Gboardతో మీ ఫోన్ కీబోర్డ్ అదుర్స్, ఇప్పుడే ట్రై చేయండి..

స్టాక్ ఆండ్రాయిడ్ కీబోర్డ్‌కు పూర్తిస్థాయి రీప్లేస్‌మెంట్‌గా

ఈ నేపథ్యంలో చాలా మంది ఆండ్రాయిడ్ స్మార్ట్‌ఫోన్ యూజర్లు థర్డ్ పార్టీ ఆండ్రాయిడ్ కీబోర్డ్ యాప్స్ వైపు మొగ్గుచూపుతున్నారు. ఈ క్రమంలో SwiftKey, GBoard వంటి కీబోర్డ్ యాప్‌లకు రోజురోజుకు ఆదరణ పెరుగుతోంది. స్టాక్ ఆండ్రాయిడ్ కీబోర్డ్‌కు పూర్తిస్థాయి రీప్లేస్‌మెంట్‌గా భావిస్తోన్న గూగుల్ జీబోర్డ్ యాప్ అనేక ఆసక్తికర ఫీచర్లను కలిగి ఉంది. ఈ స్మార్ట్‌ఫోన్‌లోని స్టాక్ ఆండ్రాయిడ్ కీబోర్డ్‌ను Gboard యాప్‌తో రీప్లేస్ చేసేందుకు స్టెప్ బై స్టెప్ ప్రొసీజర్..

స్టెప్ 1

ముందుగా గూగుల్ ప్లే స్టోర్‌లోకి వెళ్లి Gboard - the Google Keyboard
యాప్‌ను మీ ఫోన్‌లోకి డౌన్‌లోడ్ చేసుకుని ఇన్‌స్టాల్ చేసుకోండి.

స్టెప్ 2

యాప్ ఇన్‌స్టాల్ అయిన తరువాత మీరు మెసేజ్ కంపోజ్ చేయాలనుకుంటున్న ఫ్లాట్‌ఫామ్‌(వాట్సాప్, జీమెయిల్, ఫేస్‌బుక్)లలోకి వెళ్లండి.

స్టెప్ 3

కీబోర్డ్ ఓపెన్ అయిన తరువాత నోటిఫికేషన్ సెంటర్‌ను స్వైప్ డౌన్ చేసినట్లయితే కీబోర్డ్‌కు సంబంధించిన పాపప్ సెట్టింగ్ కనిపిస్తుంది. ఆ పాపప్ పై క్లిక్ చేసినట్లయితే 'Languages and Input' పేజీలోకి మీరు రీడైరక్ట్ కాబడతారు. అక్కడ మీరు సిస్టం అండ్ లాంగ్వేజెస్‌ను మేనేజ్ చేసుకోవటంతో పాటు అదనపు భాషలను కూడా యాడ్ చేసుకునే వీలుంటుంది.

స్టెప్ 4

కీబోర్డ్స్ సెక్షన్‌లోకి వెళ్లి తాజాగా ఇన్‌స్లాల్ చేయబడిన Gboardను సెలక్ట్ చేసుకున్నట్లయితే మీ కీబోర్డ్ కాస్తా మినీ గూగుల్ సెర్చ్‌బార్‌లా మారిపోతుంది.

మేసెజింగ్ మరింత సౌకర్యవంతంగా

Gboard యాప్ ద్వారా మేసెజింగ్ మరింత సౌకర్యవంతంగానూ ఇదే సమయంలో అర్థవంతంగాను ఉంటుంది. GIF ఫైల్స్‌తో పాటు ఇమేజ్ ఫలితాలను కీబోర్డులోనే సెర్చ్ చేసుకునే వీలుంటుంది.