COVID-19 వ్యాక్సిన్ సర్టిఫికెట్‌లో లోపాలు ఉన్నాయా?? అయితే ఇలా సరిచేయండి...

మీ COVID-19 టీకా వివరాలను మార్చే విధానం

COVID-19 టీకా యొక్క సర్టిఫికెట్‌లోని లోపాన్ని సరిదిద్దడానికి కోవిన్ ఇప్పుడు కొత్తగా ఒక ఎంపికను జోడించారు. " రైజ్ ఏ రిక్వెస్ట్" పేరుతో వచ్చిన ఈ కొత్త ఫీచర్ మీ యొక్క కోవిన్ టీకా సర్టిఫికెట్లలో మీ పేరు, పుట్టిన సంవత్సరం మరియు లింగానికి సంబందించిన అనుకోని లోపాల దిద్దుబాట్లను సరిచేయవచ్చు.

కాబట్టి ఇప్పుడు ఈ క్రొత్త ఫీచర్‌ను ప్రారంభించడంతో ప్రతి ఒక్కరూ మీ COVID-19 వ్యాక్సిన్ సర్టిఫికెట్‌లో ఏదైనా అభ్యర్థనను లేవనెత్తవచ్చు మరియు ఏదైనా లోపాన్ని సరిదిద్దవచ్చు. అయితే మార్పులు ఒక్కసారి మాత్రమే చేయవచ్చని మీరు గమనించాలి. కాబట్టి మొదటిసారి విడుదలైన సర్టిఫికెట్‌ను పూర్తిగా తనిఖీ చేసి ఆపై కోవిన్ పోర్టల్‌లో మీ యొక్క అభ్యర్థనను ఉంచవచ్చు.

COVID-19 వ్యాక్సిన్ సర్టిఫికెట్‌లోని మీ యొక్క అభ్యర్థనను ఉంచడానికి మరియు లోపాన్ని పరిష్కరించడానికి కింద ఉన్న 5 సాధారణ దశలను అనుసరించండి.

స్టెప్ 1: కోవిన్ వెబ్‌సైట్‌కు వెళ్లి, మీ రిజిస్టర్డ్ మొబైల్ నంబర్‌తో లాగిన్ అవ్వండి మరియు లాగిన్ అవ్వడానికి OTP ఇన్ పుట్ చేయండి.

స్టెప్ 2: అకౌంట్ విభాగానికి వెళ్లి "రైజ్ ఏ రిక్వెస్ట్" పై క్లిక్ చేయండి.

స్టెప్ 3: తరువాత మీరు లేదా మీ యొక్క సభ్యుల పేరును ఎన్నుకోవాలి. మీరు ఒక మొబైల్ నంబర్‌తో నలుగురు సభ్యులను జోడించవచ్చు.

స్టెప్ 4: తరువాత సర్టిఫికేట్ "కరెక్షన్" ఎంపికపై క్లిక్ చేసి కొనసాగించు ఎంపికపై నొక్కండి.

స్టెప్ 5: పేరు, పుట్టిన సంవత్సరం మరియు లింగం వంటి వివరాలలో మీరు సరిచేయదలిచిన ఫీల్డ్‌ను ఎంచుకోండి. సరైన వివరాలను నమోదు చేసిన తరువాత మీ యొక్క అభ్యర్థనను నమోదు చేయడానికి కొనసాగించు ఎంపిక మీద నొక్కండి.

ఇలా చేయడంతో మీ వ్యాక్సిన్ సర్టిఫికేట్ ఇప్పుడు సరైన వివరాలతో అప్ డేట్ చేయబడుతుంది.