మీ కంప్యూటర్‌లో ఏదైనా వెబ్‌సై‌ట్‌ను బ్లాక్ చేయాలనుకుంటున్నారా..?

మీ కంప్యూటర్‌లో ఏదైనా వెబ్‌సైట్‌ను బ్లాక్ చేయాలనుకుంటున్నట్లయితే..

ఇంటర్నెట్‌కు బ్యాక్‌బోన్‌గా చెప్పుకోబడే డీఎన్ఎస్ సిస్టమ్ వెబ్‌సైట్‌లను ఐపీ అడ్రస్‌ల రూపంలో ట్రాన్సలేట్ చేసి వాటిని సులువుగా గుర్తుపెట్టుకునేలా చేస్తుంది. ఇదే క్రమంలో కంప్యూటర్‌లోని HOSTS ఫైల్ కూడా వెబ్‌సైట్‌ల తాలుకా సమాచారాన్ని లోకల్‌గా స్టోర్ చేసుకుంటుంది. మీ కంప్యూటర్‌లో ఏదైనా వెబ్‌సైట్‌ను బ్లాక్ చేయాలనుకుంటున్నట్లయితే మీ కంప్యూటర్‌కు సంబందించి అడ్మినిస్ట్రేటర్ యాక్సిస్‌ను మీరు కలిగి ఉండాలి. ముందుగా మీ అడ్మినిస్ట్రేటర్ అకౌంట్ నుంచి పీసీలోకి సైనిన్ అయి C:WindowsSystem32driversetcలోకి వెళ్లాలి.

ఫైల్‌ను ఎడిట్ చేయలేకపోతున్నట్లయితే...

ఇక్కడ "hosts" ఫైల్ పై డబుల్ క్లిక్ చేసి ఫైల్‌లోని లిస్ట్ ఆఫ్ ప్రోగ్రామ్స్‌ను ఓపెన్ చేసేందుకు నోట్
ప్యాడ్‌ను సెలక్ట్ చేసుకోవల్సి ఉంటుంది. ఆ తరువాత ఓకె బటన్ పై క్లిక్ చేయాలి. మీ కంప్యూటర్ హోస్ట్
ఫైల్‌కు సంబంధించిన చివరి రెండు లైన్లు "# 127.0.0.1 localhost" and "# ::1 localhost" గా ఉండాలి. ఒక వేళ మీరు ఫైల్‌ను ఎడిట్ చేయలేకపోతున్నట్లయితే file labelled hosts పై
మౌస్‌తో రైట్ క్లిక్ చేసి ప్రాపర్టీస్‌ను సెలక్ట్ చేసుకోవాలి.

అన్ని pop-upలలో అకౌంట్‌లను సెలక్ట్ చేసుకుని..

ప్రాపర్టీస్‌లో సెక్యూరిటీ ట్యాబ్ పై క్లిక్ చేసిన అడ్మినిస్ట్రేటర్ అకౌంట్‌ను సెలక్ట్ చేసి ఎడిల్ ఆప్షన్ పై క్లిక్ చేయవల్సి ఉంటుంది. ఇప్పుడు ఓపెన్ అయ్యే pop-upలో మరోసారి మీ అకౌంట్‌ను సెలక్ట్ చేసుకుని ఫుల్ కంట్రోల్‌ను చెక్ చేసుకోల్సి ఉంటుంది. ఇలా అన్ని pop-upలలో మీ అకౌంట్‌లను సెలక్ట్ చేసుకుని చెక్ చేసుకోల్సి ఉంటుంది.

వెబ్‌సైట్‌కు అడ్రస్‌కు ముందు 127.0.0.1ను యాడ్ చేసి..

ఫైల్ క్రిందకు వచ్చిన తరువాత మీరు బ్లాక్ చేయాలనుకుంటోన్న వెబ్‌సైట్‌లకు సంబందించి అడ్రస్‌లను యాడ్ చేయవల్సి ఉంటుంది. వెబ్‌సైట్‌కు అడ్రస్‌కు ముందు 127.0.0.1ను యాడ్ చేస్తే సరిపోతుంది. ఉదాహరణకు మీరు Googleను బ్లాక్ చేయాలనుకుంటునట్లయితే ఫైల్ క్రింద "127.0.0.1 www.google.com" అని యాడ్ చేస్తే సరిపోతుంది. ఇలా లైన్‌కు ఒకటి చొప్పున ఎన్ని వెబ్‌సైట్‌లనైనా బ్లాక్ చేసుకోవచ్చు. ఈ ప్రొసీజర్ మొత్తం పూర్తయిన తరువాత హోస్ట్స్ ఫైల్‌ను సేవ్ చేసి క్లోజ్ చేయాలి. తదుపరి స్టెప్‌లో భాగంగా కంప్యూటర్‌ను రీబూట్ చేసినట్లయితే మీ కోరుకున్న వెబ్‌సైట్స్ అన్ని బ్లాక్ అయి ఉంటాయి.