iQOO, Vivo ఫోన్ అప్‌డేట్ చేస్తున్నారా? ఈ తప్పు చేస్తే మీ ఫోన్ మదర్‌బోర్డ్ ఖతం!

ఇటీవల iQOO, Vivo స్మార్ట్‌ఫోన్‌లకు వచ్చిన Over-The-Air (OTA) సాఫ్ట్‌వేర్ అప్‌డేట్ల వల్ల దేశవ్యాప్తంగా అనేక మంది యూజర్లు తీవ్ర ఇబ్బందులు ఎదుర్కొంటున్నారు. అప్‌డేట్ చేసిన ఫోన్లు పదేపదే రీస్టార్ట్ అవ్వడం (Bootloop), సడన్‌గా స్క్రీన్ బ్లాక్ అయిపోవడం, చివరకు మదర్‌బోర్డు పూర్తిగా పాడైపోవడం లాంటి తీవ్ర సమస్యలు తలెత్తుతున్నాయి. ఇలాంటి లోపభూయిష్టమైన అప్‌డేట్లు ఆటోమేటిక్‌గా డౌన్‌లోడ్ కాకుండా ఉండాలంటే సిస్టమ్ సెట్టింగ్స్‌లోకి వెళ్లి 'Auto-Update' ఆప్షన్‌ను వెంటనే ఆపివేయడం మేలు. కొత్త సాఫ్ట్‌వేర్ ఏదైనా ఇన్‌స్టాల్ చేసే ముందే మీ ఇంపార్టెంట్ డేటాను సురక్షితంగా దాచుకోవడం చాలా ముఖ్యం.

అప్‌డేట్ ఇన్​స్టాల్ చేసే ముందు క్లౌడ్ సర్వీస్‌లు లేదా OTG డ్రైవ్‌ల ద్వారా డేటా బ్యాకప్ పూర్తి చేసుకోండి. వాట్సాప్ చాట్లు, పర్సనల్ ఫోటోలు, ముఖ్యమైన ఫైల్స్ డిలీట్ కాకుండా ముందే సేవ్ చేయడం మంచిది. ఒకవేళ మీ ఫోన్ అసలు ఆన్ కాకపోతే, ఆత్రపడి స్థానిక లోకల్ రిపేర్ షాపులకు తీసుకెళ్లకండి. అనధికారిక షాపుల్లో రిపేర్ చేయిస్తే బ్రాండ్ వారింటీ చెల్లకుండా పోవడమే కాకుండా ఉచిత రిపేర్ పొందే అవకాశాన్ని కూడా కోల్పోతారు.

iQOO/Vivo ఫోన్‌లలో అప్‌డేట్ క్రష్‌లు - చేయాల్సిన రిపేర్ స్టెప్స్

ఒకవేళ మీ ఫోన్ పూర్తిగా స్విచ్ ఆఫ్ అయిపోతే, అస్సలు ఆలస్యం చేయకుండా కంపెనీ అధికారిక సర్వీస్ సెంటర్‌కు వెళ్లండి. అక్కడ సాఫ్ట్‌వేర్ అప్‌డేట్ వల్లే ఫోన్ రీస్టార్ట్/బూట్ కావడం లేదని స్పష్టంగా రాయించి, 'అధికారిక జాబ్ షీట్' (Job Sheet) తప్పకుండా తీసుకోండి. భవిష్యత్తులో ఈ సమస్యపై ఫిర్యాదు చేసేందుకు ఈ జాబ్ షీట్ కీలక ఆధారంగా పనిచేస్తుంది. అప్‌డేట్ కారణంగా మదర్‌బోర్డ్ పాడైతే బ్రాండ్ సర్వీస్ టీమ్‌లు ఉచితంగానే రిపేర్ చేసి ఇస్తున్నాయి. అధికారిక ప్యాచ్ అప్‌డేట్ వల్ల వచ్చిన సమస్యలకు మీ జేబు నుండి డబ్బులు చెల్లించాల్సిన అవసరం లేదు.

ఒకవేళ మీ సమస్యకు తగిన పరిష్కారం లభించకపోతే, కంపెనీ అధికారిక సోషల్ మీడియా హ్యాండిల్స్‌లో ఫిర్యాదు చేయండి. ఇలా చేయడం వల్ల బ్రాండ్ సపోర్ట్ టీమ్ త్వరగా స్పందిస్తుంది. వేగవంతమైన పరిష్కారం కోసం మీ జాబ్ షీట్ వివరాలను నేరుగా బ్రాండ్ ప్రతినిధులతో పంచుకోండి. సర్వీస్ సెంటర్ వారు అనవసరంగా డబ్బులు అడిగితే, వెంటనే నేషనల్ కన్స్యూమర్ హెల్ప్‌లైన్ (NCH)ని సంప్రదించండి. సర్వీస్ రికార్డులను భద్రంగా ఉంచుకోవడం వల్ల వినియోగదారుడిగా మీ హక్కులు పరిరక్షించబడటంతో పాటు త్వరితగతిన పరిష్కారం లభిస్తుంది.

ఫోన్‌ను సురక్షితంగా వాడుకోవాలంటే సాఫ్ట్‌వేర్ అప్‌డేట్ల విషయంలో కాస్త జాగ్రత్తగా ఉండటం, క్రమం తప్పకుండా డేటా బ్యాకప్ తీసుకోవడం అలవాటు చేసుకోవాలి. ఆటోమేటిక్ అప్‌డేట్‌లను డిసేబుల్ చేయడం వల్ల ఇతర యూజర్ల రివ్యూలు చూసి ఆ అప్‌డేట్ ఎంతవరకు సేఫ్ అనేది తెలుసుకోవడానికి సమయం దొరుకుతుంది. ఏ కొత్త సిస్టమ్ ఫర్మ్‌వేర్ నోటిఫికేషన్ వచ్చినా, ఇన్‌స్టాల్ చేసే ముందు వ్యక్తిగత ఫైళ్లను బ్యాకప్ చేయడం మర్చిపోకండి. ఈ చిన్న చిన్న ముందస్తు జాగ్రత్తలు పాటించడం వల్ల మీ ఫోన్ సురక్షితంగా ఉండటమే కాకుండా ఇంపార్టెంట్ డేటా కూడా పోకుండా ఉంటుంది.