వారంటీ దెబ్బతినకుండా ఆండ్రాయిడ్ స్మార్ట్‌ఫోన్‌ను Root చేయటం ఎలా?

స్టెప్ 1

ముందుగా iRoot అనే ఆండ్రాయిడ్ రూటింగ్ సాఫ్ట్‌వేర్‌ను మీ పీసీలోకి డౌన్‌లోడ్ చేసుకోండి. ఈ ఒక్క ప్రోగ్రామ్ మాత్రమే వారంటీ దెబ్బతినకుండా ఆండ్రాయిడ్ స్మార్ట్‌ఫోన్‌ను రూట్ చేయగలదు.

స్టెప్ 2

పీసీలోకి సాఫ్ట్‌వేర్ డౌన్‌లోడ్ అయిన తరువాత ఇన్‌స్టాల్ చేయండి. ఇన్‌స్టాలేషన్ ప్రాసెస్ పూర్తి అయిన వెంటనే పోగ్రామ్‌ను లాంచ్ చేయండి. ఈ స్ర్కీన్ షాట్ మీకు కనిపిస్తుంది.

స్టెప్ 3

ఇప్పుడు ఆండ్రాయిడ్ ఫోన్‌లో USB debuggingను ఎనేబుల్ చేయవల్సి ఉంటుంది. ఇలా చేసేందుకు ముందుగా, మీరు మీ ఫోన్ లోని developer optionను ఎనేబుల్ చేసుకోవల్సి ఉంటుంది. ఫోన్ Settings -> About Phone -> Build Number పై 7 నుంచి 10 సార్లు టాప్ చేయటం ద్వారా developer option ఎనేబుల్ అవుతుంది.

స్టెప్ 4

ఇప్పుడు మరోసారి ఫోన్ సెట్టింగ్స్ ఓపెన్ చేసినట్లయితే developer option మీకు కనిపిస్తుంది. డెవలపర్ ఆప్షన్‌ ఓపెన్ చేసినట్లయితే, మీకు USB Debugging పేరుతో మరో ఆప్షన్ కనిపిస్తుంది. ఎనేబుల్ చేసుకోండి.

స్టెప్ 5

ఇప్పుడు మీ ఆండ్రాయిడ్ డివైస్‌ను యూఎస్బీ కేబుల్ ద్వారా పీసీకి కనెక్ట్ చేయండి. iRoot టూల్ మీ డివైస్‌ను డిటెక్ట్ చేసేంత వరకు వెయిట్ చేయండి.

స్టెప్ 6

మీ ఫోన్ డిటెక్ట్ అయిన వెంటనే iRoot సాఫ్ట్‌వేర్ పేజీలోని Root button యాక్టివేట్ అవుతుంది. అంటే, మీ ఫోన్ రూటింగ్‌కు సిద్దంగా ఉన్నట్లన్నమాట. యాక్టివేట్ అయిన రూట్ బటన్ పై క్లిక్ చేయండి.

స్టెప్ 7

రూటింగ్ ప్రక్రియ ముగిసేందుకు కొద్ది నిమిషాల పడుతుంది. ఈ సమయంలో రెండు మూడు సార్లు ఫోన్ రీస్టార్ట్ అవుతుంది.