Google Mapsలో రన్నింగ్ రైలు యొక్క లైవ్ స్టేటస్ ని తనిఖీ చేయడం ఎలా?

గూగుల్ మ్యాప్స్ గురించి ప్రతి ఒక్కరికి ఇప్పుడు తెలిసి ఉంటుంది. దీనిని ఉపయోగించని వారు కూడా ఉండరు. గూగుల్ సంస్థ 2019లో గూగుల్ మ్యాప్స్ కు మూడు పబ్లిక్ ట్రాన్స్‌పోర్ట్ ఫీచర్‌లను జోడించింది. ఈ ఫీచర్‌లు వినియోగదారులకు సుదూర మార్గాల కోసం నిజ-సమయంలో రైలు యొక్క స్టేటస్ ని తనిఖీ చేయడానికి, పది నగరాల్లోని ట్రాఫిక్ నుండి బస్సు ప్రయాణ సమయాన్ని పొందేందుకు మరియు ఆటో-రిక్షా మరియు ప్రజా రవాణాను ప్రదర్శించే ప్రయాణ సూచనలను పొందగలవు.

ఈ యాప్ నుండి రైలు వచ్చే సమయం, షెడ్యూల్‌లు, లేట్ స్టేటస్ వంటి అనేక ఇతర సమాచారాన్ని తెలియజేస్తుంది. రైలు యొక్క లైవ్ స్టేటస్ ని అందించే అనేక మూడవ పక్ష యాప్‌లు ఉన్నప్పటికీ గూగుల్ మ్యాప్స్‌లోని ఈ ఫీచర్ తక్కువ బడ్జెట్ పరికరాలను ఉపయోగించే ఆండ్రాయిడ్ వినియోగదారులకు ఉపయోగకరంగా ఉంటుంది. ఈ ఫీచర్ లాంచ్ చేయడానికి ఒక సంవత్సరం ముందు గూగుల్ కొనుగోలు చేసిన 'వేర్ ఈజ్ మై ట్రైన్' యాప్‌తో భాగస్వామ్యంతో ఈ ఫీచర్ అమలు చేయబడింది. ఈ ఫీచర్‌ని ఎలా ఉపయోగించాలి మరియు గూగుల్ మ్యాప్స్‌ని ఉపయోగించి లైవ్ రైలు స్టేటస్ ని ఎలా తనిఖీ చేయాలో తెలుసుకోవడానికి కింది విధానాన్ని అనుసరించండి.

Google Maps ద్వారా లైవ్ రైలు స్టేటస్ ని తనిఖీ చేసే విధానం

- ముందుగా మీ స్మార్ట్‌ఫోన్‌లో గూగుల్ మ్యాప్స్ ఓపెన్ చేయండి.

** తర్వాత సెర్చ్ బార్‌లో డెస్టినేషన్ స్టేషన్‌ని నమోదు చేయండి.

** తర్వాత రైలు యొక్క చిహ్నంపై నొక్కండి.

** తర్వాత డెస్టినేషన్ డైలాగ్ బాక్స్‌కి దిగువన ఉన్న 'టూ-వీలర్' మరియు 'వాక్' ఐకాన్ మధ్య ఉంచిన 'ట్రైన్' ఐకాన్‌పై ట్యాప్ చేయండి.

** రైలు చిహ్నం ఉన్న రూట్ ఆప్షన్‌పై ట్యాప్ చేయండి.

** తర్వాత రైలు యొక్క లైవ్ స్టేటస్ ని తనిఖీ చేయడానికి రైలు పేరుపై నొక్కండి.

ముఖ్యంగా ఈ ఫీచర్లు వినియోగదారులు ప్రస్తుత స్థానం నుండి అరైవల్ స్టేషన్ వరకు మొత్తం మార్గాన్ని చూడటానికి అనుమతిస్తాయి.