Android హోమ్ స్క్రీన్‌లో గూగుల్ పాస్‌వర్డ్ మేనేజర్ షార్ట్‌కట్‌ని ఉంచడం ఎలా?

ప్రముఖ సెర్చ్ దిగ్గజం గూగుల్ కొన్ని వారాల క్రితం ఆండ్రాయిడ్‌లో గూగుల్ పాస్‌వర్డ్ మేనేజర్ కోసం షార్ట్‌కట్ ఫీచర్‌ను ప్రవేశపెట్టింది. పాస్‌వర్డ్ మేనేజర్ అనేది గూగుల్ అందించే గొప్ప టూల్. ఇది మీరు లాగిన్ చేసిన అన్ని వెబ్‌సైట్‌ల యొక్క పాస్‌వర్డ్‌లను సేవ్ చేయడానికి మిమ్మల్ని అనుమతిస్తుంది. తద్వారా మీరు మరొకసారి సులభంగా సైన్ ఇన్ చేయవచ్చు లేదా ఒకే క్లిక్‌తో మళ్లీ లాగిన్ చేయవచ్చు.

ఆండ్రాయిడ్‌లో షార్ట్‌కట్ ని జోడించడం ద్వారా మీరు సేవ్ చేసిన అన్ని వెబ్‌సైట్‌లు మరియు పోర్టల్‌ల పాస్‌వర్డ్‌లను సులభంగా తనిఖీ చేయవచ్చు. మీ ఆండ్రాయిడ్ హోమ్ స్క్రీన్‌లో షార్ట్‌కట్ ఉన్నందున మీరు మీ సెట్టింగ్‌లను సందర్శించడంలో ఇబ్బంది పడాల్సిన అవసరం లేదు. అయితే మీ ఆండ్రాయిడ్ హోమ్ స్క్రీన్‌లో గూగుల్ పాస్‌వర్డ్ మేనేజర్‌కి షార్ట్‌కట్ ని ఎలా జోడించవచ్చో తెలుసుకోవడానికి కింద చూపిన దశలను అనుసరించండి.

ఆండ్రాయిడ్ హోమ్ స్క్రీన్‌కి పాస్‌వర్డ్ మేనేజర్ షార్ట్‌కట్ ని జోడించే విధానం

స్టెప్ 1: మీ ఆండ్రాయిడ్ ఫోన్‌లో సెట్టింగ్‌లను ఓపెన్ చేయండి.

స్టెప్ 2: తరువాత మీరు పాస్‌వర్డ్ & సెక్యూరిటీ ఎంపికను కనుగొనడానికి క్రిందికి స్క్రోల్ చేసి దానిపై నొక్కండి.

స్టెప్ 3: మేనేజ్ పాస్‌వర్డ్‌ ఎంపికల మీద నొక్కండి.

స్టెప్ 4: ఇప్పుడు గూగుల్ ఎంపికపై నొక్కండి.

స్టెప్ 5: మీరు గూగుల్ ఎంపిక మీద ఒకసారి నొక్కిన తర్వాత మీకు పాస్‌వర్డ్ మేనేజర్ సెట్టింగ్‌లు కనిపిస్తాయి. కుడి వైపున ఉన్న సెట్టింగ్‌ల బటన్‌పై నొక్కండి.

స్టెప్ 6: క్రిందికి స్క్రోల్ చేసి మీ హోమ్ స్క్రీన్‌కు షార్ట్‌కట్‌ను జోడించు ఎంపికపై నొక్కండి.

స్టెప్ 7: ఇప్పుడు మీరు దానిని నిర్ధారించమని అడుగుతున్న పాప్-అప్‌ని చూస్తారు. నిర్ధారించడానికి జోడించు ఎంపికపై నొక్కండి.

స్టెప్ 8: మీ ఆండ్రాయిడ్ హోమ్ స్క్రీన్‌కి తిరిగి వెళ్లండి మరియు మీరు గూగుల్ పాస్‌వర్డ్ మేనేజర్ షార్ట్‌కట్‌ కోసం చూసి దానిపై నొక్కండి మరియు మీ పాస్‌వర్డ్‌లన్నింటినీ చెక్ చేయండి.

ఇలా చేయడంతో మీరు మీ ఆండ్రాయిడ్ ఫోన్ హోమ్ స్క్రీన్‌కి గూగుల్ పాస్‌వర్డ్ మేనేజర్‌ని సులభంగా జోడించవచ్చు. పాస్‌వర్డ్ మేనేజర్ షార్ట్‌కట్‌తో మీ పాస్‌వర్డ్‌లు ఏవైనా రాజీ పడ్డాయా లేదా అన్ని పాస్‌వర్డ్‌లు సురక్షితంగా ఉన్నాయో లేదో కూడా మీరు మీ ఆండ్రాయిడ్ ఫోన్ హోమ్ స్క్రీన్‌పై కొన్ని క్లిక్‌లలో తనిఖీ చేయవచ్చు.

గూగుల్ ఆండ్రాయిడ్ మరియు iOS రెండింటిలోనూ పాస్‌వర్డ్ మేనేజర్‌కి అనేక కొత్త ఫీచర్లను జోడిస్తోంది. దురదృష్టవశాత్తూ మీరు హోమ్ స్క్రీన్‌లో మీ పాస్‌వర్డ్‌లను సులభంగా యాక్సెస్ చేయగల ఇలాంటి ఫీచర్‌లు iOSలో అందుబాటులో లేవు. అయినప్పటికీ సమీప భవిష్యత్తులో iOS పరికరాలకు పూర్తి స్థాయిలో ఈ కార్యాచరణను అందించడానికి గూగుల్ సంస్థ iOSతో కలిసి పని చేయవచ్చు.