మీ స్మార్ట్‌ఫోన్ ఇంటర్నెట్‌ను ల్యాప్‌టా‌ప్‌కు షేర్ చేయటం ఎలా..?

స్టెప్ 1

ముందుగా మీ పీసీ లేదా ల్యాప్‌టాప్‌లోని Control Panel విభాగంలోకి వెళ్లి Network and Sharing మెనూ పై క్లిక్ చేయండి. ఇక్కడ మీకు 'Set up a new connection'పేరుతో ఓ ఆప్షన్ కనిపిస్తుంది. ఆ ఆప్షన్ పై క్లిక్ చేయండి. ఇప్పుడు మీకు Setup a new dial-up connection' పేరుతో మరో సబ్ ఆప్షన్ కనిపిస్తుంది. దీని పై క్లిక్ చేయండి.

స్టెప్ 2

ఇప్పుడు ఓపెన్ అయ్యే కొత్త సెట్టింగ్స్ విండోలో ఖచ్చితమైన సమాచారాన్ని ఫిల్ చేయండి. డయల్ - అప్ ఫోన్ నెంబర్ అనేది దేశాన్ని బట్టి ఉంటుంది. డీఫాల్ట్ నెంబర్ వచ్చే సరికి 99# లేదా 99***1#

స్టెప్ 3

మీ ISP కనెక్షన్ సెక్యూర్‌గా ఉన్నట్లయితే యూజర్ నేమ్ ఇంకా పాస్‌వర్డ్‌ను సెట్టింగ్స్ విండోలో ఎంటర్ చేయండి. కనెక్షన్ సెక్యూర్‌గా లేకపోయినట్లయితే ఆ ఖాళీలను అలా వదిలేయండి. విండోలో ఆ తరువాత కనిపించే ఖాళీలో కనెక్షన్ నేమ్‌ను ఎంటర్ చేసి Connect ఆప్షన్ పై క్లిక్ చేయండి.

స్టెప్ 4

కంట్రోల్ ప్యానల్‌లోని Phone and Modem ఆప్షన్‌ను ఓపెన్ చేయండి. ఇక్కడ మీ కంట్రీ లేదా ఏరియా కోడ్‌ను యాడ్ చేసిన OK బటన్ పై క్లిక్ చేయండి. మరోసారి Phone and Modem ఆప్షన్‌ను ఓపెన్ చేసి Modem Tabలోకి స్విచ్ అవ్వండి. మీ ఫోన్ అందుబాటులో ఉన్నట్లయితే పోర్ట్‌కు అటాచ్ చేసి కనెక్ట్ అయిన తరువాత సెలక్ట్ చేసుకుని Propertiesలోకి వెళ్లండి.

స్టెప్ 5

ఇప్పుడు కొత్త విండో ఓపెన్ అవుతుంది. ఆ విండోలోని Change Settings ఆప్షన్ పై క్లిక్ చేయండి. విండోను రీఫ్రెష్ చేసి అడ్వాన్సుడ్ సెట్టింగ్స్ టాబ్‌కు స్విచ్ అవ్వండి. ఇక్కడ కనిపించే Extra Initialization Command ఆప్షన్‌లోకి వెళ్లి మీ సర్వీస్ ప్రొవైడర్ అందించే Mobile-APNను ఎంటర్ చేయండి. కమాండ్ పేస్ట్ అయిన తరువాత సెట్టింగ్స్‌ను సేవ్ చేసుకున్నట్లయితే మీ ఫోన్ ఇంటర్నెట్ పీసీలో యాక్సెస్ అవుతుంది.