డ్రైవింగ్ చేస్తున్న సమయంలో ఫోన్ ముట్టుకోకుండా మెసేజ్‌కు రిప్లై ఇవ్వటం ఎలా..?

టిప్ 1

ఆండ్రాయిడ్ స్మార్ట్‌ఫోన్ యూజర్ల కోసం గూగుల్ ‘Google Now' పేరుతో శక్తివంతమైన టూల్‌ను లాంచ్ చేసింది. వాయిస్ కమాండ్స్ ఆధారంగా స్పందించే ఈ హ్యాండ్స్ - ఫ్రీ టూల్ మీ వాయిస్ కమాండ్స్ ఆధారంగా పనిచేస్తుంది.

టిప్ 2

ఇంటర్నెట్ యాక్టివేట్ చేసి ఉన్న మీ ఆండ్రాయిడ్ ఫోన్ మైక్రోఫోన్‌కు వినిపించేలా "OK, Google" అని చెప్పండి. వెంటనే ‘Google Now' మీ మాటలు వినే ప్రయత్నం చేస్తుంది. తాజాగా పొందుపరిచన అప్‌డేట్‌లో భాగంగా గూగుల్ నౌ వాయిస్ కమాండ్ ఫీచర్ మెసేజ్‌లను కూడా చదువుతోంది.

టిప్ 3

‘Google Now' వాయిస్ టూల్‌ను ఉపయోగించుకుని మీ ఫోన్‌కు వచ్చిన చివరి సందేశాన్ని చెక్ చేసుకోవాలనుకుంటే ఫోన్ మైక్రోఫోన్ కు వినిపించేలా "OK, Google" show my last messages on phone అని కమాండ్ ఇవ్వండి.

టిప్ 4

వెంటనే గూగుల్ మీ ఫోన్ చివరిగా వచ్చిన 5 మెసేజ్‌లను చూపిస్తుంది. ఆ మెసేజ్‌లను మీరు వినాలనుకుంటే ‘గూగుల్ నౌ' ఆ మెసెజ్‌లను చదివి వినిపించటంతో పాటు రిప్లై ఇవ్వమంటారా అని కూడా అడుగుతుంది.

టిప్ 5

గూగుల్ నౌ తరహాలోనే యాపిల్ కూడా తన ఐఫోన్‌లకు సిరి (Siri) పేరుతో పర్సనల్ వాయిస్ అసిస్టెంట్ ఫీచర్‌ను అందిస్తోంది.

టిప్ 6

ఈ హ్యాండ్స్ ఫ్రీ టూల్ ద్వారా ఐఫోన్ యూజర్లు వాయిస్ కమాండ్స్ ఆధారంగా మెసేజ్‌లకు రిప్లై ఇవ్వొచ్చు. ఈ సౌకర్యాన్ని యూజర్లు ఉపయోగించుకోవాలంటే ముందుగా ఈ ఫీచర్‌ను తమ ఫోన్‌లలో ఎనేబుల్ చేసుకోవల్సి ఉంటుంది.

టిప్ 7

సిరి ఎనేబుల్ అయిన తరువాత యాక్టివేట్ చేసుకునేందుకు ఫోన్ మైక్రోఫోన్ కు వినిపించేలా "Hey, Siri" Read my text messages అని వాయిస్ కమాండ్ ఇస్తే చాలు, వెంటనే మీ ఫోన్ మెసెజ్ లను లొకేట్ చేసి Siri వాటిని చదవటం ప్రారంభిస్తుంది.

టిప్ 8

ముందుగా మొదటి మెసేజ్‌ను చదివి రిప్లై ఇవ్వమంటారా అని అడుగుతుంది. మీరు సింపుల్‌గా YES లేదా NO అని చెప్పటం ద్వారా సిరి ఫీచర్ ముందుకు ప్రొసీడ్ అవుతుంది.