దసరా వేడుకల్లో ఫోన్ వేడెక్కుతుందా? మీ స్మార్ట్‌ఫోన్ పాడవకుండా ఉండాలంటే ఈ చిట్కాలు పాటించండి!

ఈ రోజు రాత్రి (శనివారం, అక్టోబర్ 17) గర్బా డ్యాన్స్‌లు, దసరా పండళ్ల రద్దీలో మీ స్మార్ట్‌ఫోన్‌కు పెద్ద పరీక్షే ఎదురుకాబోతోంది. వరుసగా లాంగ్ 4K వీడియోలు తీయడం, బ్రైట్‌నెస్ పెంచేయడం, వేలమంది ఉన్నచోట 5G నెట్‌వర్క్ వాడటంతో ఫోన్ క్షణాల్లో వేడెక్కిపోతుంది. దీంతో ఫోన్ హ్యాంగ్ అవ్వడం, రికార్డింగ్ ఆగిపోవడం, ఛార్జింగ్ టక్కున పడిపోవడం జరుగుతాయి. మరి ఫోన్‌ను సేఫ్‌గా కూల్ చేస్తూ, ఎలాంటి ఇబ్బంది లేకుండా దసరా సంబరాలను షూట్ చేయడానికి కొన్ని సింపుల్, బెస్ట్ టిప్స్ ఇక్కడ ఉన్నాయి.

ఇంతకీ పండుగ రద్దీలో ఫోన్ ఎందుకు అంతగా వేడెక్కుతుందో తెలుసా? 4K60 ఫ్రేమ్స్‌లో వీడియోలు తీయడం, ఒకే చోట తీవ్రమైన 5G నెట్‌వర్క్ రద్దీ ఉండటం, ఫోన్ కేస్‌ల వల్ల వేడి బయటకు పోకపోవడమే దానికి కారణం. స్క్రీన్ డిమ్ కావడం, ఫ్లాష్ లైట్ పనిచేయకపోవడం, ఛార్జింగ్ ఆగిపోవడం లేదా టెంపరేచర్ వార్నింగ్ అలర్ట్ రావడం లాంటివి కనిపిస్తే వెంటనే అలర్ట్ అవ్వండి! వెంటనే వీడియో రికార్డింగ్‌ను ఆపేసి, కెమెరా యాప్‌ను క్లోజ్ చేయండి. ఫోన్ కేస్ తీసేసి, ఏరోప్లేన్ మోడ్ ఆన్ చేయండి. ఒక 5 నుంచి 10 నిమిషాల పాటు ఫోన్‌కు కాస్త రెస్ట్ ఇస్తే అంతా సెట్ అవుతుంది.

ఫోన్ వేడెక్కితే వెంటనే కూల్ చేసే ట్రిక్స్ ఇవే!

ఫోన్ హీట్ అయిందని చెప్పి పొరపాటున కూడా ఐస్, నీళ్లు వాడడం గానీ, ఫ్రిజ్‌లో పెట్టడం గానీ, కార్ ఏసీ వెంట్ వద్ద ఉంచడం గానీ చేయకూడదు. గాలి బాగా ఆడే నీడ ఉన్న ప్రదేశానికి వెళ్లి, ఫోన్‌ను ఒక గట్టి ఉపరితలంపై నిలబెట్టండి. ఫ్యాన్ గాలి తగిలేలా ఉంచాలనుకుంటే, డిస్‌ప్లే వైపు కాకుండా ఫోన్ బ్యాక్ సైడ్ ఉండేలా చూడండి. అలాగే హాట్‌స్పాట్, బ్లూటూత్, జీపీఎస్ (GPS) లొకేషన్‌లను కాసేపు ఆఫ్ చేయండి. వార్నింగ్ పోయాకే మళ్లీ ఆన్ చేయండి. ఈ 30 సెకన్ల చిన్న చిట్కా రద్దీ వాతావరణంలో అద్భుతంగా పనిచేస్తుంది.

నవరాత్రి, దసరా వేడుకల్లో ఫోన్ సేఫ్‌గా ఛార్జ్ చేయడం ఎలా?

ఫోన్ కొద్దిగా వేడిగా ఉన్నప్పుడు 120W లాంటి అల్ట్రా-ఫాస్ట్ ఛార్జింగ్‌ను అస్సలు వాడకండి. దానికి బదులుగా కాస్త నిమ్మదిగా ఛార్జ్ అయ్యే 18W నుంచి 30W అడాప్టర్‌తో లేదా పవర్ బ్యాంక్ ద్వారా ఛార్జ్ చేయడమే సురక్షితం. ఈవెంట్లు చూస్తున్నప్పుడు ఛార్జింగ్‌ను తీసేయండి, గర్బా ఆడుతున్నప్పుడు జేబులో ఫోన్ పెట్టి ఛార్జింగ్ అస్సలు పెట్టొద్దు. ఫోన్‌ను చెక్క లేదా రాతి ఉపరితలంపై ఫ్లాట్‌గా ఉంచండి. ఒకవేళ కేబుల్స్ కాలినట్లు అనిపించినా లేదా పోర్ట్స్ నుంచి వాసన వచ్చినా వెంటనే ఛార్జింగ్ నిలిపివేయండి.

కెమెరా, నెట్‌వర్క్ సెట్టింగ్స్ మార్చి వేడి తగ్గించండిలా..

వీడియోల క్వాలిటీని 4K 30fps కి లేదా 1080p 60fps కి తగ్గించి షూట్ చేయండి. హెచ్‌డీఆర్ (HDR) మోడ్‌ను తగ్గించి, ఫ్లాష్‌లైట్‌ను ఆఫ్‌లో ఉంచండి. డిస్‌ప్లే బ్రైట్‌నెస్‌ను కూడా కాస్త తగ్గించండి. ఐఫోన్ (iPhone) యూజర్లు కెమెరా వ్యూఫైండర్‌లో వీటిని మార్చవచ్చు లేదా Settings > Cellular > Voice and Data లోకి వెళ్లి 'LTE' సెలెక్ట్ చేసుకోండి. అదే ఆండ్రాయిడ్ (Android) ఫోన్ ఉపయోగిస్తుంటే.. కెమెరా రిజల్యూషన్ అండ్ ఫ్రేమ్ రేట్ మెనూలో, అలాగే క్విక్ సెట్టింగ్స్‌లోని నెట్‌వర్క్ సెలెక్టర్‌లో 5Gకి బదులుగా 4G లేదా LTEని ఎంచుకోండి.

పవర్ బ్యాంక్ సేఫ్టీ చిట్కాలు.. సర్వీస్ సెంటర్‌కు ఎప్పుడు వెళ్లాలంటే?

ఎల్లప్పుడూ 100 వాట్ అవర్స్ (Watt Hours) కంటే తక్కువ సామర్థ్యం ఉన్న పవర్ బ్యాంక్‌లనే వెంట తీసుకెళ్లండి. బ్యూరో ఆఫ్ ఇండియన్ స్టాండర్డ్స్ (BIS) మార్క్ ఉన్న కేబుల్స్‌ను మాత్రమే వాడండి. ఫోన్ వెంట్లు, కెమెరాలను కవర్ కాకుండా ఉంచాలి. హై టెంపరేచర్ అలర్ట్ వస్తే నిర్లక్ష్యం చేయకుండా ఫోన్‌ను పక్కన పెట్టి కూల్ అవ్వనివ్వండి, ఎట్టిపరిస్థితుల్లోనూ నీళ్లు లేదా ఐస్ వాడకండి. పదే పదే ఫోన్ ఓవర్ హీట్ అయి స్విచ్ ఆఫ్ అవుతున్నా, బ్యాక్ ప్యానెల్ ఉబ్బినట్లు అనిపించినా వెంటనే సర్వీస్ సెంటర్‌ను సంప్రదించండి. అలాగే కేబుల్ క్రాస్‌గా పెడితేనే ఛార్జింగ్ ఎక్కుతున్నా ఆలస్యం చేయకుండా చూపించడం మేలు.