ఫాస్టాగ్ అకౌంట్ క్రియేట్ చేసి బ్యాలన్స్ యాడ్ చేయడం ఎలా ?

ఫాస్టాగ్‌ను ఎలా తీసుకోవాలి?

దేశంలోని 23 బ్యాంకులతోపాటు పలు నేషనల్ హైవే టోల్‌ప్లాజాల వద్ద ఉండే పాయింట్ ఆఫ్ సేల్స్ మెషిన్లు, పలు ఎంపిక చేసిన ఏజెన్సీలు, బ్యాంక్ బ్రాంచీలో ఫాస్టాగ్‌లను అందజేస్తున్నారు. అందుకుగాను వాహనదారులు రూ.200 వన్ టైం జాయినింగ్ ఫీజు చెల్లించి, తమ కేవైసీ పత్రాలతో ఫాస్టాగ్‌కు దరఖాస్తు చేసుకోవాల్సివుంటుంది. 

ఫాస్టాగ్ కోడ్‌తో కూడిన స్టిక్కర్

అనంతరం కొద్ది రోజుల్లో వాహనదారుల ఇంటికి ఫాస్టాగ్ కోడ్‌తో కూడిన స్టిక్కర్ వస్తుంది. ఆ స్టిక్కర్‌ను వాహనం ముందు అద్దంపై లేదా సైడ్ మిర్రర్‌కు అతికిస్తే.. టోల్‌ప్లాజాలలో ఉండే ఫాస్టాగ్ లేన్ గుండా వెళ్లినప్పుడు ఆ స్టిక్కర్‌ను టోల్ సిబ్బంది ఆటోమేటిగ్గా స్కాన్ చేసుకుంటారు. దీంతో ఆ స్టిక్కర్‌పైన ఉన్న ఫాస్టాగ్ కోడ్‌కు లింక్ అయి ఉన్న వాలెట్‌లోని మొత్తం నుంచి టోల్ చార్జి ఆటోమేటిగ్గా డిడెక్ట్ అవుతుంది. ఈ క్రమంలో వాహనదారులు టోల్ లైన్‌లో వాహనాన్ని ఆపాల్సిన పని ఉండదు. దీంతో ట్రాఫిక్ రద్దీ తగ్గుతుంది. అయితే సదరు వాలెట్‌లో ఉన్న మొత్తం టోల్ చార్జిల కింద కట్ అయితే వాలెట్‌ను మళ్లీ నిర్దిష్టమైన మొత్తంతో టాపప్ చేయించుకోవాల్సి ఉంటుంది.

మై ఫాస్టాగ్ యాప్ 

మీరు అమెజాన్ ద్వారా ఫాస్టాగ్ ను కొనుగోలు చేయాల్సి ఉంటుంది. మీరు వాహనంకు సంబంధించిన వివరాలను ఎంటర్ చేయాల్సి ఉంటుంది. ఆ తరువాత మీ ఫాస్టాగ్ యాప్ ఆటోమేటిగ్గా యాక్టివేట్ అవుతుంది. ఆ తర్వాత మీరు దగ్గర్లో ఉన్న బ్యాంకును సంప్రదించాలి. మీరు ఏ బ్యాంక్ అకౌంట్ అయినా దీనికి యాడ్ చేసుకోవచ్చు. మీ కేవైసీ వివరాలు సబ్ మిట్ చేస్తే సరిపోతుంది.

పేమెంట్ ఎలా చేయాలి

ఫాస్టాగ్ కు లింక్ అయిన బ్యాంకు అకౌంట్ల ద్వారా మీరు నేరుగా పేమెంట్ చేయవచ్చు. మీ అకౌంట్ నుండి ఆటోమేటిగ్గా డబ్బులు కట్ అవుతాయి. ఒకసారి ఫాస్టాగ్ అకౌంట్ క్రియేట్ చేసుకున్న తరువాత మీరు ఎప్పటికప్పుడు రీఛార్జ్ చేసుకోవచ్చు.