మీ SBI అకౌంట్‌కి ఆధార్ అనుసంధానం చేయండిలా..( సింపుల్ ట్రిక్స్ )

దేశంలో అతి పెద్ద బ్యాంకు అయిన స్టేట్ బ్యాంక్ ఆఫ్ ఇండియా (ఎస్బీఐ) ఖాతాదారులు ఈ ఏడాది డిసెంబరు 31వతేదీలోగా తమ ఆధార్ నంబరును అనుసంధానించకుంటే ఖాతా లావాదేవీలను నిలిపివేస్తామని అధికారులు హెచ్చరించారు.

By Hazarath

Published: Thursday, November 16, 2017, 13:43 [IST]

దేశంలో అతి పెద్ద బ్యాంకు అయిన స్టేట్ బ్యాంక్ ఆఫ్ ఇండియా (ఎస్బీఐ) ఖాతాదారులు ఈ ఏడాది డిసెంబరు 31వతేదీలోగా తమ ఆధార్ నంబరును అనుసంధానించకుంటే ఖాతా లావాదేవీలను నిలిపివేస్తామని అధికారులు హెచ్చరించారు. ఖాతాదారులు ఇంటర్‌నెట్ బ్యాంకింగ్, స్టేట్ బ్యాంకు ఎనీవేర్ మొబైల్ యాప్, ఏటీఎం, బ్యాంకు బ్రాంచీల ద్వారా తమ ఆధార్ నంబరును అనుసంధానం చేసుకోవచ్చని ఎస్బీఐ అధికారులు చెప్పారు.

ఆన్‌లైన్ ద్వారా ఆధార్ నమోదు

ఎస్బీఐ అధికారిక వెబ్‌సైట్ క్లిక్ చేసి మీ యూజర్ నేమ్, ఇంటర్‌నెట్ బ్యాంకింగ్ పాస్‌వర్డ్‌ను ఎంటర్ చేశాక ఈ-సర్వీసుపై క్లిక్ చేయండి. అనంతరం ‘లింక్ యువర్ ఆధార్ నంబరు' లింక్ ను క్లిక్ చేసి ప్రొఫైల్ పాస్ వర్డ్ ను ఎంటర్ చేయండి. అనంతరం ఆధార్ నంబరు ఎంటర్ చేస్తే మీ ఎస్బీఐ ఖాతాకు మీ ఆధార్ అనుసంధానం అవుతుంది.

ఎసెమ్మెస్ ద్వారా నమోదు

మీ రిజిస్టర్ మొబైల్ నుంచి UID (space) Aadhaar number (space) Account number టైప్ చేస్తే మీకు ఓ మెసేజ్ వస్తుంది..అది వాలిడ్ అని ఉంటే మీ పని విజయవంతమయినట్లే..రిజిస్టర్ మొబైల్ నంబరు నుంచి మాత్రమే చేయాలి.

ఏటీమ్ ద్వారా నమోదు

ఎస్ బిఐ ఏటీఎంలో మీ ఎటీఎం కార్డు స్వైప్ చేయగానే పిన్ అనే ఆప్సన్ వస్తుంది. అది ఎంటర్ చేసిన తరువాత "Service - Registrations"లో కెళ్లి Aadhaar Registration చేసుకోవచ్చు. అక్కడి మీకు వచ్చే సూచనలు ఫాలో కావాల్సి ఉంటుంది.