మీ ఆండ్రాయిడ్ స్మార్ట్‌ఫోన్‌ను ఫిట్నెస్ ట్రాకర్‌లా మార్చటం ఎలా..?

క్యాలరీ కౌంటింగ్ : మైఫిట్నెస్‌పాల్ (Calorie Counting: MyFitnessPal )

ఈ క్యాలరీ కౌంటర్ అప్లికేషన్‌లో 60 లక్షలకు పైగా ఆహారాలకు సంబంధించిన డేటా బేస్ అందుబాటులో ఉంటుంది. ఈ యాప్‌ను ఫాలో అవ్వటం ద్వారా మంచి ఆహారాన్ని తీసుకుంటూ ఫిట్నెస్ లెవల్స్‌ను మరింతగా మెరుగుపరుచుకోవచ్చు. జిమ్ ట్రైనర్స్ కూడా ఈ యాప్‌నే ప్రిఫర్ చేస్తున్నారు. ఆండ్రాయిడ్ స్మార్ట్‌ఫోన్ యూజర్లు ఈ అప్లికేషన్‌ను గూగుల్ ప్లే స్టోర్ నుంచి ఉచితంగా డౌన్‌లోడ్ చేసుకోవచ్చు.

(గూగుల్ ఫిట్ - ఫిట్నెస్ ట్రాకింగ్) Google Fit- Fitness Tracking

గూగుల్ ఇంక్ అందిస్తోన్న అత్యుత్తమ అప్లికేషన్‌లలో గూగుల్ ఫిట్ ఒకటి. ఈ యాప్ మీ కదలికలను ఎప్పటికప్పుడు పసిగట్టగలుగుతుంది. ఉదాహరణకు మీరు వాకింగ్ లేదా రన్నింగ్ చేస్తున్నట్లయితే దాన్ని రియల్ టైమ్‌లో రికార్ట్ చేసి మీరు ఎన్ని క్యాలరీలు ఖర్చు చేసారన్న వివరాలను వెల్లడిస్తుంది. గూగుల్ ప్లే స్టోర్‌లో లభ్యమవుతోన్న ఈ అప్లికేషన్‌ను ఆండ్రాయిడ్ స్మార్ట్‌ఫోన్ యూజర్లు ఉచితంగా డౌన్‌లోడ్ చేసుకోవచ్చు.

స్ట్రావా రన్నింగ్ అండ్ సైక్లింగ్ జీపీఎస్ (Strava Running and Cycling GPS)

ఈ జీపీఎస్ యాప్ ద్వారా రన్నర్స్ ఇంకా సైక్లిస్ట్స్ తమ యాక్టివిటీస్‌ను ఎప్పటికప్పుడు రికార్డ్ చేసుకుని వాటిని షేర్ చేసుకునే వీలుంటుంది. ఆండ్రాయిడ్ యూజర్లు ఈ అప్లికేషన్‌ను గూగుల్ ప్లే స్టోర్ నుంచి ఉచితంగా పొందవచ్చు.

7 మినిట్ వర్క్ అవుట్ (7 Minute Workout)

మెక్‌మాస్టర్ విశ్వవిద్యాలయం నిర్వహించిన ఓ స్టడీ ఆధారదంగా రూపుదిద్దుకున్న ఈ వ్యాయామ ఆధారిత అప్లికేషన్ వర్చువల్ ట్రైనర్‌లా వ్యహరించటంతో పాటు యూజర్లను ఆ దిశగా ప్రోత్సహిస్తుంది. ఈ యాప్ రోజుకు 7 నిమిషాల పాటు ట్రైనింగ్‌ను ఇవ్వటం జరుగుతుంది. ఈ యాప్ అందించే సలహాలు, సూచనలు పాటించటం ద్వారా త్వరితగతని బరువు తగ్గేందుకు ఆస్కారం ఉంటుంది. గూగుల్ ప్లే స్టోర్‌లో లభ్యమవుతోన్న ఈ అప్లికేషన్‌ను ఆండ్రాయిడ్ స్మార్ట్‌ఫోన్ యూజర్లు ఉచితంగా డౌన్‌లోడ్ చేసుకోవచ్చు.

ఇన్‌స్టెంట్ హార్ట్‌రేట్ (Instant Heart Rate)

ఆండ్రాయిడ్ స్మార్ట్‌ఫోన్ యూజర్లు ఈ అప్లికేషన్‌ను తమ స్మార్ట్‌ఫోన్‌లలో ఇన్‌స్టాల్ చేసుకోవటం ద్వారా హార్ట్‌రేట్ అలానే పల్స్ రేట్లను తెలుసుకునే వీలుంటుంది. ఇదే సమయంలో వారి వారి వ్యాయామాలకు సంబంధించిన ప్రొగ్రెస్‌ను కూడా ఈ యాప్ రికార్డ్ చేసి చూపుతుంది.