Facebook & ఇన్‌స్టాగ్రామ్‌ను మాతృ భాషలోకి మార్చడం ఎలా?

ఫేస్‌బుక్‌లో భారతీయ భాషల మద్దతు

నోటిఫికేషన్లు, మోర్ టెక్స్ట్ మరియు టూల్టిప్స్ వంటి వాటిని వేరే భాష మరియు ఆకృతిలో చూడటానికి మీరు మీ భాష మరియు ప్రాంత సెట్టింగులను మార్చవచ్చు. ఫేస్‌బుక్ కేవలం ఇంగ్లీష్ కాకుండా చాలా భాషలకు మద్దతును ఇస్తుంది. ఈ ఇతర భాషలలో తెలుగు, హిందీ, స్పానిష్, జర్మన్, ఫ్రెంచ్, అరబిక్, మాండరిన్ చైనీస్, పోర్చుగీస్ మరియు మరిన్ని భాషలు ఉన్నాయి. ఈ సోషల్ నెట్‌వర్క్ మొత్తంగా ఎనిమిది భారతీయ భాషలకు మద్దతు ఇస్తుంది.

Also Read:Oppo Smart TV త్వరలో లాంచ్ కానున్నాయి!!! అందుబాటు ధరలోనే...

ఫేస్‌బుక్‌లో భాషను మార్చే విధానం?

స్టెప్ 1: ఫేస్‌బుక్‌ను ఓపెన్ చేసి కుడివైపు ఎగువ భాగంలో గల మూడు-వరుసల చుక్కల బటన్‌ను నొక్కండి.

స్టెప్ 2: తరువాత సెట్టింగ్‌ల ఎంపికను ఎంచుకొని అందులో ప్రైవసీ ఎంపికకు వెళ్లండి.

స్టెప్ 3: ఇందులో "భాష" ఎంపికను నొక్కండి మరియు మీకు నచ్చిన భాషను ఎంచుకోండి. మీ భాషా ప్రాధాన్యత ప్రకారం ఫేస్‌బుక్ ఆటోమ్యాటిక్ గా పేజీని రీలోడ్ చేస్తుంది కాబట్టి మీరు సేవ్ చేయనవసరం లేదు. దీనిని తిరిగి మార్చడానికి మరియు ఇతర ఎంపికలను తనిఖీ చేయడానికి మీరు అదే దశలను అనుసరించవచ్చు.

ఇన్‌స్టాగ్రామ్‌లో భాషను మార్చే పద్ధతులు

స్టెప్ 1: ఇన్‌స్టాగ్రామ్‌లో మీ యొక్క ప్రొఫైల్‌కు వెళ్లడానికి ఇన్‌స్టాగ్రామ్-యూజర్-ప్రొఫైల్ లేదా దిగువ కుడి వైపున ఉన్న మీ ప్రొఫైల్ ఫోటోను నొక్కండి.

స్టెప్ 2: కుడివైపు ఎగువ భాగంలో నొక్కండి ఆపై ఇన్‌స్టాగ్రామ్‌ - సెట్టింగ్‌ల ఎంపికను ఎంచుకోండి.

స్టెప్ 3: అకౌంట్> భాష ఎంపిక మీద నొక్కండి.

స్టెప్ 4: తరువాత మీరు ఉపయోగించాలనుకుంటున్న భాషను ఎంచుకోండి.