Apple macOS బిగ్ సుర్‌ను డౌన్‌లోడ్ & ఇన్‌స్టాల్ చేయడం ఎలా?

Apple macOS బిగ్ సుర్‌ కొత్త సాఫ్ట్‌వేర్ అప్ డేట్

ఇప్పుడు అనుకూలమైన ఆపిల్ డివైస్ ఉన్న ప్రతి ఒక్కరూ కూడా వెంటనే macOS బిగ్ సుర్‌ను డౌన్‌లోడ్ చేసుకోవచ్చు. మాకోస్ బిగ్ సుర్ అనేది రిఫ్రెష్ చేసిన డిజైన్, కొత్త సఫారి బ్రౌజర్. మెసేజ్ లు మరియు మ్యాప్స్ యాప్ లలో కొన్ని పెద్ద మార్పులను మరియు గోప్యత విషయంలో ఎక్కువగా దృష్టిని పెట్టింది. కొత్తగా ప్రకటించిన మాక్‌బుక్స్‌లో మాకోస్ బిగ్ సుర్ చాలా ఉపయోగకరంగా ఉంది. macOS బిగ్ సుర్ అనుకూల పరికరాల గురించి మరియు డౌన్‌లోడ్ విధానం గురించి మరింత తెలుసుకోవడానికి ముందుకు చదవండి.

macOS బిగ్ సుర్‌ యొక్క ఫీచర్స్

macOS బిగ్ సుర్ మొదట జూన్లో WWDC 2020 లో ప్రకటించబడింది. మాకోస్ బిగ్ సుర్ ఇప్పుడు డౌన్‌లోడ్ చేయడానికి అందుబాటులో ఉంది. మీ డెస్క్‌టాప్ పిక్చర్ అంచుని చివరి అంచు వరకు విస్తరించి ఉపయోగంలో లేనప్పుడు బటన్లు మరియు నియంత్రణలను దాచగల సామర్థ్యాన్ని కలిగి ఉన్న అప్ డేట్ మెను బార్‌ను తీసుకువస్తుంది. డెస్క్‌టాప్ వాల్‌పేపర్‌కు పారదర్శకతను జోడించి ఎక్కువ ప్రాధాన్యతనిచ్చే డాక్ డిజైన్ ను కూడా కలిగి ఉంది. డాక్ అదనంగా సుష్ట యాప్ చిహ్నాలను కలిగి ఉంటుంది. ఇంకా macOS 11 బిగ్ సుర్ అప్ డేట్ కొత్త నియంత్రణ కేంద్రాన్ని అనుకూలీకరణలతో మరియు మెరుగైన నోటిఫికేషన్‌లను తీసుకువస్తుంది.

macOS బిగ్ సుర్‌ను డౌన్‌లోడ్ చేసి, ఇన్‌స్టాల్ చేసే విధానం

ఆపిల్ సాధారణంగా macOS కొత్త అప్ డేట్ లను స్వయంచాలకంగా అందిస్తుంది. అయినప్పటికీ మీరు ముందుగా పొందడానికి కింద ఉన్న పద్దతులను పాటించండి.

స్టెప్ 1: మీ యొక్క ఆపిల్ డివైస్ లోని స్క్రీన్ ఎడమవైపు ఎగువ మూలలో గల ఆపిల్ మెనూలోకి వెళ్ళి సిస్టమ్ ప్రిఫరెన్స్ ను ఎంచుకోండి.

స్టెప్ 2: తరువాత సాఫ్ట్‌వేర్ అప్ డేట్ కు వెళ్లడం ద్వారా మీరు macOS బిగ్ సుర్ అప్ డేట్ కోసం మానవీయంగా తనిఖీ చేయవచ్చు.

స్టెప్ 3: ఆపిల్ మెను నుండి ఈ macOS ఎంపికను సందర్శించి ఆపై సాఫ్ట్‌వేర్ అప్ డేట్ బటన్‌ను క్లిక్ చేయడం ద్వారా అప్ డేట్ ను కనుగొనవచ్చు. ప్రత్యామ్నాయంగా మీరు మాక్ యాప్ స్టోర్ నుండి నేరుగా macOS బిగ్ సుర్‌ను డౌన్‌లోడ్ చేసుకోవచ్చు.