ఆధార్ బయోమెట్రిక్ డేటాను లాక్ చేయటం ఎలా..?

బయోమెట్రిక్ వివరాలను మరింత గోప్యంగా ఉంచుకోవాలంటే..

ఎంతో విలువైన ఈ బయోమెట్రిక్ వివరాలను తమ అనుమతి లేకుండా తీసుకుని దుర్వినియోగపరిచారంటూ కొందరు ఆరోపించటంతో ఆధార్ బయోమెట్రిక్ అంత సురక్షితం కాదన్న వాదనలు వినిపిస్తున్నాయి. UIDAI సర్వర్లలో లాక్ అయి ఉండే బయోమెట్రిక్ సమాచారాన్ని మరింత గోప్యంగా ఉంచుకోవాలంటే దానిని లాక్ చేసుకోవటం ఉత్తమమైన మార్గం.

ఇలా చేయటం ద్వారా మీ బయోమెట్రిక్ డేటాను వేరొకరు యాక్సిస్ చేసుకునే అవకాశం ఉండదు. మీకు అవసరమైనపుడు మాత్రమే అన్‌లాక్ చేసుకుని, అవసరం లేనపుడు లాక్ చేసుకోవచ్చు. యూజర్ తన Aadhaar biometric డేటాను లాక్ చేయటం ద్వారా ఆధార్ సంబంధిత లావాదేవీలు అలానే రిక్వస్ట్ లను one-time password ఆధారంగానే మేనేజ్ చేయగలుగుతారు.

వీళ్లకు సంబంధించిన వేలి ముద్ర అలానే ఐరిస్ స్కాన్ లాక్ చేయబడుతుంది. Aadhaar biometric authenticationను లాక్ చేసే విధానాన్ని ఇప్పుడు తెలుసుకుందాం...

స్టెప్ బై స్టెప్ ప్రొసీజర్...

ముందుగా మీ బ్రౌజర్ నుంచి https://resident.uidai.gov.in/biometric-lockలోకి వెళ్లండి.

సంబంధిత పేజీ ఓపెన్ అయిన తరువాత 12 అంకెల ఆధార్ నెంబర్‌ను ఎంటర్ చేయండి. ఆధార్ నెంబర్ ఎంటర్ చేసిన తరువాత సెక్యూరీటీ కోడ్ కాలమ్ కనిపిస్తుంది. అక్కడ బాక్సలో కనిపించే సెక్యూరిటీ కోడ్‌ను ఎంటర్ చేయండి. పేజీలో క్రింద కనిపించే Generate OTP పై క్లిక్ చేయండి. ఇప్పుడు ఆధార్‌తో రిజిస్టర్ అయిన మీ మొబైల్ నెంబర్‌కు ఎస్ఎంఎస్ రూపంలో one-time password అందుతుంది.

సమాచారం పూర్తిగా లాక్ కాబడుతుంది...

ఆ OTPని సంబంధిత కాలమ్‌లో ఎంటర్ చేసి Verify ఆప్షన్ క్లిక్ చేయండి. ఈ ప్రాసెస్ కంప్లీట్ అయిన తరువాత బయోమెట్రిక్ లాకింగ్‌ను ఎనేబుల్ చేసుకునేందుకు క్రింద కనిపించే 'Login' లింక్ పై క్లిక్ చేయండి. ఈ ప్రాసస్ కంప్లీ అయిన వెంటనే "Congratulations! Your Biometric data is locked అన్న మెసేజ్ స్ర్కీన్ పై కనిపిస్తుంది. దీంతో మీ Aadhaar biometric సమాచారం పూర్తిగా లాక్ కాబడుతుంది.