ఫేస్‌బుక్ వీడియోలను ఎలా డౌన్‌లోడ్ చేసుకోవాలో తెలుసా..?

యాపిల్ ఐఫోన్ యూజర్లు ఫేస్‌బుక్ వీడియోలను డౌన్‌లోడ్ చేసుకోవాలంటే..?

ఫేస్‌బుక్ వీడియోలను డౌన్‌లోడ్ చేసుకునేందుకు అనేక అప్లికేషన్స్ iOS App స్టోర్‌లో సిద్ధంగా ఉన్నప్పటికి వాటి వల్ల అంతగా ఉపయోగం లేదు. అయితే, MyMedia అనే వెబ్‌సైట్‌లోకి వెళ్లటం ద్వారా ఐఫోన్ యూజర్లు తమ ఫేస్‌బుక్ వీడియోలను సెకన్ల వ్యవధిలో డౌన్‌లోడ్ చేసుకునే వీలుంటుంది.

ముందుగా ఐఫోన్ యూజర్లు MyMedia యాప్‌ను తమ ఫోన్‌లో ఇన్‌స్టాల్ చేసుకోవల్సి ఉంటుంది. ఈ యాప్ వీడియోలను డౌన్‌‌లోడ్ చేసుకునేందుకు అవసరమైన లింక్‌లను ప్రొవైడ్ చేస్తుంది. యాప్ ఇన్‌స్టాల్ చేసుకున్న తరువాత యూజర్, తన ఫేస్‌బుక్ అకౌంట్‌లోకి వెళ్లి డౌన్‌లోడ్ చేయాలనుకుంటున్న వీడియోను సెలక్ట్ చేసకుని ప్లే చేయవల్సి ఉంటుంది.

వీడియో ప్లే అవుతోన్న సమయంలో బోటమ్-రైట్ కార్నర్‌లో కనిపించే "Share" బటన్ పై క్లిక్ చేసి "Copy Link" ఆప్షన్‌ను సెలక్ట్ చేసుకోవాలి. లింక్ కాపీ అయిన తరువాత MyMedia యాప్‌లోకి వెళ్లి మెయిన్ స్ర్కీన్ పై కనిపించే డౌన్‌లోడ్ ఫీల్డ్‌లో ఆ లింక్‌ను పేస్ట్ చేయాల్సి ఉంటుంది.

లింక్ పేస్ట్ అయిన తరువాత "Download the file" ఆప్షన్ పై క్లిక్ చేసి వీడియో పేరును ఎంటర్ చేసినట్లయితే డౌన్‌లోడింగ్ ప్రాసెస్ పూర్తవుతుంది. FBDown SaveFrom, DownVids వంటి యాప్స్ ద్వారా కూడా ఫేస్‌బుక్ వీడియోలను డౌన్‌లోడ్ చేసుకోవచ్చు.

Instagram వీడియోలను డౌన్‌లోడ్ చేసుకోవటం ఎలా..?

Instagram వీడియోలను డౌన్‌లోడ్ చేసుకునేందుకు ఐఫోన్ యూజర్లు Grab for IG అనే యాప్ సర్వీసును వినియోగించుకోవల్సి ఉంటుంది. ఈ యాప్‌లోకి ఐన్‌స్టాగ్రామ్ ఐడీ, పాస్‌వర్డ్ ద్వారా ‌సైన్ఇన్ కావల్సి ఉంటుంది.

యాప్‌లోకి సైన్‌ఇన్ అయిన తరువాత "Authorize" బటన్ పై ప్రెస్ చేసినట్లయితే ఇన్‌స్టాగ్రామ్ వీడియో యూఆర్ఎల్స్‌కు సంబంధించిన యాక్సిస్ Grab for IG యాప్‌కు యాక్సిస్ లభిస్తుంది. ఆండ్రాయిడ్ స్మార్ట్‌ఫోన్ యూజర్లు EasyDownloader లేదా Insta Save యాప్స్ ద్వారా ఇన్‌స్టాగ్రామ్ వీడియోలను డౌన్‌లోడ్ చేసుకునే వీలుంటుంది.

ఆండ్రాయిడ్ స్మార్ట్‌ఫోన్ యూజర్లు ఫేస్‌బుక్ వీడియోలను డౌన్‌లోడ్ చేసుకోవాలంటే..?

ఆండ్రాయిడ్ స్మార్ట్‌ఫోన్ యూజర్లు EasyDownloader యాప్ ద్వారా ఫేస్‌బుక్ వీడియోలను డౌన్‌లోడ్ చేసుకునే వీలుంటుంది. గూగుల్ ప్లే స్టోర్ నుంచి యాప్‌ను ఇన్‌స్టాల్ చేసుకున్న తరువాత యూజర్ తన ఫేస్‌బుక్ అకౌంట్‌లోకి వెళ్లి, డౌన్‌లోడ్ చేయాలనుకుంటున్న వీడియోను ఓపన్ చేసినట్లయితే డౌన్‌లోడ్ ద ఫైల్ ఆప్షన్ కనిపిస్తుంది. ఈ ఆప్షన్ పై క్లిక్ చేసినట్లయితే వీడియో విజయవంతంగా డౌన్‌లోడ్ కాబడుతుంది.