వాట్సాప్ చాట్ రిస్టోర్ అవ్వడం లేదా? ఈ పొరపాట్లు చేస్తే మీ మెసేజ్‌లు శాశ్వతంగా డిలీట్!

భారత్‌లోని చాలామంది వాట్సాప్ యూజర్లు ప్రస్తుతం చాట్ రిస్టోర్ కాక ఇబ్బందులు పడుతున్నారు. 'Couldn't restore chats' లేదా 'Stuck on preparing backup' వంటి ఎర్రర్ మెసేజ్‌లు కనిపిస్తున్నట్లు యూజర్లు చెప్తున్నారు. అయితే ఇలాంటి సమస్యలు రాగానే కంగారుపడి వాట్సాప్‌ను అన్‌ఇన్‌స్టాల్ చేయడం కానీ, ఫోన్‌ను ఫ్యాక్టరీ రీసెట్ చేయడం కానీ అస్సలు చేయకండి. హడావుడిగా నిర్ణయాలు తీసుకుంటే బ్యాకప్ లేని మీ మెసేజ్‌లు, మీడియా ఫైళ్లు శాశ్వతంగా డిలీట్ అయ్యే ప్రమాదముంది. క్లౌడ్ సర్వర్లలో తాత్కాలిక సమస్యల వల్ల ఇలా జరిగే అవకాశం ఉంది కాబట్టి కాస్త ఓపిక పట్టడం మంచిది.

ముందుగా మీ వాట్సాప్ రిజిస్టర్డ్ ఫోన్ నంబర్, మీ ప్రైమరీ గూగుల్ అకౌంట్‌తో సరిపోలుతుందో లేదో సరిచూసుకోండి. గూగుల్ డ్రైవ్ యాప్ ఓపెన్ చేసి, 'Backups' ట్యాబ్‌లో వాట్సాప్ ఫోల్డర్ ఉందో లేదో చూడండి. దాంతో పాటు మీ స్మార్ట్‌ఫోన్‌లో చాట్ ఫైల్స్ అన్‌ప్యాక్ అవ్వడానికి సరిపడా ఇంటర్నల్ స్టోరేజ్ ఉందో లేదో చెక్ చేసుకోండి. మీ ఫోన్‌లో 'డ్యూయల్ యాప్స్' (Dual Apps) లేదా 'పారలల్ యాప్స్' (Parallel Apps) ఉపయోగిస్తుంటే వాటిని డిసేబుల్ చేయండి. ఇది బ్యాక్‌గ్రౌండ్ పర్మిషన్ సమస్యలను తొలగిస్తుంది. అలాగే, యాప్ క్యాషే (App Cache) క్లియర్ చేయడం వల్ల గూగుల్ క్లౌడ్ సర్వర్లతో కనెక్షన్ సరిగ్గా ఏర్పడి సమస్య పరిష్కారమవుతుంది.

వాట్సాప్ గూగుల్ డ్రైవ్ బ్యాకప్ సమస్యను ఎలా పరిష్కరించాలి?

క్లౌడ్ నుంచి చాట్ రిస్టోర్ అవుతున్నప్పుడు ఇంటర్నెట్ వేగం చాలా కీలకం. నెట్‌వర్క్ రద్దీ ఎక్కువగా ఉండే జియో లేదా ఎయిర్‌టెల్ 5G సెల్యులార్ డేటా కంటే స్థిరమైన వైఫై (Wi-Fi) కనెక్షన్‌కు మారడం మేలు. మీరు ఏవైనా VPNలు లేదా కస్టమ్ DNS సెట్టింగ్‌లు ఉపయోగిస్తుంటే వాటిని ఆఫ్ చేయండి. ఆండ్రాయిడ్ యూజర్లు 'గూగుల్ ప్లే సర్వీసెస్' అప్‌డేట్ చేయడం వల్ల సర్వర్ సమస్యలు రాకుండా ఉంటాయి. నెట్‌వర్క్ బాగుంటే వాట్సాప్ క్లౌడ్‌లోని ఫైళ్లను వేగంగా గుర్తించి రిస్టోర్ చేస్తుంది.

ఒకవేళ క్లౌడ్ బ్యాకప్ ఎంతకీ వర్క్ కాకపోతే, మ్యాన్యువల్ లోకల్ రిస్టోర్ అనేది మంచి ప్రత్యామ్నాయం. మీ ఫోన్‌లోని ఫైల్ మేనేజర్‌కి వెళ్లి వాట్సాప్ డేటాబేస్ ఫోల్డర్‌ను ఓపెన్ చేయండి. యాప్‌ను రీఇన్‌స్టాల్ చేసే ముందే ఆ ఎన్‌క్రిప్టెడ్ డేటాబేస్ ఫైళ్లన్నింటినీ సురక్షితమైన వేరే ఫోల్డర్‌లోకి కాపీ చేసుకోండి. లేటెస్ట్ డేటాబేస్ ఫైల్ పేరు మార్చడం ద్వారా ఇంటర్నెట్‌తో పనిలేకుండానే ఆఫ్‌లైన్‌లో చాట్ రిస్టోర్ చేసుకోవచ్చు. దీనివల్ల ఇంటర్నెట్ డేటా వేస్ట్ కాకుండా మీ చాట్ హిస్టరీ సేఫ్‌గా ఉంటుంది.

ఎండ్-టు-ఎండ్ ఎన్‌క్రిప్షన్ (E2EE) సెక్యూరిటీ ఉపయోగిస్తున్న యూజర్లు తమ 64-డిజిట్ కీని చాలా జాగ్రత్తగా ఎంటర్ చేయాలి. వరుసగా తప్పు పాస్‌వర్డ్‌లు ఇస్తే అకౌంట్ లాక్ అయి డేటా డిక్రిప్ట్ కాకుండా పోయే ప్రమాదముంది. ఇక ఐఫోన్ (iPhone) యూజర్లు వేరే ప్లాట్‌ఫారమ్‌లకు డేటా బదిలీ చేసే ముందు ఐక్లౌడ్ (iCloud) బ్యాకప్ సమయాన్ని సరిచూసుకోవాలి. సమస్య పరిష్కారం కాక వాట్సాప్ సపోర్ట్ టీమ్‌కు ఫిర్యాదు చేయాల్సి వస్తే లోకల్ సిస్టమ్ లాగ్స్ ఎంతగానో ఉపయోగపడతాయి. ఈ జాగ్రత్తలన్నీ పాటిస్తే మీ విలువైన పర్సనల్ చాట్‌లను సురక్షితంగా రికవర్ చేసుకోవచ్చు.