స్మార్ట్‌ఫోన్‌లను వినియోగిస్తోన్న దాదాపు ప్రతి ఒక్కరూ వాట్సాప్ అకౌంట్‌లను కలిగి ఉంటున్నారు. నిన్న మొన్నటి వరకు ఈ ఇన్‌స్టెంట్ మెసేజింగ్ యాప్ ద్వారా చాటింగ్ ఇంకా ఫైల్ షేరింగ్ మాత్రమే సాధ్యమయ్యేది. ఇప్పుడు వాయిస్ కాల్స్, వీడియో కాల్స్ కూడా సాధ్యమవుతున్నాయి. కొంచం క్రియేటివ్‍గా ఆలోచిస్తే మొబైల్ నెంబర్‌తో పనిలేకుండానే వాట్సాప్ అకౌంట్‌ను సెటప్ చేసుకోవచ్చు. ఈ ప్రొసీజర్‌ను ఇప్పుడు తెలుసుకుందాం..
స్టెప్ 1
ముందుగా వాట్సాప్ యాప్‌ను గూగుల్ ప్లే స్టోర్ నుంచి డౌన్‌లోడ్ చేసుకుని మీ స్మార్ట్‌ఫోన్ లేదా టాబ్లెట్‌లో ఇన్స్టాల్ చేసుకోండి.
స్టెప్ 2
యాప్ విజయవంతంగా మీ ఫోన్‌లో ఇన్స్టాల్ అయిన వెంటనే ఓపెన్ చేసి సెటప్ ప్రాసెస్‌ను మొదలుపెట్టండి. అకౌంట్ సెటప్ ప్రాసెస్‌లో భాగంగా మొబైల్ వెరిఫికేషన్‌ను మీరు పూర్తి చేయవల్సి ఉంటుంది.
స్టెప్ 3
తదుపరి చర్యలో భాగంగా గూగుల్ ప్లే స్టోర్ నుంచి TextNow యాప్‌ను డౌన్‌లోడ్ చేసుకోండి.
స్టెప్ 4
TextNow యాప్ ఫోన్‌లో ఇన్స్టాల్ అయిన తరువాత, యాప్ మీకో ప్రత్యేకమైన నెంబర్‌ను కేటాయిస్తుంది. ఆ నెంబర్ ను ఓ పేపర్ పై రాసుకోండి.
స్టెప్ 5
ఇప్పుడు మీ వాట్సాప్ అకౌంట్‌లోకి వెళ్లి ఆ నెంబర్‌ను వెరిఫికేషన్ బాక్సులో ఎంటర్ చేయండి.
స్టెప్ 6
వెరిఫికేషన్ బై ఎస్ఎంఎస్ ఆప్షన్ కోసం 2 నిమిషాల పాట ఎదురు చూడండి. ఎస్ఎంఎస్ రానట్లయితే వెరిఫికేషన్ బై కాల్ ఆప్షన్‌ను సెలక్ట్ చేసుకోండి.
స్టెప్ 7
ఇప్పుడు మరోసారి TextNow యాప్‌లోకి వెళ్లండి. వాట్సాప్ వెరిఫికేషన్ కాల్ మీకు అందుతుంది. ఆ కాల్‌లో చెప్పే వెరిఫికేషన్ నెంబర్‌ను నోట్ చేసుకోండి.
స్టెప్ 8
ఇప్పుడు వాట్సాప్ అకౌంట్‌ను ఓపెన్ చేసి సంబంధిత కాలమ్‌లో వెరిఫికేషన్ నెంబర్‌ను ఎంటర్ చేసినట్లయితే, మీ వాట్సాప్ అకౌంట్ సెటప్ ప్రాసెస్ విజయవంతంగా పూర్తి అవుతుంది.
