ఈ టిప్స్ ఫాలో అయితే నకిలీ యాప్స్ కి దూరంగా ఉండొచ్చు !

డిస్క్రిప్షన్ రాసే విధానంలో....

నకిలీ యాప్స్ డిస్క్రిప్షన్ రాసే విధానంలో చాలా లోపాలు ఉంటాయి. స్పెల్లింగ్ లోపాలు, ఫీచర్ల గురించి సరైన వివరణ లేకపోవడం, గ్రామర్ పరంగా కూడా లోపాలను వెతికి పట్టుకోవచ్చు. దాన్నిబట్టే అది ఫేక్ యాప్స్ అన్న విషయం సులభంగా గ్రహించవచ్చు.

రివ్యూలు చదవండి.....

Google Play Storeలో పొందుపరచబడే ప్రతి అప్లికేషన్ కింద అప్పటికే దాన్ని వాడిన వారు రివ్యూలు రాస్తారు అన్న విషయం తెలిసిందే కదా. ఒక యాప్ ఇన్స్టాల్ చేయబోయే ముందు కొద్దిగా ఓపిక చేసుకుని ఆయా రివ్యూలను చదవండి. దీనివల్ల మీరు ఇన్‌స్టాల్ చేసుకోవాలనుకుంటుంది జెన్యూన్ అప్లికేషనా, ఫేక్ యాప్ అన్న విషయం సులభంగా అర్థమవుతుంది.

డెవలపర్ గురించి.....

సహజంగా గూగుల్ ప్లేస్టోర్ లో అప్లోడ్ చేయబడే ప్రతి యాప్ ను ను ఎవరు డెవలప్ చేశారు అన్న విషయం డెవలపర్ పేరు స్పష్టంగా పేర్కొనబడి ఉంటుంది. ఆ పేరుని గూగుల్‌లో వెదికి ఆ డెవలపర్‌కి చెందిన అధికారిక వెబ్సైట్ పరిశీలించడం ద్వారా పేరున్న డెవలపరా లేదా అన్న విషయం అర్థం చేసుకోవచ్చు.

డౌన్లోడ్ లను బట్టి.....

నకిలీ యాప్స్ ను ఎక్కువమంది డౌన్లోడ్ చేసుకోరు. వీలైనంత వరకు వాటికి దూరంగా ఉంటారు. ఒకవేళ మీరు డౌన్లోడ్ చేసుకోవాలనుకున్న యాప్ మొట్టమొదటి వెర్షన్ విడుదల చేసిన తేదీ కూడా చాలా కాలం క్రితం ఉండీ, అయినప్పటికీ ఎక్కువ డౌన్లోడ్లు లేకపోతే కచ్చితంగా అనుమానించాల్సి ఉంటుంది.

రేటింగ్‌ ద్వారా.....

ఒక యాప్‌ను డౌన్‌లోడ్‌ చేయాలంటే ప్లేస్టోర్‌కి వెళ్లి డౌన్‌లోడ్‌ చేస్తాం. అయితే ఆ యాప్‌కు కొందరు వ్యక్తులు ఇచ్చిన రేటింగ్‌ ద్వారా అది అసలో లేదా నకిలీయో ఇట్టే గుర్తు పట్టవచ్చు. రివ్యూస్‌లో ఇచ్చిన సమాచారంతో యాప్‌ నకిలీయో లేదా ఒరిజినల్‌లో గుర్తు పట్టేయ్యవచ్చు.