ల్యాప్‌టాప్ కొనేముందు ఈ విషయాలు గుర్తుపెట్టుకోండి

ల్యాప్‌టాప్ కొనుగోలు చేసే ముందు..

మొదటిది డెస్క్‌టాప్‌, అంటే మానిటర్‌, సిపియు, కీబోర్డ్‌, మౌస్‌ ఇలా విడివిడిగా ఉంటాయి. రెండవది లాప్‌టాప్‌ డెస్క్‌టాప్‌ కన్నా లాప్‌టాప్‌ చాలా చిన్నదిగా సింపుల్‌గా ఉంటుంది. మూడవది టాబ్లెట్. కాంపోనెంట్స్ మార్చుకునే విషయంలో డెస్క్‌టాప్ యూజర్‌కు ఉన్నంత స్వేచ్ఛ ల్యాప్‌టాప్ యూజర్‌కు ఉండదు. ల్యాప్‌టాప్ కొనుగోలు చేసే ముందు గుర్తుపెట్టుకోవల్సిన 5 ముఖ్యమైన విషయాలను ఇప్పుడు చూద్దాం...

15 అంగుళాల డిస్‌ప్లేతో..

మీరు ఎంపిక చేసిన ల్యాప్‌టాప్ ఖచ్చితమైన డిస్‌ప్లే సైజులో ఉండాలి. 15 అంగుళాల డిస్‌ప్లేతో వచ్చే ల్యాప్‌టాప్ మీ డెస్క్‌టాప్ కంప్యూటర్‌కు మంచి రీప్లేస్‌మెంట్‌గా భావించవచ్చు. మార్కెట్లో 12 అంగుళాల సైజులో ల్యాప్‌టాప్‌లు దొరకుతున్నప్పటికి, ఇవి డెస్క్‌టాప్‌తో పోటీగా పనిచేయకపోవచ్చు.

పోర్ట్స్ ఎక్కువుగా ఉండాలి...

మీరు ఎంపిక చేసుకునే ల్యాప్‌టాప్‌కు పోర్ట్స్ (Ports) చాలా ముఖ్యం. స్టాండర్డ్ ల్యాప్‌టాప్‌కు కనీసం రెండు మూడు పోర్ట్స్ అయినా ఉండాలి. వీటి ద్వారా మీ డివైస్‌ను రకరకాల డివైస్‌లకు కనెక్ట్ చేసుకునే వీలుంటుంది. ఆడియో జాక్ కూడా అవసరం.

డిటాజబుల్ డిస్‌ప్లేలతో..

విండోస్ 10తో వస్తోన్న ల్యాప్‌టాప్‌లు డిటాజబుల్ డిస్‌ప్లేలతో లభ్యమవుతున్నాయి. ఈ కన్వర్టబుల్ కంప్యూటింగ్ డివైస్‌లను ల్యాప్ అలానే, టాబ్లెట్ పీసీలా రెండు రకాలుగా వాడుకోవచ్చు.

టచ్‌స్ర్కీన్ ల్యాప్‌టాప్‌ల ఎంపిక విషయంలో జాగ్రత్త...

మార్కెట్లో దొరుకుతున్న పలు విండోస్ టచ్‌స్ర్కీన్ ల్యాప్‌టాప్‌లు ఫేలవమైన పనితీరును కలిగి ఉండటంతో నెగిటివ్ టాక్ వ్యక్తమవుతోంది. కాబట్టి, ఆధునిక వర్షన్ ల్యాప్‌టాప్‌ల ఎంపికలో ఆచితూచి వ్యవహరించండి.

గూగుల్ క్రోమ్ బుక్‌ల వినియోగం పెరుగుతోంది....

మార్కెట్లో గూగుల్ క్రోమ్ బుక్‌ల వినియోగం రోజురోజుకు పెరుగుతోంది. ముఖ్యంగా స్టూడెంట్ కమ్యూనిటీ ఈ క్రోమ్‌బుక్‌లకు అట్రాక్ట్ అవుతోంది. క్రోమ్‌బుక్‌లను వాడుతోన్న చాలామంది యూజర్లు పాజిటివ్ రెస్పాన్స్‌ను వ్యక్తం చేస్తున్నారు.