WhatsApp లో కొత్త డిసప్పెరింగ్ మెసేజ్ ఫీచర్ ను ప్రారంభించడం ఎలా??

ఈ ఫీచర్ ఏదైనా మెసేజ్ ను పంపిన ఏడు రోజుల తర్వాత ఆటొమ్యాటిక్ గా తొలగిస్తుంది. డిసప్పెరింగ్ మెసేజ్ ఫీచర్ వ్యక్తిగత చాట్‌లు మరియు గ్రూప్ చాట్‌ల కోసం కూడా అందుబాటులో ఉంటుంది. ఇప్పుడు అన్ని ప్లాట్‌ఫామ్‌లలోని వాట్సాప్ వినియోగదారులకు ఈ ఫీచర్ అందుబాటులో ఉంది. ఒకరితో ఒకరు చాటింగ్ చేస్తున్నపుడు అదృశ్యమయ్యే మెసేజ్లను ప్రారంభించడానికి లేదా నిలిపివేయాలనుకునే వ్యక్తులను ఎంచుకోవచ్చు. ఈ ఫీచర్ తో గ్రూప్ చాట్లలో నిర్వాహకులకు నియంత్రణ ఉంటుంది.

Android, iOS మరియు వెబ్‌లో డిసప్పెరింగ్ మెసేజ్ లను ప్రారంభించే విధానం

*** వాట్సాప్ ఓపెన్ చేసి చాట్ విండోకు వెళ్ళండి

*** తరువాత మీకు నచ్చిన ఏదైనా కాంటాక్ట్ పేరుపై నొక్కండి.

*** తరువాత కుడివైపు గల నిలువు మూడు చుక్కల మీద నొక్కి అందులో డిసప్పెరింగ్ మెసేజ్ ఎంపికపై నొక్కండి.

*** ప్రాంప్ట్ చేయబడితే ముందుకు కొనసాగించు ఎంపిక మీద నొక్కండి.

*** ఇప్పుడు నిర్దిష్ట చాట్ కోసం డిసప్పెరింగ్ మెసేజ్ లను ఆన్ చేయడానికి "ఆన్" ఎంపికను ఎంచుకోండి.

*** చాట్ విండోకు తిరిగి వెళ్ళండి. ఇప్పుడు మీరు ప్రొఫైల్ ఫోటోలో కొత్తగా డిసప్పెరింగ్ మెసేజ్ల లోగోను కనుగొంటారు.

డిసప్పెరింగ్ మెసేజ్ ల గురించి తెలుసుకోవలసిన కొన్ని విషయాలు

*** డిసప్పెరింగ్ మెసేజ్ యొక్క స్క్రీన్ షాట్‌ను ఫార్వార్డ్ చేయవచ్చు లేదా తీసుకోవచ్చు. అది కనిపించకముందే దాన్ని సేవ్ చేయవలసి ఉంటుంది.

*** మరొక స్మార్ట్‌ఫోన్ లేదా కెమెరాను ఉపయోగించి కూడా ఫోటోను తీసుకోవచ్చు.

*** డిసప్పెరింగ్ మెసేజ్ల కంటెంట్‌ను కూడా కాపీ చేసి వాటిని డాక్యుమెంట్లో సేవ్ చేయవచ్చు.

*** డిసప్పెరింగ్ మెసేజ్ ఎంపికతో పంపబడిన మీడియా ఏడు రోజుల తర్వాత చాట్ నుండి తొలగించబడుతుంది.

*** కోట్ చేసిన మెసేజ్ ఏడు రోజుల తర్వాత కూడా చాట్‌లో ఉండవచ్చు.