మీ ఫోన్ తరచూ హ్యాంగ్ అవుతోందా..?

టిప్ 1

ర్యామ్ పై అధిక ఒత్తిడి ఏర్పడటం వల్ల హ్యాంగింగ్ సమస్య తలెత్తే అవకాశముంది. కాబట్టి, ర్యామ్ స్పేస్‌ను చెక్ చేసుకోకుండా ఎలాంటి అప్లికేషన్‌లను డౌన్‌లోడ్ చేసుకోకుండి. ఒకవేళ మీ ఫోన్ తక్కువ ర్యామ్ మెమరీతో రన్ అవుతున్నట్లయితే అన్ని బ్యాక్‌గ్రౌండ్ యాప్స్‌ను క్లోజ్ చేసేయండి.

టిప్ 2

ఫోన్ బ్యాక్ గ్రౌండ్‌లో నిరుపయోగంగా రన్ అవుతోన్న యాప్స్‌ను టాస్క్ మేనేజర్ సహాయంతో క్లోజ్ చేయటం ద్వారా హ్యాంగింగ్ సమస్య నుంచి తప్పించుకోవచ్చు.

టిప్ 3

ఫోన్ ఇంటర్నల్ మెమరీలోని డేటాను ఎప్పటికప్పుడు ఎస్డీ కార్డ్‌లోకి మూవ్ చేసుకోవటం ద్వారా హ్యాంగింగ్ సమస్య నుంచి బయటపడవచ్చు.

టిప్ 4

 బ్రౌజ్ చేస్తున్న సమయంలో మల్టిపుల్ టాబ్స్‌ను ఓపెన్ చేయకండి. ఒత్తిడితో కూడిన మల్టీ టాస్కింగ్ ప్రాసెసర్ వేగాన్ని తగ్గించివేసి ర్యామ్ పై ఒత్తిడిని పెంచుతుంది. ఈ కారణంగా మీ ఫోన్ హ్యాంగ్ అయ్యే ప్రమాదముంది.

టిప్ 5

మీరు తక్కువ ఖరీదు స్మార్ట్‌ఫోన్‌ను వాడుతున్నట్లయితే ఒకేసారి మల్టిపుల్ యాప్స్‌ను మీ ఫోన్‌లో రన్ చేయకండి.

టిప్ 6

ఫోన్‌లోని యాంటీ వైరస్ సాఫ్ట్‌వేర్‌ను ఎప్పటికప్పుడు అప్‌డేట్ చేసుకోండి. మాల్వేర్లు స్మార్ట్‌ఫోన్ పనితీరును నెమ్మదింప చేసి, ఆ తరువాత హ్యాంగింగ్ కు దారీతీసే అవకాశముంది.

టిప్ 7

మీ ఫోన్‌లో యాప్స్ సృష్టించే cacheని ఎప్పటికప్పుడు క్లియర్ చేసుకోవటం ద్వారా హ్యాంగింగ్ సమస్య నుంచి బయటపడవచ్చు.

టిప్ 8

మీ ఫోన్ తరచూ హ్యాంగ్ అవుతున్నట్లయితే సమస్య ఫోన్ సాఫ్ట్‌వేర్‌ది అయి ఉండొచ్చు. కాబట్టి ఫోన్ సాఫ్ట్‌వేర్‌ను అప్‌డేట్ చేసుకోవటం ద్వారా హ్యాంగింగ్ సమస్య నుంచి బయటపడవచ్చు.

టిప్ 9

ఫోన్‌లో పనికిరాని ఫైళ్లను ఎప్పటికప్పుడు తొలగించటం ద్వారా హ్యాంగింగ్ సమస్య నుంచి బయటపడవచ్చు.

టిప్ 10

ఇవన్ని పాటించినప్పటికి హ్యాంగింగ్ సమస్య నుంచి బయటపడనట్లయితే ఫోన్‌ను సర్వీసింగ్ సెంటర్‌కు తరలించండి.