మీ ఫోన్ కాల్స్‌పై మీ పేరు కనిపిస్తుందా? CNAP ఫీచర్ గురించి మీరు తప్పక తెలుసుకోవాల్సిన విషయాలివే!

ఫోన్ చేసిన వ్యక్తి కేవైసీ పేరు మన స్క్రీన్‌పై కనిపించే 'సీఎన్‌ఏపీ' (CNAP) ఫీచర్‌కు సంబంధించి ట్రాయ్ (TRAI) సెప్టెంబర్ 10న తన పేజీని అప్‌డేట్ చేయడంతో, మనదేశంలో వెరిఫైడ్ కాలర్ నేమ్స్ అందుబాటులోకి రావడానికి మరొక అడుగు పడినట్లయింది. అన్ని నెట్‌వర్క్‌లు, డివైజ్‌లలో 'కాలర్ నేమ్ ప్రెజెంటేషన్' అమలుపై టెలికాం శాఖ (DoT)కు 2024 ఫిబ్రవరి 23న ట్రాయ్ ఇచ్చిన సిఫార్సుల ఆధారంగా ఈ ప్రక్రియ కొనసాగుతోంది. అయితే ఈ మార్పు రాత్రికి రాత్రే రాదని, దశలవారీగా అందుబాటులోకి వస్తుందని భావిస్తున్నారు.

DoT నిర్వహిస్తున్న సీఎన్‌ఏపీ ట్రయల్ మార్గదర్శకాలను బట్టి దీనిపై ఒక స్పష్టత వస్తోంది. మీరు ఫోన్‌లో సేవ్ చేసుకున్న కాంటాక్ట్ నేమ్‌కే మొదటి ప్రాధాన్యం ఉంటుంది. ఒకవేళ నంబర్ సేవ్ చేయకపోతే, దేశీయ కాల్స్‌కు సంబంధించి ఆ వ్యక్తి కేవైసీ పేరు స్క్రీన్‌పై కనిపిస్తుంది. అదే విదేశీ కాల్స్ అయితే "International Call" అని ప్రదర్శితమవుతుంది. సీఎల్ఐఆర్ (CLIR) వాడే వారి పేర్లు ఎవరికీ కనిపించవు. ఇక వ్యాపార సంస్థలు తగిన పత్రాలు సమర్పించి వెరిఫై చేసుకున్న పేర్లను చూపించుకోవచ్చు. గోప్యత, ఖచ్చితత్వం, ఫిర్యాదుల పరిష్కారాన్ని దృష్టిలో ఉంచుకుని ఈ నిబంధనలను రూపొందించారు.

CNAP ప్రైవసీ నిబంధనలు.. రోల్‌అవుట్ ఎప్పుడు?

ఈ ఫీచర్ అందుబాటులోకి రావడానికి కొంత సమయం పట్టేలా ఉంది. ట్రాయ్ ఇచ్చిన 2024 సిఫార్సులలోని కొన్ని అంశాలపై 2025 సెప్టెంబర్ 26న DoT వివరణ కోరగా, 2025 అక్టోబర్ 28న ట్రాయ్ సమాధానమిచ్చింది. సెప్టెంబర్ 10న జరిగిన అప్‌డేట్ ప్రకారం ట్రయల్స్, మార్పులు ఇంకా కొనసాగుతున్నాయి. కాగా, సీఎన్‌ఏపీ సిమ్ ఎవరి పేరు మీద ఉందో మాత్రమే చెబుతుందని, కాల్ ఎందుకు చేస్తున్నారనే ఉద్దేశాన్ని చెప్పలేదని ట్రూకాలర్ భావిస్తోంది. "కాల్ వెనుక ఉన్న సందర్భం తెలియకుండా కేవలం పేరు మాత్రమే చూపిస్తే గుర్తించడం కష్టం" అని స్పష్టం చేసింది. కాబట్టి ప్రస్తుతానికి సీఎన్‌ఏపీతో పాటు ఇతర కాలర్ ఐడీ యాప్ ఫిల్టర్లు కూడా అందుబాటులో ఉంటాయి.

KYC పేరు సరిచేసుకోవాలా? Jio, Airtel, Vi యూజర్లు ఇలా చేయండి

ముందుగా మీ సిమ్ ఎవరి పేరు మీద ఉందో సరిచూసుకోండి. జియో (Jio) యూజర్లు పాత ఓనర్, క్రొత్త ఓనర్ ఇద్దరూ ఆధార్ కార్డు, సంతకం చేసిన NOCతో జియో స్టోర్‌కు వెళ్లి యాజమాన్య బదిలీ ఫారమ్ నింపాలి. ఇది వీలుకాకపోతే, ఆ నంబర్‌ను మీ పేరు మీద వేరే నెట్‌వర్క్‌కు పోర్ట్ చేసి, ఆ తర్వాత మళ్లీ వెనక్కి పోర్ట్ చేసుకోవచ్చు. వీఐ (Vi) నెట్‌వర్క్ విషయానికొస్తే స్టోర్‌కు వెళ్లి POI, POA పత్రాలు అందించి రక్తసంబంధీకులకు లేదా చట్టబద్ధమైన వారసులకు మాత్రమే సిమ్ బదిలీ చేసేందుకు అనుమతిస్తుంది. ఎయిర్‌టెల్ (Airtel) కూడా అవసరమైన డాక్యుమెంట్లతో స్టోర్‌లోనే ఈ ప్రక్రియను పూర్తి చేస్తుంది.

డ్యూయల్ సిమ్, CLIR, DNDలతో CNAP

మీ పేరు ఇతరులకు కనిపించడం ఇష్టం లేదా? మీకు అర్హత ఉంటే 'కాలర్ ఐడీ రెస్ట్రిక్షన్‌' ఎనేబుల్ చేసుకోండి. ఐఫోన్ (iPhone) యూజర్లు ఫోన్ సెట్టింగ్స్‌కి వెళ్లి 'Show My Caller ID' ని డిసేబుల్ చేయవచ్చు. ఆండ్రాయిడ్ ఫోన్లలో 'Caller ID and spam' సెట్టింగ్స్ లేదా పర్-కాల్ బ్లాకింగ్ ఆప్షన్లు వాడొచ్చు. అలాగే స్పామ్ కాల్స్ తగ్గించుకోవడానికి 1909 కి ఎస్ఎమ్ఎస్ ద్వారా లేదా టెలికాం యాప్స్ ద్వారా DND యాక్టివేట్ చేసుకోండి. మీ అకౌంట్ సెట్టింగ్స్‌లో మార్కెటింగ్ పర్మిషన్లను కూడా ఒకసారి చెక్ చేసుకోండి.

ఈరోజే చేయాల్సిన పనులు: సీఎన్‌ఏపీ పూర్తిస్థాయిలో రాకముందే ముఖ్యమైన నంబర్లను సేవ్ చేసుకోండి. మీ సిమ్ కేవైసీ పేరును సరిచూసుకొని, అవసరమైతే ఓనర్ షిప్ ఛేంజ్ ప్రక్రియ ప్రారంభించండి. టెలికాం యాప్స్‌లో డిఎన్‌డి ఆన్ చేసి, అనవసరమైన డేటా షేరింగ్ పర్మిషన్లను తొలగించండి. నిబంధనల ప్రకారం సీఎల్ఐఆర్ (CLIR) వాడండి. కాల్ వెనుక ఉన్న ఉద్దేశాన్ని తెలుసుకోవడానికి ట్రూకాలర్ ఫిల్టర్లు సహాయపడితే వాటిని కొనసాగించండి. ఈ జాగ్రత్తలతో స్పామ్ కాల్స్‌ను అరికట్టడంతో పాటు మీ పేరు ఇతరులకు కనిపించకుండా నియంత్రించవచ్చు.