వాట్సాప్ లో వాయిస్ స్టేటస్ ను ఎలా అప్డేట్ చేయాలి? స్టెప్ బై స్టెప్ ప్రాసెస్

ఇంతవరకు వాట్సాప్ లో మీరు రోజువారీ ఫోటోలు లేదా చిన్న వీడియోలను వాట్సాప్ స్టేటస్‌ లుగా ఉంచడంలో విసిగిపోయారా? అయితే వాట్సాప్ స్టేటస్ లో కొత్త గా ప్రయత్నించడానికి మీకు కొత్త ఫీచర్ అందుబాటులో ఉంది. మీ స్వంత గొంతు తో "గుడ్ మార్నింగ్" చెప్పండి లేదా కవిత చెప్పండి లేదా పాట పాడండి... వాటిని ఇప్పుడు స్టేటస్‌ లుగా ఉంచుకోవచ్చు.

బహుశా మీరు మీ స్వంత వాయిస్‌ని వాట్సాప్ స్టేటస్‌గా ఎలా సెట్ చేసుకోవాలో తెలుసుకోవాలనుకుంటే.. చింతించకండి, మీరు సరైన ప్రదేశానికి వచ్చారు. ఎందుకంటే ఇది వాయిస్ నోట్‌ని (అంటే మీ వాయిస్) రికార్డ్ చేసి, వాట్సాప్ స్టేటస్‌గా ఎలా పెట్టాలి ఇక్కడ మీరు తెలుసుకోబోతున్నారు.

వాట్సాప్ లో, తాజా అప్‌డేట్ ద్వారా కొత్త ఎమోజి రియాక్షన్‌లు మరియు ప్రైవేట్ ఆడియన్స్ సెలెక్టర్ వంటి కొత్త ఫీచర్లు జోడించబడ్డాయి. దీనికి అదనంగా, ఆండ్రాయిడ్ మరియు iOS వినియోగదారుల కోసం వాయిస్ స్టేటస్ ఫీచర్ కూడా ప్రవేశపెట్టబడింది. ఈ ఫీచర్ మీ వాయిస్‌ని వాట్సాప్ స్టేటస్‌గా ఉంచడానికి మిమ్మల్ని అనుమతిస్తుంది.

నిన్న మొన్నటి వరకు వాయిస్ మెసేజ్ లుగానే మీ వాయిస్ లు పంపేవాళ్లు ... అయితే ఇప్పుడు వాయిస్ స్టేటస్ కూడా అందుబాటులోకి వచ్చింది. ఇంతకుముందు పర్సనల్ చాట్, గ్రూప్ చాట్ లలో మాత్రమే వాయిస్ మెసేజ్ లను రికార్డ్ చేయడానికి, షేర్ చేయడానికి వాట్సాప్ అనుమతించగా, ఇప్పుడు దాన్ని స్టేటస్ గా సెట్ చేసుకునేందుకు వీలు కల్పిస్తోంది. అయితే, ఈ వాయిస్ స్టేటస్ ఫీచర్ వీడియో స్టేటస్ లాగానే 30 సెకన్ల పరిమితిని కలిగి ఉంది.

అంటే మీరు 30 సెకన్ల వరకు వాయిస్ రికార్డింగ్‌ను మాత్రమే స్టేటస్‌గా ఉంచుకోగలరు. బహుశా మీరు చాలా పొడవైన వాయిస్ స్టేటస్‌ని సెట్ చేయాలనుకుంటే, 30 సెకన్ల తర్వాత "మీరు ఎక్కడ నుండి వదిలేశారో" మళ్లీ ప్రారంభించి, తర్వాతి వాయిస్ స్టేటస్‌లను సెట్ చేయవచ్చు!

వాట్సాప్ వాయిస్ స్టేటస్ ని ఎలా సెట్ చేయాలి? ముందుగా, మీరు మీ ఆండ్రాయిడ్ స్మార్ట్‌ఫోన్‌లో వాట్సాప్‌ను తాజా వెర్షన్‌కు అప్‌డేట్ చేశారని నిర్ధారించుకోండి. స్టేటస్ ట్యాబ్‌కు వెళ్లడానికి ఎడమవైపుకు స్వైప్ చేయండి. లేదా నేరుగా స్థితి ట్యాబ్‌పై క్లిక్ చేయండి.

మీ ఫోన్ లో వాట్సాప్ వాయిస్ స్టేటస్ ని అప్‌లోడ్ చేయడానికి స్టెప్ బై స్టెప్ గైడ్ ఇక్కడ ఉంది:
* మీరు మొదట వాట్సాప్ ని తెరవండి
* ఇప్పుడు వాట్సాప్ యొక్క స్టేటస్ మెనూ తెరవండి
* ఇందులో పెన్ గుర్తుపై క్లిక్ చేయండి
* తర్వాత మైక్రోఫోన్‌పై క్లిక్ చేయండి
* ఇక్కడ మీ వాయిస్ రికార్డ్ చేయడానికి మైక్రోఫోన్ చిహ్నాన్ని అలాగే పట్టి ఉంచండి
* ఆ తర్వాత Submit బటన్ పై క్లిక్ చేయండి
* ఇప్పుడు మీ వాయిస్ మెసేజ్ స్టేటస్ లో సేవ్ చేయబడుతుంది.

అంతే. ఇప్పుడు మీ వాట్సాప్ సర్కిల్‌లోని ప్రతి ఒక్కరూ మీ వాయిస్ స్టేటస్ ని చూడగలరు / వినగలరు.సాధారణ స్టేటస్ లాగానే మీరు దీనికి రిప్లై కూడా ఇవ్వవచ్చు మరియు ప్రతిస్పందించవచ్చు.