ఆనాటి...ఫోటోలను ఫేస్ బుక్ లో చూడటం ఎలా?

By Madhavi Lagishetty

| Published: Friday, January 26, 2018, 7:00 [IST]

ఈ రోజుల్లో ఫేస్ బుక్, వాట్సాప్, ట్విట్టర్ లాంటి సోషల్ మీడియాలు మన జీవితంలో సర్వసాధారణం అయ్యాయి. వాటిని వాడేవారి సంఖ్య రోజురోజుకూ పెరుగుతూనే ఉంది. ఒకరి అభిప్రాయాలను, జ్ఞాపకాలను మరొకరితో పంచుకునేందుకు ఇవి చాలా ఉపయోగపడుతున్నాయని చెప్పవచ్చు. ఇష్టమైనవారితో కలిసి మనం తీసుకున్న ఫోటోలు ట్విట్టర్, ఫేస్ బుక్ లాంటి సామాజిక మాధ్యమాలలో అప్ లోడ్ చేస్తుంటాం.

దీంతో ప్రతిరోజూ టన్నుల కొద్దీ ఫోటోలు, అప్ డేట్స్, వెబ్ పేజీలు, ఇతర ఆన్ లైన్ కు సంబంధించిన ఐటమ్స్ అప్ లోడ్ అవుతూనే ఉంటాయి. అంతేకాదు టన్నుల కొద్దీ ఫోటోలను లైక్ కొడుతూనే ఉంటారు. అయితే మీరు కొన్ని సంవత్సరాల క్రితం ఫేస్ బుక్ లో అప్ లోడ్ చేసిన ఫోటోలను మళ్లీ చూడాలనుకుంటే ఏం చేయాలి.

వాటి గురించి తెలుసుకోవాలంటే ఎలా. దీని కోసమే ఫేస్ బుక్ కొత్త యాక్టివిటీ లాగ్ అనే అప్ డేట్ ను తీసుకువచ్చింది. ఈ యాక్టివిటీ లాగ్ ద్వారా మీరు కొన్నేండ్ల క్రితం పోస్టు చేసిన ఫోటోలను, లైక్స్ , కామెంట్స్ చూసే వీలుంటుంది. మీ మొబైల్ మరియు డెస్క్ టాప్ రెండింటిలోనూ యాక్టివీటి లాగ్ చూసే అవకాశం ఉంటుంది. అది ఎలాగో ఈ కింద ఉన్న దశలలో చూడండి.

స్టెప్1....

ప్లే స్టోర్ లేదా యాప్ స్టోర్ నుంచి ఇన్ స్టాల్ చేయలేకపోయినట్లయితే...మీ స్మార్ట్ ఫోన్లో ఫేస్ బుక్ యాప్ ను ఓపెన్ చేయండి.

స్టెప్2...

ఇప్పుడు స్క్రీన్ మూలలో మూడు లైన్లలో ఉన్న మెనూ బటన్ను నొక్కండి. తర్వాత మెనూ ఎగువన మీ పేరును ప్రెస్ చేయండి.

స్టెప్ 3....

ఇప్పుడు డిస్ల్పే పిక్చర్ లో కిందున్న యాక్టివిటీ లాగ్ బటన్ కు వెళ్లండి. కొన్ని నెలలు లేదా సంవత్సరాల క్రితం జాబితాలో చేర్చిన యాక్టివిటిస్ను స్క్రిన్ తీసుకెళ్తుంది.

స్టెప్ 4....

ఇప్పుడు దానిపై ప్రెస్ చేయండి. పర్టిక్యూలర్ తేదీ రేంజ్ కోసం మీరు ఫేస్ బుక్ లో మీ అన్ని యాక్టివిటిస్ లాగ్స్ చూస్తారు.

స్టెప్ 5...

లైక్స్ కోసం సెర్చ్ చేస్తున్నందున, స్క్రీన్ పై భాగాన ఉన్న ఫిల్టర్ బటన్ను నొక్కండి. తర్వాత లైక్ ప్రెస్ చేయండి.