ఆధార్ కార్డును పోగొట్టుకున్నారా?? ఆన్‌లైన్‌లో తిరిగి పొందడం ఎలా?

మీరు మీ యొక్క ఆధార్ కార్డును ఎక్కడ ఉంచారొ లేదా పోగొట్టుకున్నారో అని తెలియడం లేదా? మరియు దాన్ని ఎలా తిరిగి పొందాలనే దాని గురించి ఆందోళన చెందుతున్నారా? ఆధార్ కార్డును తిరిగి పొందడానికి ప్రక్రియ చాలా సులభం. యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) ఆధార్ కార్డ్ హోల్డర్ల కోసం 10 అంకెల రిజిస్టర్డ్ మొబైల్ నంబర్ ఉపయోగించి ఎన్‌రోల్‌మెంట్ నంబర్‌ను తిరిగి పొందడానికి ఒక సర్వీసును ప్రారంభించింది. మీరు మీ యొక్క మొబైల్ లోనే UIDAI అధికారిక వెబ్‌సైట్‌కు వెళ్లి దిగువ ఇచ్చిన దశల వారీ ప్రక్రియను అనుసరించడం ద్వారా తిరిగి పొందవచ్చు.

ఆన్‌లైన్‌లో ఆధార్‌ను తిరిగి పొందే విధానం

స్టెప్ 1: UIDAI యొక్క అధికారిక వెబ్‌సైట్‌ uidai.gov.in కి వెళ్లండి.

స్టెప్ 2: 'ఆధార్ సర్వీస్' విభాగం కోసం క్రిందికి స్క్రోల్ చేయండి మరియు అక్కడ 'నా ఆధార్' ఎంపికపై క్లిక్ చేయండి.

స్టెప్ 3: తర్వాత 'లాస్ట్ లేదా ఫర్గాటెన్ ఈఐడీ/యూఐడీని తిరిగి పొందండి' ఆప్షన్‌పై క్లిక్ చేయండి.

స్టెప్ 4: పేరు, ఇమెయిల్ ఐడి మరియు నమోదిత మొబైల్ నంబర్‌ వంటి వివరాలను నమోదు చేయండి.

స్టెప్ 5: మీరు క్యాప్చాను ధృవీకరించాలి మరియు 'OTP పంపండి' ఎంపికపై క్లిక్ చేయాలి.

స్టెప్ 6: మీరు మీ రిజిస్టర్డ్ మొబైల్ నంబర్‌లో ఆరు అంకెల OTP ని అందుకుంటారు. ఇచ్చిన స్పేస్‌లో ఎంటర్ చేయండి.

స్టెప్ 7: మీరు మీ మొబైల్‌లో అభ్యర్థించిన UID/EID నంబర్ పొందుతారు.

స్టెప్ 8: ఇ-ఆధార్ కాపీని డౌన్‌లోడ్ చేయడానికి UID/WID నంబర్‌ను ఉపయోగించండి.

ఆధార్ కార్డును తిరిగి ముద్రించడం ఎలా?

స్టెప్ 1: UIDAI యొక్క అధికారిక వెబ్‌సైట్‌కి వెళ్లండి.

స్టెప్ 2: తరువాత స్క్రీన్‌లో చూపిన 'ఆర్డర్ ఆధార్ రీప్రింట్' ఎంపికపై క్లిక్ చేయండి.

స్టెప్ 3: ఆధార్ నంబర్ (UID), నమోదు ID (EID) లేదా వర్చువల్ ID (VID) నుండి ఏదైనా ఒక ఎంపికను ఎంచుకోండి.

స్టెప్ 4: 'నిబంధనలు & షరతులు' బాక్స్‌ని చెక్ చేసి సబ్మిట్ ఆప్షన్‌పై క్లిక్ చేయండి.

స్టెప్ 5: ఆధార్ కార్డును ముద్రించడానికి నమోదు చేయబడిన మొబైల్ నంబర్ మరియు నమోదు కాని మొబైల్ నంబర్ నుండి ఒక ఎంపికను ఎంచుకోండి.

స్టెప్ 6: మీ మొబైల్ నంబర్ నమోదు చేయబడితే మొదటి ఎంపికను ఎంచుకోండి. క్యాప్చాతో ఆధార్ నంబర్ లేదా వర్చువల్ ఐడి (VID) నంబర్‌ను నమోదు చేయండి మరియు అభ్యర్థన OTP ఎంపికపై నొక్కండి.

స్టెప్ 7: OTP ని నమోదు చేయండి.

స్టెప్ 8: తరువాత మేక్ పేమెంట్ ఆప్షన్‌పై క్లిక్ చేయండి. అప్పుడు మీరు ఆన్‌లైన్ పేమెంట్ మోడ్‌ను ఎంచుకుని పేమెంట్ చేయాలి.

స్టెప్ 9: తరువాత రసీదుని డౌన్‌లోడ్ చేయండి.

స్టెప్ 10: మీ ఆధార్ కార్డు ఇప్పుడు ప్రింట్ చేయబడి రిజిస్టర్డ్ అడ్రస్‌కు పంపబడుతుంది.