ఫేస్‌బుక్‌ వీడియోలను మీ ఫోన్‌లలో డౌన్‌లోడ్ చేసుకోవడం ఎలా?

సోషల్ మీడియా నెట్‌వర్క్ ప్లాట్‌ఫారమ్‌లలో ఒకటైన ఫేస్‌బుక్‌ యాప్‌లో మీకు నచ్చిన వీడియోలను షేర్ చేయడానికి మిమ్మల్ని అనుమతిస్తుంది. అయితే సోషల్ నెట్‌వర్క్ ప్లాట్‌ఫారమ్‌లలో మీకు నచ్చిన వీడియోలను షేర్ చేయడాన్ని సులభతరం చేసినప్పటికీ ఇప్పటికీ ఆఫ్‌లైన్-వ్యూ మోడ్ అందుబాటులో లేదు. ఫేస్‌బుక్‌లోని మీకు ఇష్టమైన వీడియోను డౌన్‌లోడ్ చేయాలనుకుంటే కనుక మీరు కొంత అదనపు ప్రయత్నం చేయాల్సి ఉంటుంది. ఫేస్‌బుక్‌లోని వీడియోలను డౌన్‌లోడ్ చేయడం కష్టం కాదు.

PC లేదా మొబైల్ ఫోన్‌లలో ఫేస్‌బుక్‌ వీడియోలను డౌన్‌లోడ్ చేయడానికి అనుమతించే అనేక యాప్‌లు అందుబాటులో ఉన్నాయి. కానీ యాప్‌ను ఎంచుకునేటప్పుడు మీరు జాగ్రత్తగా ఉండాలి. ఎందుకంటే ఇది డివైజ్ సెక్యూరిటీకి హాని కలిగిస్తుంది. అదృష్టవశాత్తూ డెస్క్‌టాప్ మరియు మొబైల్‌లో ఒక సాధారణ పరిష్కారము ఉంది. ఇందులో మంచి భాగం ఏమిటంటే వీడియోను డౌన్‌లోడ్ చేయడానికి మరియు ఆఫ్‌లైన్‌లో చూడటానికి మీకు ప్రత్యేక యాప్ అవసరం లేదు. మీ యొక్క ఆండ్రాయిడ్, ఐఫోన్ లో ఫేస్‌బుక్ వీడియోలను డౌన్‌లోడ్ చేయడానికి కింద ఉన్న సాధారణ దశలను పాటిస్తే సరిపోతుంది.

Android, iOS లో ఫేస్‌బుక్‌ వీడియోలను డౌన్‌లోడ్ చేసే విధానం

మొబైల్‌లో ఫేస్‌బుక్ వీడియోలను డౌన్‌లోడ్ చేయడం పూర్తిగా భిన్నమైన కథనం. Fbdown.net వెబ్‌సైట్ దీనికి సంబంధించి సులభమైన మార్గం. ఇది రెండు ప్లాట్‌ఫారమ్‌లలో పనిచేస్తుంది. అయితే ఐఫోన్ వినియోగదారులు ఫైర్‌ఫాక్స్ బ్రౌజర్‌ను డౌన్‌లోడ్ చేసుకోవాలి. ఎందుకంటే సైట్ సఫారిలో క్రాష్ కావచ్చు. మీరు మొబైల్‌లో ఫేస్‌బుక్ నుండి వీడియోలను డౌన్‌లోడ్ చేసుకోవడానికి కింద ఉన్న దశలను అనుసరించండి.

స్టెప్ 1- మీ ఫోన్ లో Facebook యాప్‌ని ఓపెన్ చేయండి.

స్టెప్ 2- మీరు డౌన్‌లోడ్ చేయదలిచిన వీడియో కోసం శోధించండి. ఆపై మూడు-చుక్కల చిహ్నాన్ని నొక్కండి.

స్టెప్ 3- క్రిందికి స్క్రోల్ చేయండి. మీరు కాపీ లింక్ ఎంపికను కనుగొంటారు.

స్టెప్ 4- తరువాత ఒక కొత్త బ్రౌజర్‌లో fbdown.net ఓపెన్ చేయండి. ఆపై లింక్‌ను అతికించండి.

స్టెప్ 5- తరువాత డౌన్‌లోడ్ బటన్‌ను నొక్కండి మరియు కింది పేజీలో 'నార్మల్' లేదా 'హై' క్వాలిటీలో డౌన్‌లోడ్ చేయడానికి లింక్‌ని ఎంచుకోండి.

స్టెప్ 6- ఇది ఫేస్‌బుక్ వీడియోను చూపించే మరొక పేజీని ఓపెన్ చేస్తుంది. వీడియోను ఎక్కువసేపు నొక్కి, ఆపై "వీడియోను డౌన్‌లోడ్ చేయి" నొక్కండి.

స్టెప్ 7- తరువాత ఈ వీడియో మీ మొబైల్‌లో డౌన్‌లోడ్ చేయబడుతుంది మరియు మీరు దాన్ని ఆఫ్‌లైన్‌లో చూడవచ్చు.