COVID-19 బూస్టర్ డోస్ వ్యాక్సిన్‌ స్లాట్‌ను బుక్ చేసుకోవడం ఎలా?

భారతదేశంలో కరోనా యొక్క Omicron వేరియంట్ అత్యంత వేగవంతంగా వ్యాప్తి చెందుతుండడంతో భారతదేశంలో COVID కేసులు పెరుగుతున్నందున దేశం కొత్త బూస్టర్ డ్రైవ్‌తో యుద్ధం చేయడానికి సిద్ధమవుతోంది. కొత్త వేరియంట్‌ను ఎదుర్కోవడంలో బూస్టర్ సహాయపడవచ్చని కొన్ని అధ్యయనాలు సూచించడంతో ప్రభుత్వం 60 ఏళ్లు పైబడిన వారికి మరియు ఫ్రంట్‌లైన్ కార్మికులకు బూస్టర్ షాట్‌లను అందించడం ప్రారంభించింది.

బూస్టర్ షాట్ డోస్‌లకు అర్హులైన వారికి ఎలాంటి రిజిస్ట్రేషన్ అవసరం లేకుండా నేరుగా తీసుకోవచ్చు. అయితే అవాంతరాలను నివారించడానికి కౌవిన్ పోర్టల్‌లో నమోదు చేసుకోవలసిన అవసరం ఎంతగానో ఉంది అని సూచించబడింది. బూస్టర్ షాట్ డోస్‌లను కోసం అర్హత మరియు డాక్యూమెంట్స్ మరియు స్లాట్‌ను ఎలా పొందాలి వంటి ఇతర వివరాల యొక్క సాధారణ గైడ్ గురించి తెలుసుకోవడానికి కింద సూచించే పద్దతులను అనుసరించండి.

Cowin పోర్టల్‌లో బూస్టర్ షాట్ డోస్‌ల కోసం నమోదు చేసుకునే విధానం

స్టెప్ 1: Cowin వెబ్‌సైట్- cowin.gov.inని ఓపెన్ చేసి, Cowin ట్యాబ్‌కు నావిగేట్ చేసి, టీకా ఎంపికపై నొక్కండి.

స్టెప్ 2: కింది పేజీలో మీ రిజిస్టర్డ్ మొబైల్ (మీరు మునుపటి రెండు వ్యాక్సిన్ షాట్‌ల కోసం ఉపయోగించినది) నమోదు చేయమని అడగబడతారు. హోమ్ స్క్రీన్‌పై OTP పాప్ అప్ అవుతుంది. లాగిన్ చేయడానికి అంకెలను నమోదు చేయండి.

స్టెప్ 3 : లాగిన్ అయిన తర్వాత అపాయింట్‌మెంట్‌ల మాడ్యూల్‌లో మీరు బూస్టర్ షాట్ డోస్‌లకు అర్హులు కాదా అని సైట్ చూపుతుంది.

స్టెప్ 4: బూస్టర్ షాట్ డోస్‌ ట్యాబ్‌పై నొక్కండి. ఆపై మీ లొకేషన్ ఆధారంగా అపాయింట్‌మెంట్‌ను ఎంచుకోండి. ఆపై బుక్ అపాయింట్‌మెంట్‌పై క్లిక్ చేయండి. ఇది ధృవీకరించబడిన తర్వాత మీరు యాప్ నుండి వివరాలను డౌన్‌లోడ్ చేసుకోవచ్చు.

అర్హత

Cowin బూస్టర్ షాట్ డోస్‌ను తీసుకోవడానికి దానికి సంబందించిన అర్హత గురించి చెప్పాలంటే కోవిన్ రిజిస్టర్డ్ హెల్త్ కేర్ వర్కర్ (HWC) లేదా ఫ్రంట్ లైన్ వర్కర్ (FLW) లేదా 60 ఏళ్లు పైబడిన పౌరుడు మాత్రమే ప్రస్తుతం ఈ బూస్టర్ డోస్‌ని పొందగలుగుతారు. అయితే కొత్త డోస్ ఎంపిక తొమ్మిది నెలలు లేదా 39 వారాల క్రితం రెండవ వ్యాక్సిన్ షాట్ తీసుకున్న వారికి మాత్రమే అందుబాటులో ఉంటుందని కూడా గమనించాలి. నివేదికల ప్రకారం దేశంలోని అర్హులైన జనాభాలో 90 శాతం మంది కోవిడ్-19 వ్యాక్సిన్ మోతాదుతో టీకాలు వేసినట్లు చెబుతున్నారు.

అవసరమైన డాక్యూమెంట్స్

అవాంతరాలను నివారించడానికి టీకా బూట్ వద్ద అపాయింట్‌మెంట్‌కు ఫోటో IDని మరియు రిజిస్టర్డ్ మొబైల్ నంబర్‌ను తీసుకెళ్లాలని కోవిన్ సిఫార్సు చేస్తున్నారు. సెషన్‌ను బుక్ చేసిన తర్వాత మీరు దానిని రద్దు చేయలేరు. అయితే సైట్ దాన్ని రీషెడ్యూల్ చేసే ఎంపికను అందిస్తుంది.

కోవిడ్-19 కేసులు ఇండియాలో మరోసారి విజృంభిస్తున్నాయి ప్రత్యేకించి ఢిల్లీ-NCR ప్రాంతంలో భారీగా కేసులు నమోదు కావడంతో ఇప్పుడు కోవిడ్-19 బూస్టర్ డోస్ వ్యాక్సిన్‌ యొక్క షాట్‌లను తీసుకోవాలని ప్రభుత్వం ఆదేశాలను జారీ చేసింది. అయితే ఈ వ్యాక్సిన్‌ను అర్హులైన వారికి మాత్రమే ప్రభుత్వం పంపిణి చేస్తున్నది. నోయిడా, ఢిల్లీ, బులంద్‌షహర్, లక్నో వంటి నగరాలతో సహా అనేక నగరాలలో మరోసారి కఠిన నిబంధనలను అమలుచేశాయి. ముఖ్యంగా బయట వచ్చే ప్రతి ఒక్కరు కూడా మాస్క్‌లను ధరించడం తప్పనిసరి చేశాయి.

COVID-19 బూస్టర్ వ్యాక్సిన్‌ షాట్‌లపొందాలని చూస్తున్న వారు ఖచ్చితంగా 18 సంవత్సరాల కంటే ఎక్కువ వయస్సు కలిగి ఉన్నవారే కాకుండా ముందు రెండు డోస్లను వేసుకొని తొమ్మిది నెలలు పూర్తి అయ్యి ఉన్నవారు బూస్టర్ డోస్‌లకు అర్హులు. ప్రస్తుతం అన్ని ప్రైవేట్ సెంటర్లలో వ్యాక్సిన్‌లు అందుబాటులో ఉన్నాయి. బూస్టర్ షాట్‌ల కోసం వెళ్లే పౌరులందరూ వారి రెండవ డోస్ యొక్క ధృవీకరణ పత్రాన్ని కలిగి ఉండాలి.

COVID-19 బూస్టర్ డోస్ స్లాట్‌ను బుక్ చేసుకునే విధానం

ఇప్పుడు మీరు బూస్టర్ డోస్ షాట్ స్లాట్‌ను బుక్ చేసుకోవడానికి ప్రయత్నిస్తుంటే కనుక కింద ఉన్న దశల వారీ గైడ్ ను అనుసరించండి. వ్యక్తులు Paytm లేదా వాట్సాప్ వంటి యాప్‌ల నుండి స్లాట్‌ను బుక్ చేసుకునే అవకాశం ఉంది. వారు CoWin వెబ్‌సైట్ నుండి కూడా నేరుగా బుక్ చేసుకోవడానికి అవకాశం ఉంది. అయితే పౌరులు తప్పనిసరిగా మొదటి రెండు డోస్ల కోసం ఉపయోగించిన అదే మొబైల్ నంబర్ మరియు ID కార్డ్‌ని ఉపయోగించాలని గుర్తుంచుకోండి.

** CoWin వెబ్‌సైట్‌ను ఓపెన్ చేసి "ప్రికాషన్ డోస్" విభాగంలోని "బుక్ యువర్ స్లాట్" ఎంపికను ఎంచుకోండి.

** ఆపై రిజిస్టర్డ్ నంబర్‌ను నమోదు చేయమని మిమ్మల్ని అడుగుతుంది (మీ యొక్క మొదటి రెండు డోస్‌లకు ఉపయోగించిన అదే మొబైల్ నంబర్‌ను నమోదు చేయాలి).

** మీరు మీ రెండవ వ్యాక్సిన్‌ వేసుకొని తొమ్మిది నెలలు పూర్తి చేసినట్లయితే కనుక మీరు ప్రికాషన్ డోస్ కోసం స్లాట్‌ను బుక్ చేసుకునే ఎంపికను చూస్తారు.

** "షెడ్యూల్" ఎంపికపై నొక్కండి మరియు మీ పిన్ కోడ్‌ను నమోదు చేయండి.

** పిన్ కోడ్‌ను నమోదు చేసిన తర్వాత మీ చుట్టూ అందుబాటులో ఉన్న టీకా కేంద్రాల జాబితా మీకు కనిపిస్తుంది.

** తరువాత మీ సౌలభ్యం ప్రకారం స్లాట్ తేదీ మరియు సమయాన్ని నిర్ణయించుకోని పేమెంట్ ప్రక్రియను ఆన్ లైన్ పద్దతిలో పూర్తి చేయండి.