మీకు తెలుసా? మీ ఆధార్ నెంబర్‌తో గవర్న‌మెంట్ హాస్పటల్‌ అపాయింట్‌మెంట్ బుక్ చేసుకోవచ్చు

ప్రభుత్వం అమలు చేస్తోన్న పథకాలను ప్రతి ఒక్క భారతీయుడికి చేరువచేసే లక్ష్యంతో డిజిటల్ ఇండియా ప్రోగ్రామ్ దూసుకుపోతోంది. మోదీ సర్కార్, ఈ ఆన్-డిమాండ్ గవర్నెన్స్ సర్వీసును అనౌన్స్ చేసి దాదాపు 18 నెలలు కావొస్తోంది. డిజిటల్ ఇండియా ప్రోగ్రామ్‌లో భాగంగా ఉన్న స్వచ్చ్ భారత్ మిషన్, ఇ-ఎడ్యుకేషన్, ఇ-సంతకం, భీమ్ యాప్ వంటి సర్వీసులు దేశాన్ని పెను మార్పు దిశగా ముందుకు తీసుకువెళుతున్నాయి.

డిజిటల్ ఇండియా కార్యక్రమాల్లో ఒకటైన ఆధార్ బేసిడ్ 'Online Registration System' పూర్తిస్థాయిలో అందుబాటులోకి వచ్చేసింది. ఈ సర్వీస్ ద్వారా, మీ ఆధార్ కార్డ్ నెంబర్‌‌ను ఉపయోగించుకుని ఆన్‌లైన్‌లో గవర్న‌మెంట్ హాస్పటల్‌‌లో మీరు కన్సల్ట్ అవ్వాలనుకుంటున్న డాక్టర్‌ అపాయింట్‌మెంట్‌ను తీసుకోవచ్చు. ఆ ప్రోసీజర్ ను ఇప్పుడు చూద్దాం..

స్టెప్ 1 : ముందుగా 'Online Registration System' అనే వెబ్‌‌సైట్‌లోకి వెళ్లిండి.

స్టెప్ 2 : వెబ్‌‌సైట్‌ ఓపెన్ అయిన తరువాత కుడిచేతి వైపు కనిపించే Aadhaar Number కాలమ్ లో మీ ఆధార్ నెంబర్ ను ఎంటర్ చేసి సబ్మిట్ బటన్ పై క్లిక్ చేయండి.

స్టెప్ 3 : ఆ తరువాత ఓపెన్ అయ్యే మెనూలో హాస్పటల్‌తో పాటు మీ మెడికల్ హెల్ప్‌కు అవసరమైన డిపార్ట్‌మెంట్‌ను ఎంపిక చేసుకోవల్సి ఉంటుంది.

స్టెప్ 3 : ఆ తరువాత తారీఖు అలానే సమాయాన్ని సెలక్ట్ చేసుకోండి.

స్టెప్ 4 : మీరు అపాయింట్‌మెంట్‌ బుక్ చేసుకున్న వెంటనే ఒక కన్ఫర్మేషన్ మెసేజ్ మీకు అందుతుంది. ఆ మెసేజ్‌లో మీ అపాయింట్‌మెంట్‌ తాలుకా బుకింగ్ సమాచారం ఉంటుంది. మీ అపాయింట్‌మెంట్‌‌ను ప్రింట్ రూపంలో కూడా తీసుకోవచ్చు.

స్టెప్ 5 : ఒకవేళ మీ వద్ద ఆధార్ కార్డ్ అందుబాటులో లేనట్లయితే మీ మొబైల్ నెంబర్‌ను ఉపయోగించుకుని అపాయింట్‌మెంట్‌ను తీసుకోవచ్చు.