షావోమి నుంచి స్మార్ట్‌వాచ్‌లు వచ్చేస్తున్నాయ్!

ఆండ్రాయిడ్ అలానే ఐఓఎస్ ఆపరేటింగ్ సిస్టంలను సపోర్ట్ చేస్తాయి..

ఈ స్మార్ట్‌వాచ్‌లు ఆండ్రాయిడ్ అలానే ఐఓఎస్ ఆపరేటింగ్ సిస్టంలను సపోర్ట్ చేయగలుగుతాయట. వాస్తవానికి ఈ రెండు స్మార్ట్‌వాచ్‌లను ఫిబ్రవరి 2018లోనే షావోమి లాంచ్ చేసింది. అంతర్జాతీయ మార్కెట్లో అమేజ్‌ఫిట్ బిప్ మోడల్ ధర 99 డాలర్లుగాను (ఇండియన్ కెరెన్సీలో రూ.6,800), అమేజ్‌ఫిట్ స్ట్రాటోస్ మోడల్ ధర 199.99 డాలర్లుగాను (ఇండియన్ కరెన్సీలో రూ.13,600)గాను ఉంది. వీటిలో అమేజ్‌ఫిట్ స్ట్రాటోస్ గుండ్రటి డయల్‌తో వస్తోంది.

Amazfit Bip స్పెసిఫికేషన్స్..

స్పెసిఫికేషన్స్ విషయానికి వచ్చేసరికి అమేజ్‌ఫిట్ బిప్ మోడల్ 1.28 అంగుళాల ఆల్వేస్ ఆన్ కలర్ డిస్‌ప్లే (176x176పిక్సల్స్)ను కలిగి ఉంటుంది. ఈ డిస్‌ప్లేను కార్నింగ్ గొరిల్లా గ్లాస్ 3 ప్రొటక్ట్ చేస్తుంది. ఐపీ68 రేటింగ్‌తో వస్తోన్న ఈ వాచ్ డస్ట్ అలానే వాటర్ ప్రూఫ్ సామర్థ్యాలను కలిగి ఉంది. ఈ వాచ్‌లో నిక్షిప్తం చేసిన హార్ట్‌రేట్ సెన్సార్ ద్వారా గుండె పనితీరును ఎప్పటికప్పడు చెక్ చేసుకునే వీలుంటుంది. ఈ వాచ్‌లో ఏర్పాటు చేసిన 190ఎమ్ఏహెచ్ బ్యాటరీ సింగిల్ ఛార్జ్ పై నాలుగు నెలల (వాచ్ మోడ్‌లో) బ్యాకప్‌ను అందించగలుగుతుందట.

Amazfit Stratos స్పెసిఫికేషన్స్..

ఇక అమేజ్‌ఫిట్ స్ట్రాటోస్ విషయానికి వచ్చేసరికి ఈ వాచ్ 1.34 అంగుళాల ఆల్వేస్ ఆన్ డిస్‌ప్లే (300x320పిక్సల్స్)ను కలిగి ఉంటుంది. ఈ డిస్‌ప్లేను కార్నింగ్ గొరిల్లా గ్లాస్ 3 ప్రొటక్ట్ చేస్తుంది. ఐపీ68 రేటింగ్‌తో వస్తోన్న ఈ వాచ్ డస్ట్ అలానే వాటర్ ప్రూఫ్ సామర్థ్యాలను కలిగి ఉంటుంది. 512ఎంబి ర్యామ్‌తో పాటు 1.2GHz డ్యుయల్-కోర్ ప్రాసెసర్‌ను వాచ్ లో నిక్షిప్తం చేసారు.

ఎల్టీఈ కనెక్టివిటీ సపోర్ట్..

బ్లుటూత్ అలానే ఎల్టీఈ కనెక్టివిటీలను అమేజ్‌ఫిట్ స్ట్రాటోస్ వాచ్ సపోర్ట్ చేస్తుంది. ఇదే సమయంలో యాంబియంట్ లైట్, గైరోస్కోప్, ఎయిర్ ప్రెజర్ వంటి సెన్సార్స్‌ను కూడా ఈ వాచ్ కలిగి ఉంది. వాచ్‌లో అమర్చిన 290ఎమ్ఏహెచ్ బ్యాటరీ సింగిల్ ఛార్జ్ పై 5 రోజల బ్యాకప్‌ను అందించగలుగుతుందట.