విండోస్ 11 PCలోనూ గూగుల్ ప్లే స్టోర్.. సులభంగా ఆండ్రాయిడ్ యాప్స్‌ ఇన్‌స్టాల్..!

విండోస్ 11 PC లో నేరుగా ఆండ్రాయిడ్ యాప్స్ వినియోగించుకోవాలనుకుంటున్నారా? అయితే, ఈ సింపుల్ టిప్స్‌ ద్వారా ప్రస్తుతం సాధ్యమవుతుంది. విండోస్ సబ్‌సిస్టమ్ ఫర్ ఆండ్రాయిడ్ (WSA) కు సంబంధించిన ఒక ప్రత్యేకమైన వెర్షన్‌ను ఉపయోగించి, మీరు మీ విండోస్ కంప్యూటర్‌లోనే గూగుల్ ప్లే స్టోర్‌ను ఇన్‌స్టాల్ చేసుకోవచ్చు.

జీమెయిల్, మ్యాప్స్, యూట్యూబ్ వంటి గూగుల్ అధికారిక యాప్స్‌తో పాటు ఇతర ఆండ్రాయిడ్ యాప్స్‌ను ఉపయోగించుకోవచ్చు. ఇప్పటికే విండోస్ 11 అధికారికంగా అమెజాన్ యాప్‌స్టోర్ ద్వారా ఆండ్రాయిడ్ యాప్స్‌కు సపోర్ట్ ఇచ్చినా, అందులో యాప్స్ చాలా తక్కువగా ఉన్నాయి. అయితే మొత్తం ప్లే స్టోర్ సపోర్ట్‌ను పొందాలో ఈ కథనంలో తెలుసుకుందాం.

PC లో డెవలపర్ మోడ్ ఆన్ చేయండి :
ముందుగా, కీబోర్డ్‌లో Win + I ప్రెస్ చేసి సెట్టింగ్స్‌ ఓపెన్ చేయండి. అక్కడ System పై క్లిక్ చేసి, కిందికి స్క్రోల్ చేస్తే For Developers ఆప్షన్ కనిపిస్తుంది, దాన్ని సెలెక్ట్ చేయాలి. Developer Mode ను ఆన్ చేసి, వచ్చే పాపప్ మెసేజ్‌ను కన్ఫర్మ్ చేయాలి. ఈ సెట్టింగ్, ప్లే స్టోర్ సెటప్ కోసం అవసరమైన కొన్ని ప్రత్యేక ప్యాకేజీలను మీ సిస్టమ్ ఇన్‌స్టాల్ చేసుకోవడానికి అనుమతిస్తుంది.

అవసరమైన విండోస్ ఫీచర్లను యాక్టివేట్ చేయండి :
Win + R ప్రెస్ చేసి, రన్ డైలాగ్ బాక్స్‌లో optional features అని టైప్ చేసి Enter పైన క్లిక్‌ చేయండి. ఒక పాపప్ విండో ఓపెన్ అవుతుంది. అందులో Virtual Machine Platform, Windows Hypervisor Platform అనే ఆప్షన్లను టిక్ చేయండి. తర్వాత OK పై క్లిక్ చేయండి. ఇవి ఇన్‌స్టాల్ అయ్యాక, మార్పులు అప్లై అవ్వడానికి PC ని రీస్టార్ట్ చేయండి.

BIOS లో వర్చువలైజేషన్ ఆన్ చేయండి :
కంప్యూటర్‌ ను రీస్టార్ట్ చేయండి. సిస్టమ్ స్టార్ట్ అయ్యేటప్పుడు BIOS/UEFI సెట్టింగ్స్‌లోకి వెళ్లడానికి Esc, F2, Delete, లేదా F10 keys లో ఏదో ఒకటి ప్రెస్ చేయాల్సి ఉంటుంది. స్క్రీన్‌ పై ఏ కీ ప్రెస్ చేయాలో సూచన వస్తుంది, గమనించండి.

BIOS సెట్టింగ్స్‌లో Advanced లేదా CPU settings క్రింద Virtualization లేదా Intel VT-x / AMD-V ఆప్షన్‌ను వెతికి, దాన్ని Enable చేయండి. మార్పులను సేవ్ (సాధారణంగా F10 ప్రెస్ చేయాలి) చేసి, మీ సిస్టమ్‌ను రీబూట్ చేయండి.

పాత WSA వెర్షన్లను తీసేయండి
ఎలాంటి సమస్యలు రాకుండా ఉండటానికి, సెట్టింగ్స్ > Apps > Installed Apps లోకి వెళ్లండి. అక్కడ Windows Subsystem for Android లేదా Amazon Appstore పాత వెర్షన్లు ఏవైనా ఉంటే, వాటిని తీసేయండి. కనిపిస్తే Uninstall పై క్లిక్ చేయండి.

ప్లే స్టోర్‌తో కస్టమ్ WSA డౌన్‌లోడ్ చేసుకోండి
ఇప్పుడు గిట్‌హబ్ (GitHub) వెబ్‌సైట్‌కి వెళ్లి, Mustard Chef WSA build అని సెర్చ్ చేయండి. లేటెస్ట్ రిలీజ్ సెక్షన్‌ లో, Assets డ్రాప్‌డౌన్ పై క్లిక్ చేసి, మెయిన్ .zip ఫైల్‌ను డౌన్‌లోడ్ చేసుకోండి. ఇందులో గూగుల్ ప్లే స్టోర్, అవసరమైన సర్వీసులు ఉంటాయి. డౌన్‌లోడ్ పూర్తయ్యాక, 7-Zip లేదా WinRAR వంటి సాఫ్ట్‌వేర్ ఉపయోగించి దాన్ని మీకు నచ్చిన ఫోల్డర్‌లోకి ఎక్స్‌ట్రాక్ట్ చేయండి.

PowerShell ఉపయోగించి ఇన్‌స్టాల్ చేయండి
ఎక్స్‌ట్రాక్ట్ చేసిన ఫోల్డర్‌ ను ఓపెన్ చేయండి. ఆ ఫోల్డర్ లోపల ఖాళీ ప్రదేశంలో రైట్-క్లిక్ చేసి, Open in Terminal ఆప్షన్‌ను ఎంచుకోండి. ఇప్పుడు ఈ PowerShell.exe -ExecutionPolicy Bypass -File .\Install.ps1 కమాండ్‌ను రన్ చేయండి. ఏవైనా పర్మిషన్ ప్రాంప్ట్‌లు వస్తే A లేదా Y నొక్కి అప్రూవ్ చేయండి. ఈ స్క్రిప్ట్, ప్లే స్టోర్ సపోర్ట్‌తో కస్టమ్ WSA బిల్డ్‌ను ఇన్‌స్టాల్ చేస్తుంది. పూర్తయ్యే వరకు వేచి ఉండండి.

విండోస్‌లో గూగుల్ ప్లే స్టోర్ ఓపెన్ చేయండి
స్టార్ట్ మెనూలో Windows Subsystem for Android అని సెర్చ్ చేసి దాన్ని ఓపెన్ చేయండి. మీకు ఆండ్రాయిడ్ తరహా ఇంటర్‌ఫేస్ కనిపిస్తుంది. మీ గూగుల్ అకౌంట్‌ తో సైన్ ఇన్ అవ్వండి. అంతే, ఇప్పుడు మీకు గూగుల్ ప్లే స్టోర్‌ కు పూర్తి యాక్సెస్ లభించినట్లే. మీ ఫోన్‌లో లాగే యాప్స్‌ను డౌన్‌లోడ్ చేసుకొని, మీ PC స్టార్ట్ మెనూ లేదా టాస్క్‌బార్ నుంచి నేరుగా రన్ చేసుకోవచ్చు.

ఎమ్యులేటర్ల కంటే ఈ సెటప్ బెటర్..
ఈ పద్ధతితో, ఎలాంటి లాగ్ లేకుండా యాప్స్ సూపర్ ఫాస్ట్‌గా పనిచేస్తాయి. యాప్స్ చాలా స్మూత్‌గా రన్ అవుతాయి, విండోస్‌ తో చక్కగా కలిసిపోతాయి. అమెజాన్ యాప్‌స్టోర్‌ లో లేని అనేక యాప్స్‌తో సహా 2 మిలియన్లకు పైగా యాప్స్‌ను మీరు యాక్సెస్ చేయవచ్చు.

యాప్స్ అచ్చం విండోస్ యాప్స్ లాగే కనిపిస్తాయి, దీంతో మీకు ఒకే రకమైన, అతుకులు లేని అనుభూతి కలుగుతుంది. మొబైల్ యాప్స్ వాడటానికి బ్లూస్టాక్స్ వంటి వాటిపై ఆధారపడాల్సిన అవసరం గానీ, వేరే డివైజ్‌లకు మారాల్సిన పని గానీ ఉండదు.