్తున్నారు.

ఈ ప్యూరిఫైర్‌ను ఎంఐ హోమ్ యాప్ ద్వారా కంట్రోల్ చేసుకునే వీలుంటుంది. ఈ యాప్ ద్వారా ఎయిర్ క్వాలిటీని రియల్ టైమ్‌లో మానిటర్ చేసుకునే వీలుంటుంది. ఈ డివైస్‌లోని ఇన్-బిల్ట్ వై-ఫై వ్యవస్థ మీ ఇంట్లోని వై-ఫై నెట్‌వర్క్‌తో కనెక్ట్ అవ్వగలదు. ఎంఐ ప్యూరిఫైర్‌లో ఆటో, నైట్, మాన్యువల్ ఇలా మూడు రకాల సెట్టింగ్స్ ఉంటాయి. ఈ సెట్టింగ్‌లను యాప్ ద్వారా మేనేజ్ చేసుకునే వీలుంటుంది.

ఈ ప్యూరిఫయర్‌లోని ట్రిపుల్ లేయర్ ఫిల్టర్‌ను ప్రతి 6 నెలలకు ఒకసారి మార్చుకోవల్సి ఉంటుంది. 360 డిగ్రీ ఫిల్టరింగ్ కోసం ఈ ట్రిపుల్ లేయర్ ఫిల్టర్‌ను సిలిండ్రికల్ షేపులో ఫిట్ చేయటం జరుగుతుంది. ఈ ట్రిపుల్ లేయర్ ఫిల్టర్‌లో పీఈటీ ప్రీ-ఫిల్టర్, ఈపీఏ ఫిల్టర్ ఇంకా యాక్టివేటెడ్ కార్బన్ ఫిల్టర్లు ఉంటాయి.

ఎంఐ ప్యూరిఫైర్ 2 అందించే క్లీయర్ ఎయిర్ డెలివరీ రేట్ గంటకు 330 క్యూబిక్ మీటర్లుగా ఉంటుందని
షియోమీ చెబుతోంది. గాలిలోని కాలుష్యాన్ని 99.7 శాతం వరకు ఈ ప్యూరిపైర్ తగ్గించగలదట. డిజైనింగ్ పరంగానూ ఈ ప్యూరిఫైర్ చాలా దృఢంగా ఉంటుందని కంపెనీ తెలిపింది.